Funga Ulo we

Yehova kakulemesa chinji ulo. Iye kanambe ngwenyi, lunga ni pwo katamba kununga hamuwika. (Mat 19:5, 6) Kuli yilweza yinji ya mandumbu waze ali ni ulo upema. Chipwe chocho ulo wo hi ungunu ko. Ni ayo kakupalika mu yipikalo yinji. Kutwatambile kupwa ni manyonga waze atu anji akwete, akwamba ngwo, kulihanduna ni kulilakula yili jila yipema ya kuhwishilamo yipikalo mu ulo. Kuchi akwa-Kristu mahasa kufunga ulo wo?

Tala yikuma yilemu yitano.

1. Funga mbunge ye hakwehuka yuma ngwe, kutenya-tenya ni yiheho ya sonyi yize yakukokolola zango mu ulo.—Mat 5:28; 2Pe 2:14.

2. Kolesa usepa we ni Zambi, nawa kolesa zango lie lia kumuvwisa kuwaha mu ulo we.—Sam 97:10.

3. Nunga ni kuzala utu waha, nawa linga yuma yipema yize muyikwasa yoze walimbata nenyi hanga awahilile ku mwono wenyi.—Kol 3:8-10, 12-14.

4. Pwako ni kuhanjika nenyi ni vumbi.—Kol 4:6.

5. Solola zango mu ulo we.—1Ko 7:3, 4; 10:24.

Muze akwa-Kristu akulemesa ulo, kakulemesa nawa mwenya ulo, Yehova.

SOLOLA CHINEMA, TWATAMBA ‘KUZOMBOKA NI KUNYONGONONA’—HA KUKAULA SHIMBI JIZE HANATWEHE, MBA NUKUMBULULE YIHULA YINO:

• 

  Chipwe ngwe atu amwe maputuka kanawa ulo wo, yipikalo yika mahasa kupwa nayo kulutwe?

• 

  Kuchi shimbi ja mu Mbimbiliya mujihasa kukwasa waze anapinji mu ulo?

• 

  Shimbi jika jize Yehova hanase hakutwala ku ulo?

• Yika hita umwe atamba kulinga mba eswe apwe ni uwahililo mu ulo?