Yika unalinge hanga akupapachise?
MWONO WA AKWA-KRISTU
Sakula Kulingila Yehova
Nyi uli longi wa Mbimbiliya hanji mukwa-kwambujola yoze kanda achipapachisa, shina unazange akupapachise kulutwe? Mumu liaka unazange hanga akupapachise? Kulihana ni upapachiso yakukolesa usepa wetu ni Yehova. (Sam 91:1) Yakutwala nawa ku ulamwino. (1Pe 3:21) Yika muyihasa kukukwasa mba ulinge yuma yino?
Pwako ni shindakenyo ngwo uno uli umwenemwene. Muze muupwa ni chimwe chihula hengwola. (Ro 12:2) Nyingika yuma yize watamba kwalumuna ku mwono we, nawa yilinge ni nyonga lia kuvwisa Yehova kuwaha. (Yis 27:11; Efw 4:23, 24) Lemba mashimbu eswe hanga wite ukwaso wenyi. Pwako ni shindakenyo ngwo, Yehova makutakamisa ni kukukwasa kupalikila mu spiritu yenyi yisandu. (1Pe 5:10, 11) Tachi jize muusa kujishi kulitokela. Kuwayila Yehova che chuma chilemu chize twatamba kulinga ku mwono wetu!—Sam 16:11.
SOLOLA CHINEMA, YUMA YIZE AMWE ALINGILE MBA AAPAPACHISE, MBA NUKUMBULULE YIHULA YINO:
Yikwiko yika amwe akumbile mba aapapachise?
Kuchi muhasa kukolesa ufulielo we mba ulihane kuli Yehova?
Yika yatwalile amwe kukwata chiyulo cha kwapapachisa?
Yiwape yika akuzuka atu waze akusakula kulingila Yehova?
Yika kulihana ni upapachiso yinalumbunuka?