MWONO WA AKWA-KRISTU
Nunga ni Kulilulieka ‘ha Matangwa Wano Akusula’
Ha ‘matangwa wano akusula’ mutupinda ni yipikalo yinji. (2Ti 3:1; “dores de aflição” notas de estudo Mat 24:8, nwtsty) Muze kwakulingiwa luyinda wa chisemewa, tuvumbi twa Yehova kakutambula usongwelo walita hanga alamwine mwono wo. Kashika, nyi tunazange kulilamwina, twatamba kulilulieka haliapwila ku spiritu ni ku musunya.—Lu 16:10.
Kulilulieka ku spiritu: Pwako ni ndako jipema. Lilongese mutapu unji wa kwambulwilamo. Kanda wivwa woma nyi walihandununa ni akwenu mu chikungulwila ha mashimbu akehe. (Iza 30:15) Yena kuwalihandunwine ni Yehova ni Yesu.—od 176 ¶15-17
Kulilulieka ku musunya: Muze tunalilulieka, mu ngonga twatamba kusamo kulia, meya, yitumbo ni kulia chize kuchishi kupola ni kawashi.—Yis 22:3; g17.5-T 4, 6
SOLOLA CHINEMA, SHINA HIWALILULIEKA HAKUTWALA KU LUYINDA WA CHISEMEWA? MBA NUKUMBULULE YIHULA YINO:
Kuchi mutuhasa kulilulieka ku spiritu hakutwala ku umwe kakundukundu wa chisemawa?
Mumu liaka twatamba. . .
kuhanjieka ni makulwana a mu chikungulwila?
kululieka ngonga ya yikwata?
kunyingika mutapu wa kakundukundu yoze wakulingiwa mu chifuchi ni yize twatamba kulinga?
Majila aka atatu waze mutuhasa kukwashilamo akwetu muze mapalika mu luyinda wa chisemewa?
LIHULE NGWE, ‘Malongeso aka nawana hano waze mangukwasa kulilulieka hakutwala ku musongo wa COVID-19?’