Solola Zango mu Usoko

Zango lili ngwe ulimbo uze wakununga usoko. Nyi mu usoko kumushi zango, chakupwa chikalu kulinunga ni kulivwashana. Kuchi lunga, pwo ni yisemi mahasa kusolola zango mu usoko?

Lunga yoze ukwete zango, kakulemesa yize mukwo-pwo anafupiwa, chize akwivwa ni kutayiza nyonga lienyi. (Efw 5:28, 29) Kakukwasa usoko wenyi ku musunya, ku ufulielo ni kulinga uwayilo wa mu usoko ha hita poso. (1Ti 5:8) Pwo yoze ukwete zango, kakuzeyela mukwo-lunga ni kumuvumbika chinji. (Efw 5:22, 33; 1Pe 3:1-6) Ayo eswe katamba kununga ni kulikonekena ni mbunge yeswe. (Efw 4:32) Yisemi waze akwete zango kakuzanga hita mwana, nawa kakwalongesa kuzanga Yehova. (Shi 6:6, 7; Efw 6:4) Kapinda muka ana je akupalika ku shikola? Yika akulinga muze akwashinjika kuli akwo hanga alinge yuma yipi? Nyi mu usoko muli zango linji, atu eswe mawahilila ni kutwama kanawa.

SOLOLA CHINEMA, SOLOLA ZANGO LIZE KULISHI KUHWA MU USOKO, MBA NUKUMBULULE YIHULA YINO:

• 

  Kuchi lunga yoze ukwete zango akulemesa mukwo pwo?

• 

  Kuchi pwo yoze ukwete zango akusolola vumbi linji kuli mukwo-lunga?

• 

  Kuchi yisemi azango akulongesa ana jo Liji lia Zambi?