Vwila Atu Keke

Keke yinalumbunuka kunyingika manyonga ja mutu, chize anevu, yitanga yenyi ni yize anafupiwa. Atu akwo kakunyingika muze tunevwila keke, nyi tunazange kukwasa akwetu, muchipwa chashi kwevwila keke. Nyi mutuvwila atu keke mu munda, mutusolola ngwetu twakwimbulula zango lia Yehova, chino muchaakwasa hanga azange kumunyingika.—Fwp 2:4.

Mutuhasa kuvwila akwetu keke ha kwapanjika kanawa, muze tunahanjika no, ha yitanga yetu, muze tunasunga-sunga moko ni chize twakusoloka ku meso. Twakusolola ngwo tunevwila keke umwe mutu ha kumusolwela zango liamwenemwene, kunyingika yuma yize akuzanga, yize akufuliela ni yize akupalika. Twakumukwasa anyingike yize malinga ni kumulongesa, alioze kutushi kumushinjila hanga alumune yitanga yenyi. Muze atu waze twakwambulwila akutayiza ukwaso wetu, chino chakutwaha chiseke chinji mu mulimo wa kwambujola.

SOLOLA CHINEMA, WAHILILA HA KUTAYISA TUMBAJI—WAHISA UTOTOMBO WE HA KWAMBUJOLA—PWAKO NI KEKE, MBA NUKUMBULULE YIHULA YINO:

• 

  Kuchi Neeta asolola ngwo kevwila Jade keke muze alaluka?

• 

  Kuchi Neeta asolola ngwo kevwila Jade keke muze amulweza ngwenyi kechi kulilongesa mumu kanahongo?

• 

  Kuchi Neeta asolola ngwo kevwila Jade keke muze amulweza ngwenyi keshi kuhasa kululieka kanawa yuma?