LIKOLWEZE CHINJI MU MUNDA | WAHILILA MU MULIMO WA KWAMBUJOLA
Tayiza Ukwaso wa Mandumbu Je
Yehova kakutukwasa kupalikila muli ‘mandumbu jetu a hashi heswe.’ (1Pe 5:9) Ayo mahasa kutukwasa kukumba kapinda mweswawo mutupwa nenyi mu munda. Chakutalilaho, postolo Paulu kayukile ha ukwaso wa Akwila, Prisila, Saila, Timoteu ni mandumbu akwo.—Yi 18:1-5.
Kuchi mandumbu mahasa kukukwasa mu mulimo wa kwambujola? Ayo mahasa kukulweza chize mukumbulula muze makuteta maliji, chize mufuna ni kumeneka, chize muputuka ni chize musongwela longeso lia Mbimbiliya. Nyonga hali ndumbu wa mu chikungulwila chenu yoze mahasa kukukwasa ha yize unafupiwa mu munda, hanyima, mwite ukwaso wacho. Nyi wachilinga, yenweswe munuyuka, nawa chino muchinwaha uwahililo.—Fwp 1:25.
SOLOLA CHINEMA, WAHILILA HA KUTAYISA TUMBAJI—TAYIZA UKWASO WA YEHOVA—MANDUMBU JETU, MBA NUKUMBULULE YIHULA YINO:
Kuchi Neeta akolweza Jade hanga aye ku kukunguluka?
Mumu liaka twatamba kuya hamuwika ni mandumbu jetu muze tunayi ni kusongwela longeso lia Mbimbiliya?
Mba mutu apwe kambaji kakufupiwa ukwaso wa chikungulwila cheswe
Yuma yika Jade ni Abigail te akuzanga?
Yuma yika mandumbu mahasa kukulongesa hakutwala ku mulimo wa kwambujola?