Kuchi Mandumbu a Mapwo Mahasa Kukwasa?

Mandumbu a mapwo kakukwasa chinji mulimo wa Wanangana. (Sam 68:11) Ayo kakusongwela malongeso anji a Mbimbiliya. Hakachi ka mapionelu a shimbu lieswe, anji kali mandumbu a mapwo. Tununu a mandumbu a mapwo hashi heswe kakukalakala ngwe, Mbetelita, mishionaliu, akwa-kulihana mu mulimo wa kutunga mazuwo ni kulumbununa mikanda. Mandumbu a mapwo ajama kakutakamisa usoko wo ni yikungulwila. (Yis 14:1) Tunanyingika ngwetu, mandumbu a mapwo keshi kwatongola ngwe makulwana a mu chikungulwila hanji tuvumbi, chipwe chocho ayo mahasa kutesa yimwe hanga alinge mu chikungulwila. Nyi uli ndumbu wa pwo, yuma yika yize muhasa kulinga hanga ukwase?

• Pwako ni yitanga yipema ya Ukristu.—1Ti 3:11; 1Pe 3:3-6

• Kwasa mandumbu akwo a mapwo a mu chikungulwila waze kanda achijama.—Tit 2:3-5

• Eseka kupalikisa mashimbu anji mu mulimo wa kwambujola, nawa wahisa utotombo we mu mulimo wakwambujola

• Lilongese limi lieka

• Alukila kuze kunafupiwa ukwaso

• Lilulieke hanga ukalakale ku Mbetele hanji kukwasa mulimo wa kutunga mazuwo a milimo ya Zambi

• Lilulieke hanga uye ku Shikola ya Akwa-Kwambujola Wanangana

SOLOLA CHINEMA CHINAMBE NGWO, “MAPWO WAZE AKUKILIKITA MU MILIMO YA MWENE,” MBA NUKUMBULULE CHIHULA CHINO:

• Kuchi yuma yize hita ndumbu wa pwo amba yakukolweza?