LIKOLWEZE CHINJI MU MUNDA | WAHILILA MU MULIMO WA KWAMBUJOLA
Longesa Alongi je a Mbimbiliya Anyingike Chize Mapwa ni Kulilongesa
Mba alongi anyingikine kanawa Yehova ni kupwa akwa-Kristu ajama ku ufulielo, ayo katamba kulilongesa yuma yinji, hi yize ko wika akwalongesa kuli alongeshi jo. (Mat 5:3; Hep 5:12–6:2) Ayo nawa katamba kunyingika chize mahasa kulilongesa ene.
Chize ku uputukilo, longesa alongi je chize mahasa kululieka longeso lio lia Mbimbiliya, nawa akolweze hanga achilinge. (mwb18.03 6) Akolweze hanga alembe shimbu kanda achiputuka kulinga longeso lio lia wika. Akwase hanga anyingike kuchiza mikanda yakulilongesa nayo yili ha site ni kuyizachisa. Akwase kuwana yikuma yaha yili ha jw.org ni JW Broadcasting®. Nunga ni kwakolweza hanga apwe ni kutanga Mbimbiliya matangwa eswe, kululieka kukunguluka ni kuhengwola hanga awane kumbululo lia yihula yo. Chikwo nawa, akolweze apwe ni kupukuna ha yize akulilongesa.
SOLOLA CHINEMA CHINAMBE NGWO, KWASA ALONGI JE A MBIMBILIYA HANGA ANYINGIKE CHIZE MAPWA NI KULILONGESA, MBA NUKUMBULULE YIHULA YINO:
Kuchi Neeta akwashile Jade kunyingika ngwo kulilongesa chinalumbunuka yuma yinji hi kunyingika ko wika kumbululo?
Yika yakwashile Jade kumona ngwo shimbi ya Yehova yakukanjisa utanji yinalita?
Longesa alongi je ulemu wakulilongesa yikuma yinji ni chize mahasa kuzachisa yikuma yacho
Yika Jade anyingikine hakutwala ku kupukuna?