YIKUMA YILEMU YA MU LIJI LIA ZAMBI

Sakula Yoze Mulimbata Nenyi ni Mana

Solomone yalimbata ni mapwo waze te akuwayila tuzambi a mahuza (1Mi 11:1, 2; w18.07 16 ¶7)

Mapwo a Solomone kapiangwile mbunge yenyi hakehe-hakehe hanga yipwe kusuku ni Yehova (1Mi 11:3-6; w19.01 15 ¶6)

Yehova yatenukina Solomone (1Mi 11:9, 10; w18.07 17 ¶9)

Yizulie: Umwe pangi wa pwo twamishi kanalingi longeso lia wika nawa kananyonge hali ndumbu wa lunga twamishi. 1. Umwe ndumbu kanahana kumbululo ha kukunguluka. 2. Kanambujola ha mbunga. 3. Kanakwase kululieka Zuwo lia Wanangana.

Liji lia Zambi liakutoweza akwa-Kristu waze twamishi ambate “muli mwe Mwene wika.” (1Ko 7:39) Alioze, mutu nyi hamupapachisa, chino kuchalumbunukine ngwo kanajama kulimbata nenyi. Shina mutu wacho makukwasa kununga ni kuwayila Yehova ni mbunge yeswe? Kutala hakupalika cha mashimbu, shina mutu wacho kakusolola zango lingunu hali Yehova? Shimbu kanda uchitayiza kulimbata nenyi, chiza mashimbu hanga unyingike kanawa mutu yoze unazange kulimbata nenyi.