Umbachiso—Kulinunga ku Miaka Yeswe

Umbachiso wa akwa-Kristu uze wafumbuka wakuhalisa Yehova ni kuneha uwahililo kuli lunga ni pwo. (Mar 10:9) Mba ulo ununge ku miaka yeswe ni uwahililo, akwa-Kristu katamba kukaula shimbi ja mu Mbimbiliya hakusakula yoze malimbata nenyi.

Kulinga usendo ni yoze unazange kulimbata nenyi shimbu kanda uhiana “kukula cha miaka,” mashimbu waze usolo wakulisumbakenya wa kwoka, muchihasa kuneha kapinda. (1Ko 7:36) Zachisa kanawa miaka ye muze uchili twamishi hanga ukolese usepa we ni Zambi ni kupwa ni yitanga ya Ukristu. Kashika, hakupalika cha mashimbu, chino muchikukwasa ukalinge umbachiso kanawa.

Shimbu kanda uchitayiza kulimbata ni umwe mutu, chiza mashimbu hanga unyingike “mutu wa muchima mu mbunge” hanji yize yili mu mbunge ya mutu. (1Pe 3:4) Nyi munuyambashana ha chimwe chuma, hanjikenu ha chikuma chacho. Ngwe chize chakulingiwa mu usepa weswawo, mu ulo, yena kanda ushimbwila yize mutambula alioze yize muhana. (Fwp 2:3, 4) Nyi wakaula shimbi ja mu Mbimbiliya muze kanda uchimbata, chino muchikukwasa kupwa ni uwahilo mu ulo we.

SOLOLA CHINEMA, KULILULIEKA MUMU LIA UMBACHISO—CHIHANDA 3: TALA UMONE NYI ULI “NI MBONGO” JINAKUMBANA, MBA NUKUMBULULE YIHULA YINO:

• Kuchi usendo wa umwe pangi ni Shane wapwile?

• Yika amwene muze anakamunyingika kanawa?

• Kuchi yisemi jenyi amukwashile, nawa chiyulo chika cha mana akwachile?