Fuliela Muze Unapalika mu Kapinda wa Kuhona Mbongo

Mwono ha matangwa wano a kusula unakale chinji. Amu tunayi ni kukundama kusongo lia chifuchi chino chipi, yipikalo muyoka chinji. Kashika ha mashimbu amwe, mutuhasa kuhona yuma yimwe ya ku musunya. (Hab 3:16-18) Yika muyitukwasa kukumba kapinda wa kuhona mbongo? Twatamba kununga ni kufuliela muli Yehova Zambi. Iye kanalakenya kufunga tuvumbi twenyi, mahasa kutwaha yize tunafupiwa ha shimbu lieswalio.—Sam 37:18, 19; Hep 13:5, 6.

Yize muhasa kulinga:

• Eta kuli Yehova usongwelo, mana ni ukwaso wenyi.—Sam 62:8

• Tayiza mulimo uze te kanda uchilinga kama.—g 1/10 8-9, mushete

• Nunga ni kulinga yuma ya ku ufulielo, ngwe kutanga Liji lia Zambi matangwa eswe, kuya ku kukunguluka ni kwambujola sango lipema

SOLOLA CHINEMA, TUNGENU ZUWO LIZE MULIKANYONGONONA—HA “KUYUKA NI YUMA YIZE NULI NAYO,” MBA NUKUMBULULE YIHULA YINO:

• Yipikalo yika asoko amwe apalikile?

• Chuma chika chapwa chilemu chinji ku mwono?

• Kuchi mutuhasa kukwasa waze anapalika mu kapinda wa kuhona mbongo?