MWONO WA AKWA-KRISTU

Kwasa Atu Waze Keshi Kufuliela Kunyingika Sakatanga Wo

Shina wakulikinda kwambujola kuli mutu yoze keshi kufuliela Zambi mumu wakunyonga ngwe iye keshi kutayiza sango? Nyi ewa, iwuluka ngwe atu amwe waze te keshi kufuliela, kuchingako waze akwamba ngwo Zambi katwamineko, kulutwe yapwa Yela ja Yehova. Kanji-kanji, chuma chize ayo akufupiwa chili kwakwasa kuhengwola kanawa yikuma yize yakusolola ngwo Zambi katwamako.—Ro 1:20; 10:14.

SOLOLA CHINEMA, ATU WAZE KAFULIELELE MAHASA KUPWA NI UFULIELO—ATU WAZE KESHI KUFULIELA, MBA NUKUMBULULE CHIHULA CHINO:

Kuchi chilweza cha Tommaso muchihasa kukukwasa kupwa ni nyonga lialita hakutwala ku kwambujola kuli atu waze keshi kufuliela?

Kumbululo lie

Chize muhasa kulinga

Nyi umwe mutu mamba ngwenyi keshi kufuliela Zambi, musolwele ngwo unalihulumba ha manyonga jenyi ni chize iye akwivwa ha chikuma chino. (2Ti 2:24) Hanjika ha yikuma yize iye mazanga kushimutwina. Shina iye matayiza yuma yize yinasolola ngwo kwatwama umwe Sakatanga? Nyi chocho, zachisa yinema ni mikanda yize muyihasa kumukwasa. Mikanda A Vida Teve um Criador? ni A origem da vida—Cinco perguntas que merecem resposta kayisele mu mushete wa yikwata ya kulongesa nayo hanga chipwe chashi kuyiwana.

Ku uputukilo, yena muhasa kwivwa woma wa kuhanjika ni mutu yoze keshi kufuliela Zambi. Muhasa kwita ukwaso kuli umwe mukwa kwambujola wajama hanga akukwase. Iwuluka ngwe, Yehova mahasa kukukwasa hanga uhase kukwata ku mbunge ja atu waze anazange kumunyingika—chipwe ngwe ku uputukilo ayo te keshi kufulielangwo kwatwama umwe Sakatanga.—Yi 13:48.