UTULIKILO WA MIKANDA HA INTERNET wa Watchtower
Watchtower
UTULIKILO WA MIKANDA HA INTERNET
Chokwe
  • MBIMBILIYA
  • MIKANDA
  • KUKUNGULUKA
  • wp21 no. 2 ma. 7-9
  • Ha Mashimbu aka Songo Muliza? Yize Yesu Ambile

Kukushi nichimwe chinema.

Lisesa, kwasoloka kapalia ha kwazulula chinema.

  • Ha Mashimbu aka Songo Muliza? Yize Yesu Ambile
  • Kaposhi wa Kutalila Kanambujola Wanangana (Mbunga)—2021
  • Mitwe ya Yikuma
  • Yikuma Yalifwa
  • TALA YIKUMA YAALI YIZE YESU AMBILE HAKUTWALA KU SONGO:
  • CHILAYI
  • “MATANGWA A KUSULA”
  • KWASALA HAKEHE HANGA HASHI HAPWE PARAISU!
  • Shina Tuli “ha Matangwa a Kusula”?
    Yika Chamwenemwene Mbimbiliya Yakulongesa?
  • Shina Songo lia Hano Hashi Hiliakundama?
    Yika Mbimbiliya Muyihasa Kutulongesa?
  • Shina Songo Hiliakundama Nyi?
    Kaposhi wa Kutalila Kanambujola Wanangana—2015
Kaposhi wa Kutalila Kanambujola Wanangana (Mbunga)—2021
wp21 no. 2 ma. 7-9
Yesu kanalumbunwina apostolo jenyi chilayi cha ha matangwa akusula.

Ha Mashimbu aka Songo Muliza? Yize Yesu Ambile

Ngwe chize twalilongesa ha mutwe wapalika, muze Mbimbiliya yakuhanjika hakutwala ku songo lia hashi, chino kuchalumbunukine ngwo hashi hanji atu makanongesa. Alioze, chinalumbunuka songo lia yuma yeswe yipi ya hano hashi ni waze eswe akuyilinga. Shina Mbimbiliya yakusolola shimbu lize yuma yino yipi muyikahwa?

TALA YIKUMA YAALI YIZE YESU AMBILE HAKUTWALA KU SONGO:

“Lawokenu se kunwanyingikine tangwa, chipwe ola.”—MATEU 25:13.

“Kanyamenu, lawokenu, lembenu: mumu kunwanyingikene muze mwaka muupwa.”—MARKU 13:33.

Kashika kukushi niumwe hano hashi unanyingika tangwa lize yuma yipi ya hano hashi makayihwisa. Alioze, Zambi hanase “tangwa” ni “ola” yize songo muliheta. (Mateu 24:36) Shina chino chinalumbunuka ngwo, kushi yuma yize muyihasa kutukwasa hanga tunyingike ngwetu songo linakundama? Ka, hi chocho ko. Yesu kalwezele tumbaji twenyi hanga anyingike yilayi yinji yize te muyisolola ngwo, songo linakundama.

CHILAYI

Yuma anatongola mushi ye te muyipwa chilayi “cha kumanunuka cha miaka.” Yesu yamba ngwenyi: “Vungu limwe makakatukila akwa vungu likwo, ni akwa wanangana umwe makakatukila akwa wanangana ukwo; kumukukapwa tupunga ni yilungo ni minyiko kweka ni kweka.” (Mateu 24:3, 7) Yamba nawa ngwenyi, kumukukapwa “yilungo”—hanji misongo yinji kweka ni kweka. (Luka 21:11) Shina wakumona yuma yino ya uprofeto wa Yesu?

Ha matangwa wano a kusula atu kanamono lamba linji mumu lia jita, zala, minyiko, ni misongo. Chakutalilaho, ha mwaka 2004, ku Oceano Índico kwalingiwile umwe munyiko unene uze wanehene kakundukundu (tsunami) yoze washihile atu 225,000. Ha miaka yitatu, musongo wa COVID 19 unakashiha unji wa atu 6.9 milhões. Yesu kambile ngwenyi, yuma yino ye te muyisolola ngwo songo lia yuma yipi ya hano hashi linakundama.

“MATANGWA A KUSULA”

Mbimbiliya yinavuluka mashimbu wano akalu ngwo “matangwa a kusula.” (2 Petulu 3:3, 4) Mukanda 2 Timoteu 3:1-5 unasolola ngwo, ha matangwa a kusula atu te mehuka shimbi jipema ja mu Mbimbiliya. (Tala mushete “Shimbu Songo lia Hano Hashi Kanda Lichiheta.”) Shina musono wakumona atu waze akwete chipululu, kuzo, asasu nawa keshi zango? Yitanga yino neyo yinasolola ngwo, songo lia hano hashi linakundama.

Matangwa a kusula malinga mashimbu angahi? Mbimbiliya yinambe ngwo, malinga wika “mwaka ukepe.” Hanyima mba Zambi makanongesa “waze akwonwona hashi.”—Usolwelo 11:15-18; 12:12.

Jita

Maswalale kali mu jita, kanaswame ku mawe ni kuloza mata jo.
  • Ha 2007 ni 2017, atu waze anakafwa ku jita ni ku upupilo kanakoka chinji kuhiana 118%

Misongo

Umwe lunga unayiji kali ha muhela wa shipitali.
  • Misongo yize yakushiha chinji atu yili, musongo wa mbunge, kalepa, musongo wa ku yihunguhungu, misongo yize ana a kusemuka nayo, musongo wa kulokoka mu jimo, câncer ni mukaka

Zala

Umwe kanuke wa pwo kanakwata longa lia kulia.
  • Ha mwaka 2021 hashi heswe, unji wa atu 9.8% kafwile ni zala, chikwo nawa twanuke anji kanakakwachika katota ni utonji

Mulimo wa Kwambujola Hashi Heswe

Yela ja Yehova kali sali lia temba lia mikanda, kanahanjika ni umwe lunga.
  • Akwa-kwambujola kuhiana 8.6 milhões (Yela ja Yehova) kakuhana mikanda yize yakulumbununa Mbimbiliya mu malimi kuhiana 1,000, mu yifuchi 240

KWASALA HAKEHE HANGA HASHI HAPWE PARAISU!

Zambi hanatesa tangwa ni ola yize makaneha songo lia hano hashi hapi. (Mateu 24:36) Chipwe chocho, kuli sango jipema, Zambi “kazangile niumwe kutoka.” (2 Petulu 3:9) Kashika, iye kanahane uhashi kuli atu hanga alilongese shimbi jenyi ni kumwononokena. Mumu liaka? Mumu iye kanazange tulilamwine muze songo lia hano hashi hapi muliza, nawa kanazange tukatwame mu chifuchi chaha muze hashi muhapwa paraisu.

Zambi kanalongesa atu hashi heswe chize mahasa kumwononokena, hanga akatwame hashi haha mushi lia Wanangana wenyi. Yesu kambile ngwenyi, sango jipema ja Wanangana wa Zambi te majambujola “mu yifuchi yeswe ya hashi.” (Mateu 24:14) Hashi heswe, Yela ja Yehova kakuzachisa tununu ni tununu a maola mu mulimo wa kwambujola ni kulongesa atu sango ja mu Mbimbiliya. Yesu kambile ngwenyi, mulimo uno wa kwambujola te maulinga hashi heswe shimbu songo kanda lichiza.

Mashimbu a kuyula cha manguvulu ja atu kanayi ni kuheta kusongo. Alioze sango jipema jili ngwo, yena muhasa kulilamwina muze songo lia hano hashi muliheta, ni kutwama mu paraisu hano hashi yize Zambi hanalakenya. Mutwe uze muuhataho muusolola chize yena muhasa kutwama mu chifuchi chaha.

SHIMBU SONGO LIA HANO HASHI KANDA LICHIHETA

“Ha matangwa a kusula kumukukapwa miaka yikalu. Mumu atu kumakapwa akwa kulifwila ene, akwa kufwila mbongo, akwa kulizata, akwa kulizelula, akwa kushililika, keshi kwononoka kuli yisemi jo, akwa kaleleso, akwa luchisa, keshi zango lia atu, keshi kuhutuka, yilamikiji, keshi kusuula, asasu, keshi kufwila yipema, akwa kuhandukulula, akwa kulipupula, akwa kulifuza, kakuzanga kuheha, kazangile Zambi. Uwayilo wa kumeso kali nawo, alioze kakulikala tachi jawo.”—2 TIMOTEU 3:1-5.

Uprofeto wa Yesu hakutwala ku “matangwa a kusula” wakutwaha kutalatala

    Mikanda ya Chokwe (2008-2025)
    Fwambuka
    Njila
    • Chokwe
    • Tuma
    • Kululieka
    • Copyright © 2025 Watch Tower Bible and Tract Society of Pennsylvania
    • Shimbi Yakuyizachisa
    • Shimbi ja Kufunga Sango ja Mutu
    • Configurações de Privacidade
    • JW.ORG
    • Njila
    Tuma