Yize Muhasa Kulilongesa

Chize Muhasa Kuzachisa Chihanda “Yikuma Yaha”

Chihanda “Yikuma Yaha” chize chili mu JW Library^® ni ha site jw.org, ha kusoloka sango ni yinema yaha. Mba kuchi muhasa kuzachisa chihanda chino hanga unyingike sango jaha?

JW Library

• Muze jimwe sango mujisoloka ha chihanda “Yikuma Yaha” chinalumbunuka ngwo, ha chihanda chacho kasaho chikuma chaha. Nyi wachiza yikuma yacho, acho mutanga chikuma chaha chize asaho. Chikuma chacho muchisoloka ku uputukilo wa katalilo wa yikuma, yoze uli wa kululieka kulita ni tangwa.

• Ha mikanda yinene-yinene ngwe tuposhi ni Laulenu!, hanji kuushi kuhasa kutanga sango jeswe jize jiliho ha chisuho chimuwika. Mba kuchi muhasa kwiwuluka mikanda yacho yize kanda uchihwisa kutanga? Muhasa kuyisa ha chikuma Favoritos.

JW.ORG

Sango jimwe ngwe mitambi jakusoloka wika ha site jw.org hi ko mu aplicativo JW Library. Kashika, sako tachi upwe ni kunonoka-nonoka ha chihanda “Yikuma Yaha” hanga utange sango jaha jize asaho.