Kulihi Muhasa Kuwana Usongwelo Upema Musono?
Hano hashi yuma yinayi ni kwalumuka kawashi-washi. Mba, kuchi muhasa kupwa ni shindakenyo ngwe yiyulo yize mukwata muyikuyukisa lume? Kuchi muhasa kupwa ni shindakenyo ngwe yuma yize atu akumona musono ngwe yipema, hamene kechi kuyimona ngwe yipi?
Mbimbiliya muyihasa kukukwasa kukwata yiyulo yize kuuchi keza kaliseha. Kuchi chino muchihasa kulingiwa? Mbimbiliya uli mukanda wa Sakatanga wetu, chikwo nawa, iye kananyingika yuma yize yakutwaha uwahililo ni yuma yize yakutuvwisa kanawa.
“Hanakulweze. . .chize chinapeme.”—Mika 6:8.
Mutuhasa kujikijila ha mana waze twakuwana mu Mbimbiliya. Mumu “hanayikolesa ku miaka yeswe ya mutolo.”— Samu 111:8.
Shina unazange kuhengwola hanga umone chize Mbimbiliya muyihasa kukukwasa mu chifuchi chino chinayi ni kwalumuka?