Pwako ni Kulilongesa Yuma Yikalu ya mu Mbimbiliya

Tanga Daniele 9:1-19 hanga unyingike mumu lia chili chilemu kulilongesa yuma yikalu ya mu Mbimbiliya.

Tanga versu jikwo. Yuma yika yize te hiyalingiwa, kuchi yino yakwachile hali Daniele? (Danie. 5:29–6:5) Nyi wapwile mu chihela chenyi, kachi kuchi walivwile?

Hengwola chinji. Mikanda yika yisandu yize te Daniele mahasa kutanga? (Danie. 9:2; w11 1/1 22 ¶2) Mumu liaka Daniele ambulwile uhenge wenyi ni uhenge wa vungu lia Izalele? (Levi 26:39-42; 1 Mia. 8:46-50; dp 182-184) Shina kulemba chimwe cha Daniele chasolwele ngwo, iye te kakulilongesa yuma yikalu ya mu Liji lia Zambi?—Danie. 9:11-13.

Fupa kuwana malongeso. Lihule ngwe:

• ‘Yika natamba kulinga hanga nguhone kulaluka ni yuma yize yinalingiwa hano hashi?’ (Mika 7:7)

• ‘Yika munguzuka nyi nalilongesa Mbimbiliya ngwe chize alingile Daniele?’ (w04 1/8 12 ¶17)

• ‘Yikuma yika munguhasa kuweza ha longeso liami lia wika yize muyingukasa hanga ngununge ni “kulawola”?’ (Mateu 24:42, 44; w12 15/8 5 ¶7-8)