Yika Mbimbiliya Yakulongesa Hakutwala ku Kuwayila Tuponya?

Kulita ni Agência Católica de Notícias, muze te analingi chimwe chiwanyino mu Basílica ya São Pedro ha 25 ya Março 2022, Papa Francisco yamana kulutwe lia kaponya wa Maria “yahetama yafuka kumeso yaputuka kulemba mushi.” Iye “yeta sambukila kuli Maria. Akwa-kumwanga sango mu site Vatican News yaweza ngwo, papa kalembele kuli Maria hanga akwase atu, chipi-chipi a mu Rússia ni Ucrânia.”

Kuchi wanyonga? Shina chinalite kuwayila tuponya hanji kwazachisa mu uwayilo? Tala yize Mbimbiliya yinambe:

• “Kanda ukalisongela kaponya, chipwe wa kulifwa ni chuma chimwe cha mwilu, chipwe chuma cha hashi, chipwe chuma cha mu meya mushi lia hashi. Kanda ukafukama kuli ayo, chipwe kualingila, ka, mumu yami Yehova Zambi ye, nguli Zambi ya ukwa”—Kutuhuka 20:4, 5.a

• “Mahamba jo kapwa a prata ni oru, chitanga cha moko ja atu. Makanwa ali no alioze keshi kuhanjika. Meso ali no alioze keshi kumona. Matwi ali no alioze keshi kwivwa. Mazulu ali no alioze keshi kuhumbika. Moko ali no alioze keshi kukwata. Molu ali no alioze keshi kwenda. Chipwe kuhanjika keshi kuhanjika mu miliwu yo. Waze akualinga malifwa no, ni mweswawo maafuliela.”—Samu 115:4-8.

• “Yami Yehova, lie jina liami lienalio; uhenya wami chi chi kauhana kuli niumwe mukwo. Chichi kuhana uhaliso wami ku tuponya twa kwola.”—Izaia 42:8.

• “Chinenu yuma ya mahamba.”—1 A-Korindu 10:14.

• “Lifungenu ku mahamba”—1 Yoano 5:21.

Mba unyingike nawa sango jikwo ja yize Mbimbiliya yakwamba hakutwala ku kuzachisa tuponya, tanga chikuma “O Conceito da Bíblia: Imagens” hanji kutala chinema O Que Deus Pensa sobre o Uso de Imagens?

Hanji muzanga nawa kunyingika yize Mbimbiliya yakulongesa hakutwala ku yikuma yino:

• “Yika Mbimbiliya Yakulongesa Hakutwala kuli Virgem Maria?”

• “Shina Twatamba Kulemba kuli Virgem Maria?”

• “Shina Yikomokeso ni Yipupu Yili Yilayi ya Zambi?”

• “Kuchi Hano Hashi Muhakapwa Sambukila?”

Photo credit: Vincenzo Pinto/AFP via Getty Images