MWASO 96
Mukanda wa Zambi Uli Chawana Chilemu
Mikanda ya ha mafwo
(Yishima 2:1)
1. Tuli ni mukanda ulemu chinji,
Uze wakuneha sambukila.
Mukanda wacho watwama ni tachi,
Ku wa kukwasa atu ku mwono.
Mukanda wacho uli Mbimbiliya.
Kausonekene kuli atu
Waze te akwivwa Yehova woma,
Ahwiminyine spiritu yenyi.
2. Yasoneka hakutwala ku yuma
Yeswe atangile kuli Zambi,
Ni chize atu apwile angunu
Mba yatokesa Paraisu yo.
Yasoneka nawa hali mungelo
Walimikine ni Zambi yetu.
Achi yichineha shili ni kufwa,
Alioze Zambi kumayihwisa.
3. Shimbu hilieza lia kuwahilila.
Yesu hanaputuka kuyula.
Kashika, tuyenu ni kwambujola
Wanangana kuli atu eswe.
Mukanda wacho uli ni yiwape
Yize twatamba kulilongesa.
Wakunehena atu sambukila.
Atweswe katamba kuutanga.