-
Yuka ni Yiwape ya Kuhondangana Che“Lifungenu mu Zango Lia Zambi”
-
-
6, 7. Chize ku shakulu kuchi Yesu akusolola ngwo kali chikilikita?
6 Chize kushakulu, Yesu kali chikilikita mupema. Muze te kanda achiza hano hashi ngwe mutu wa musunya, iye kakalakalile ngwe “chilangaji” wa Zambi ku yitangiwa ya yuma yeswe “mu malilu ni hano hashi.” (Yishima 8:22-31; A-Kolosu 1:15-17) Muze Yesu ejile hano hashi, iye yanunga ni kukilikita matangwa eswe. Muze te uchili mukweze kalilongesele mulimo wa kutunga, nawa te kamunyingika ngwe “karpinderu.”a (Marku 6:3) Milimo yino te yakufupiwa tachi ni kulihana chinji, chipi-chipi ha mashimbu jacho mumu te kwatwamine kuze akupatwila utale ni yikungo chipwe yikumba yikwo. Achinyonga Yesu kanayi ni kufupa mapaya hanji kupatula mitondo ni kuyitwala kuze akukalakalila. Nyonga nawa Yesu kanatunga mazuwo, kwalulieka ni kusa mikambo helu, kulinga yikolo hanji yuma yikwo ya muzuwo. Chochene, Yesu kapwile ni kuwahilila chinji ha yiwape yakukilikita mashimbu eswe nawa ni kulinga kanawa milimo.
-
-
Yuka ni Yiwape ya Kuhondangana Che“Lifungenu mu Zango Lia Zambi”
-
-
a Liji lia Ngrengu lize analumbununa ngwo, “karpinderu” lili ni “ulumbunwiso unji mulihasa kulumbununa mutu yoze wakukalakala ni mapaya, chipwe mukwa-kusonga ni kuhata mapaya, hanji kulinga yuma ya mu muzuwo chipwe chuma cheswacho chakulinga ni mapaya.”
-