Likate ni atu Waze Akuzanga Yehova

Mumu liaka twatamba kulikata ni atu waze akuzanga Yehova? Mumu atu waze twakulikata no mahasa kutukwasa kulinga yuma yipema hanji kutupiangula hanga tulinge yuma yipi. (Yis 13:20) Chakutalilaho, Mwanangana Njoashe te kakulinga “chipema kumeso ja Yehova” mumu te kakulikata ni sasendote Jehoiada. (2Sg 24:2) Muze Jehoiada afwile Njoashe yehuka Yehova hamukunda wa kulikata ni masepa api.—2Sg 24:17-19.

Ku sekulu yitangu M.J., postolo Paulu katesele chikungulwila cha akwa-Kristu ni “zuwo linene,” alioze atu waze apwile mu chikungulwila chacho yaatesa ni “yikwachilo.” Mutupwa “chikwachilo” chilemu nyi mutwehuka kulikata ni atu hanji asoko ni mandumbu waze akulinga yuma yize Yehova keshi kuzanga. (2Ti 2:20, 21) Kashika, twatamba kulikata ni atu waze akuzanga Yehova, mumu matukolweza hanga tununge ni kumuwayila.

TALENU CHINEMA CHAKWAMBA NGWO EHUKA MASEPA API, MBA NUKUMBULULE YIHULA YINO:

• Yuma yika yize muyihasa kutusa mu usepa upi?

• Ngwe chize twamona ha chinema, yika yakwashile mandumbu wano atatu kwecha masepa api?

• Shimbi jika ja mu Mbimbiliya mujikukwasa kupwa ni mana ha kusakula masepa je?