Ufwe wa Yesu Yika Unalumbunuka Kuli Yena?

Yesu kanakafwa hanga yetwe tupwe ni mwono. Yoano 3:16

Muze Yesu afwile kwapalikilile matangwa atatu; amwe mapwo yaya ni kutala fuka yaliwana liawashi. Yehova mwe unakahindwisa Yesu ku ufwe.

Yesu yasoloka nawa kuli tumbaji twenyi.

Mba, Yehova mwe unakahindwisa Yesu ni mwono, ngwe chitanga cha mukwa spiritu ni tachi. keshi kufwa. Tumbaji twenyi noo kanakamona Yesu ha kuzezuka chenyi mwilu.

Zambi hanahindwisa Yesu, Hanamuse ngwe Mwanangana mu Wanangana wa Zambi. Daniele 7:13, 14

Yesu wahanyine mwono wenyi ngwe ndando ya ukule hanga alamwine atu. (Mateu 20:28) Ha ukule au Zambi hawupwisa washi hanga tupwe ni kutalatala cha mwono wa mutolo.

Yehova wasele Yesu ngwe Mwanangana hanga akayule hashi. Yesu makayula chimuwika ni 144.000 atu akwa kushishika, waze anachiza hano hashi hanga aye akatwame mwilu. Yesu ni 144.000 ja atu makapwa mu unguvulu wa mwilu wa ululi, mu Wanangana wa Zambi.—Usolwelo 14:1-3.

Wanangana wa Zambi muukapwisa hashi heswe mu paraisu. Jita, ungulungulu, uswale ni zala kuyichi kapwako nawa. Atu makapwa ni uwahililo wa umwenemwene.—Samu 145:16.