Afumbenu Hanga Anunge ni Kuwayila Yehova

Sango jinasolola ngwo, nyi akwa-kwambujola aha maafumba kanawa chize kuuputukilo hanga azange mulimo wa kwambujola, kanji-kanji kakupwa akwa-kwambujola apema. (Yis 22:6; Fwp 3:16) Kaula yikuma yino hanga uhase kukwasa longi we azange chinji mulimo wa kwambujola:

• Muze longi we mamutayiza apwe mukwa-kwambujola, putuka kumufumba. (km 8/15 1) Musolwele ulemu wa kwambujola ha poso jeswe. (Fwp 1:10) Pwako ni kuhanjika nenyi yuma yipema hakutwala kuli atu mu munda. (Fwp 4:8) Mukolweze apwe ni kwambujola ni kalayi wa chizavu ni akwa-kwambujola akwo hanga anyingike chize ayo akulongesa.—Yis 1:5; km 10/12 6 ¶3

  

• Muze longi we mamupapachisa, kanda wecha kumukolweza ni kumufumba mu munda, chipi-chipi nyi kanda achihwisa mukanda “Zango Lia Zambi.”—km 12/13 7

  

• Muze nunayi mu munda ni mukwa-kwambujola mwaha, zachisa maliji ashi hakwambujola kuli atu. Muze iye mambujola kuli umwe mutu, muchichimieke. Muhasa kumulweza yize muyimukwasa kwambujola kanawa.—km 5/10 7