YIKUMA YILEMU YA MU LIJI LIA ZAMBI | 2 A-KORINDU 4-6
“Kutushi Kulezumioka”
Tunyongenu ha chino, usoko waali watwama mu zuwo lize lili ni miaji yinji. Usoko umwe unalipikala chinji hamukunda wa miaji yacho. Alioze usoko ukwo unawahilila. Mumu liaka? Mumu usoko wamuchiali kwasala hakehe utuhuke mu zuwo liacho hanga uye mu zuwo liaha lipema.
Chipwe ngwe “yuma yeswe ya kutanga kuyakutwa mikuma ni yikola hamuwika ndo haliapwila,” alioze, tuvumbi ja Zambi kali ni kutalatala chize cha kwatakamisa. (Ro 8:22) Tunanyingika ngwetu, yipikalo yize tunapalika haliapwila chipwe yize twakupinda nayo ha miaka yinji, yili ya kashimbu ‘kakepe’ nyi twayitesa ni yiwape yize mutukazuka ha miaka yeswe mu chifuchi chaha cha Zambi. Kulihulikila ha yiwape ya Wanangana ya kulutwe lia matangwa, muchitukwasa kupwa ni uwahililo, nawa kutuchi kulezumioka.