Yehova Kakuzanga Atu Waze Alinanga

”Kusana ku moko. Kululieka mu zuwo. Kukomba mu zuwo. Kumbila yiswaswa.” Yisemi anji kakulongesa ana jo chize atamba kulinanga ku mujimba. Shimbi ya kulinanga yinakatuka kuli Zambi yetu musandu. (Kut 30:18-20; Shi 23:14; 2Ko 7:1) Nyi twalinanga ku mujimba ni kupemesa yikumba yetu, mutulemesa Yehova. (1Pe 1:14-16) Yika mba mutwamba hakutwala ku zuwo lietu ni haze twatwama? Kulisa ni atu waze akumbila yiswaswa chamumbilila mu matapalo, akwa-Kristu kakulikolweza hanga apemese haze atwama. (Sam 115:16; Uso 11:18) Mutuhasa kusolola nawa ngwetu twakulinanga chipwe ha yuma yikehe-yikehe, ngwe, kukomba mafwo, kukomba mu zuwo, kukosa mazalo ni kwehuka kuhinjila meya a manda mu majila. Mu yuma yeswe twatamba kusolola ngwo, tuli “tuvumbi twa Zambi.”—2Ko 6:3, 4.

TALENU CHINEMA CHAKWAMBA NGWO, ZAMBI KAKUZANGA ATU ALINANGA, MBA NUKUMBULULE YIHULA YINO:

• Yuma yika atu amwe akwamba hanga achine kupemesa yikumba yo?

• Kuchi shimbi ya Mose yinasolola nyonga lia Yehova hakutwala ku kulinanga?

• Kuchi yitanga yetu muyihasa kuhalisa Yehova?