LONGESO 1

Kuputuka Pande Kanawa

Yilinga 17:22

CHIKUMA CHILEMU: Maliji muhanjika chitangu katamba kuvwisa atu chiseke, ni kusolola yikuma muhanjika, ni ulemu wa pande je.

Vwisa atu chiseke. Sakula chihula, maliji apema hanji chakulitakana nacho chipwe sango jeka, jize mujineha chiseke kuli waze anakupanjika.

Lianga kunyonga ha yize yinafupiwa chinji kuli waze makupanjika ni kutesa kanawa maliji waze muputuka no.
Solola chikuma unahanjika. Maliji je atangu katamba kusolola kanawa chikuma muhanjika ni chize pande je mujikwasa waze anakupanjika.
Solola ulemu wa pande je. Hanjika pande je kulita ni yize yinafupiwa kuli waze anakupanjika. Ayo katamba kumona chize pande je mujihasa kwakwasa.

Muze unalulieka pande je, lihule ngwe, ‘Yuma yika mandumbu anapalika mu chikungulwila chetu?’ Mba hi muputuka pande je kulita ni yize yinafupiwa kuli ayo.