Kuzachisa Kanawa Yihula

Mateu 16:13-16

CHIKUMA CHILEMU: Hula kanawa yihula yize muyikwasa mbunga hanga anunge ni kukupanjika ni kunyonga ha pande je, ni kushindakenya yikuma yilemu.

YIZE WATAMBA KULINGA:

• Vwisa mbunga kuwaha anunge ni kukupanjika. Hula yihula yize muyilingisa waze ali mu mbunga hanga anyonge chinji ni kulikumbulula ene mu mbunge.

• Kwasa mbunga anyonge ha chikuma. Hula yihula yize muyikwasa mbunga hanga akukaule ni kumona kanawa ulumbunwiso wa pande je.

• Shindakenya yikuma yilemu. Hula chihula chipema muze mufupa kwamba chikuma chilemu. Zachisa yihula yakuhitulula muze muhanjika chikuma chilemu hanji muze unahwisa pande je jeswe.