LONGESO 7

Sango Jamwenemwene Jize Mujiheta Atu ku Mbunge

Luka 1:3

CHIKUMA CHILEMU: Hanjika sango jamwenemwene jize mujikwasa mbunga amone umwenemwene wa yize unambe.

Fupa sango ha yihela yalita. Maliji muhanjika katamba kujama ha Liji lia Zambi, ni kwaatanga mu Mbimbiliya nyi muhasa kuchilinga. Nyi muhanjika ha sango ja ciencia, ja ku zuwo lia fuji, yakulitakana nayo, hanji sango jeka jize mujikundwiza yize unambe, lianga kuwana nyi sango jacho jili jamwenemwene nawa ja haliapwila.
Zachisa sango jili ni ushindakenyo. Lumbununa yisoneko kulita ni chize yuma yapwile hakuyisoneka, chikuma chakwata ha Mbimbiliya yeswe, ni mikanda ya “ndungo wamwenemwene, wa kukanyama.” (Mat 24:45) Kanda walumuna sango jambala jize hi ja mu Mbimbiliya ko, hanji kujilumbunwina mujila yeka.

Kanda ulemesa chinji yuma hanji kuyokesa. Kanda walumuna “atu amwe” apwe “atu anji,” “mashimbu amwe” apwe “mashimbu eswe,” nawa liji “hanji” lipwe “muchihasa kupwa.”
Kwasa mbunga anyonge ha uchela unaehe. Muze muhwisa kutanga chisoneko hanji kwamba kuze kunakatuka yize unambe, hula yimwe yihula hanji hana chilweza hanga ukwase mbunga amone ulumbunwiso wa yize unahanjika.