YIKUMA YILEMU YA MU LIJI LIA ZAMBI | UPUTUKILO 9-11
“Hashi Heswe Hapwile Limi Limuwika”
Ku Mbapele, Yehova yalumbanganyisa limi lia yihulia jacho chocho yaamwanga hashi heswe. Musono Yehova kanakungu mbunga yinene ya atu a ku mavungu ni malimi eswe, nawa kanaehe ‘limi lingunu’ hanga eswe ahase ‘kutongola jina lia Yehova ni kumulingila ni mbunge yimuwika.’ (Zef 3:9; Uso 7:9) ‘Limi lingunu’ lili umwenemwene hakutwala kuli Yehova ni upale wenyi uze tunawane mu Mbimbiliya.
Kulilongesa limi lieka chinalumbunuka yuma yinji hi wika ko kupachika maliji mu mutwe. Chakufupiwa kulilongesa mutapu waha wakunyonga. Chizechene nawa, muze twakulilongesa limi lingunu lia umwenemwene, manyonga jetu kakwalumuka. (Ro 12:2) Chino kuchishi kulingiwa wika ha tangwa limuwika, chakufupiwa kununga ni kusa tachi. Hachino tuvumbi twa Zambi kakulinunga.—1Ko 1:10.