Malongeso a Mukanda Wakuzachisa ha Kukunguluka cha Mwono ni Mulimo Wetu
1-7 MARÇO
YIKUMA YILEMU YA MU LIJI LIA ZAMBI | KWALULA 7-8
“Yize Mutulilongesa ha Chilombo Cha A-Izalele”
it-1-T 540 ¶7
Chikungulwila
Mu Izalele, kanji-kanji tusongo te kakumanyinako atu. (Ezr 10:14) Kashika, ha mashimbu waze atungile tabernakulu “miata a ku minyachi” yamanyinako atu. (Kwa 7:1-11) Chikwo nawa, waze akolesele “usendo wa ngu” ha matangwa a Nehemia, kapwile asasendote, A-Levi ni “akwa lutwe ja atu.” (Neh 9:38–10:27) Muze Izalele apwile mu puya, kwapwile “miata a chikungulwila te haatambika ku mbunga, malunga a lufuma,” amwe akuli ayo 250 yalichinga ni Kora, Ndatane, Apirame, ni One hanga alimike ni Mose ni Arone. (Kwa 16:1-3) Kulita ni usongwelo wa Yehova, Mose yasakula 70 a makulwana A-Izalele hanga akwase kumbata “chiteli cha atu,” chize te kechi kuhasa kumbata ukawenyi. (Kwa 11:16, 17, 24, 25) Mukanda wa Ulevi 4:15 unatongola “makulwana a chikungulwila,” kota makulwana jacho kali waze apwile ni kumanyinako atu, miata a ku minyachi, akwa-lutwe, akwa-kuyula ni yilolo.—Kwa 1:4, 16; Yos 23:2; 24:1.
it-3-T 467 ¶4
Rupene
Mu chilombo cha A-Izalele, munyachi wa Rupene hamuwika ni munyachi wa Simeone ni Ngate, yapwile ku sule ya tabernakulu. Muze apwile ni kwenda, yizavu yitatu ya mu chilombo cha Rupene ye yapwile ni kukaula yizavu yitatu ya chilombo cha Yunda. (Kwa 2:10-16; 10:14-20) Usongwelo uno we akawile muze ahanyine mulambu ha tangwa lize azulwile tabernakulu.—Kwa 7:1, 2, 10-47.
w04-T 1/8 25 ¶1
Yikuma Yilemu ya Mukanda wa Kwalula
8:25, 26. Mutu mba alinge kanawa mulimo wa A-Levi, chitangu kapwile ni kutala ha miaka yize ali nayo, kashika ahanyine shimbi yakuchiza malunga waze hapwa tushinakaji ha milimo yikalu. Alioze, makulwana jacho te mahasa kulihana hanga akwase A-Levi akwo. Musono, chipwe ngwe akwa-kwambujola keshi kwachiza hanga ahwime mumu lia ushinakaji, nihindu shimbi yino yili ni longeso lilemu kuli yetu. Nyi mukwa-Kristu kahashile kulinga umwe mulimo mumu lia ushinakaji, mahasa kulinga mulimo uze mahasa.
Kuhengwola Yikuma Yilemu ya mu Mbimbiliya
it-3-T 328
Kapula-jimo, Mwana Mutangu
Mu Izalele tupula-majimo e apwile ni kuhinga wata mu munyachi wo, ayo e apwile ni kumanyinako vungu lieswe. Yehova yavuluka vungu lia A-Izalele ngwenyi, “mwanami mutangu,” kapwile mwanenyi mutangu mumu lia usendo uze alingile ni Apalahama. (Kut 4:22) Yehova kafungile mwono wo, kashika ambile ngwenyi, “tupula-majimo eswe hakachi ka A-Izalele, atangu kusemuka kuli atu ni kuli yimuna;” a yami nwasele ku usandu. (Kut 13:2) Kashika, ana eswe tupula-majimo kapwile ni kwahana kuli Zambi.
8-14 MARÇO
YIKUMA YILEMU YA MU LIJI LIA ZAMBI | KWALULA 9-10
“Chize Yehova Akusongwela Atu Jenyi”
it-1-T 39 ¶6
Chilombo
Mutapu uze apwile ni kututulwilamo chilombo ni kuchitwala ku yihela yalisa, (unji wa 40 a yihela yacho kayisonekene kuli Mose mu makanda wa Kwalula 33) unasolola chize Yehova apwile ni kululieka yuma. Muze lelwa liapwile ni kufuka tabernakulu, chilombo chapwile ni kununga hazehene. Muze lelwa te liakututuluka, ni chilombo te kakuchitutulula. “Ku liji lia shimbi ya Yehova o asele chilombo cho; ku liji lia shimbi ya Yehova o endele.” (Kwa 9:15-23) Kapwile ni kwimba yitavwi yiali ya prata ni mweto, atoweze shimbi ya Yehova kuli atu eswe mu chilombo hanga akatuke. (Kwa 10:2, 5, 6) Zungo lia chitavwi liapwile ni kutoweza kututulula cha chilombo. Chisuho chitangu chize ayo atutulukile chapwile “ha mwaka wamuchiali [1512 K.M.J.], ha kakweji wamuchiali, ha tangwa makumi aali.” Chitangu, kapwile ni kutetekela ni mushete wa usendo, mba minyachi yitatu muyikaula, utangu wa Yunda, wamuchiali wa Yisaka ni wa Zapulone. A-Ngeshone ni A-Merari waze apwile ni mulimo wa kumbata yikumba ya tabernakulu, e apwile ni kukauka hanyima lio. Minyachi yikwo yitatu yiyikaula nawa, utangu wa Rupene wamuchiali wa Simeone ni wa Ngate. A-Kohate waze apwile ni kumbata yuma ya muma musandu, e apwile ni kukaula hanyima lia minyachi yino, hachino, minyachi yikwo yitatu, wa Eframe, Manase ni Mbenjamine muyikalula. Kusulaho, mba munyachi wa A-Ndane hamwe ni yizavu ya Aizere ni A-Napatali muyikaula. Kashika, minyachi yize yapwile ni atu anji nawa ni ndundo jinji ye apwile ni kusa ku lutwe ni kunyima.—Kwa 10:11-28.
w11-T 15/4 4-5
Shina Wakumona Chize Zambi Akusongwela Yuma?
Kuchi mutuhasa kusolola ngwetu twakulemesa usongwelo wa Zambi? Postolo Paulu yamba ngwenyi: “Ononokenu kuli waze apwa tusongo twenu, nukazeye kuli ayo.” (Hep 13:17) Hamashimbu amwe muchihasa kupwa chikalu kuchilinga. Chakutalilaho, lise ha chihela cha umwe Ka-Izalele ha mashimbu ja Mose. Achinyonga ngwe, nwalinga mashimbu anji mu wenyi, hi kulutwe nguji lia lelwa mulimana. Mashimbu angahi mulilinga? Shina tangwa limuwika? Poso yimuwika? Tukweji amwe? Hanji mulihula ngwe, shina natamba kukasulula mafunda eswe nyi? Chitangu, hanji mukasulula wika funda lize lili ni yuma yize unafupu chinji. Alioze, ha kupalika cha amwe matangwa, hanji hiwahonga hamukunda wa kufupa-fupa yimwe, muwivwa kupihia mba mukasulula mafunda eswe. Hanyima lia kukasulula mafunda eswe mba lelwa mulikatuka, hachino, ndo ukasa cheka nawa mafunda jacho hanga nununge mu wenyi! Chino te kuchichi kupwa chashi, nawa te muchihasa kuhongesa. Chipwe chocho, A-Izalele te katamba ‘kwenda’ ni kawashi.—Kwa 9:17-22.
Mba yetu, yika twakulinga muze twakutambula usongwelo wa Zambi? Shina twakuukawula ni kawashi? Nyi twakununga ni kulinga yuma ngwe chize twapwile ni kulinga kunyima? Shina tunanyingika usongwelo waha hakutwala ku chize mutusongwela longeso lia Mbimbiliya? Chize mutwambujola kuli yilambala waze ali mu ngiza yetu? Chize mutulinga uwayilo wa mu usoko mashimbu eswe? Chize mutukwasa mandumbu waze akukalakala mu Komite ya Akwa-kutala Yuma ya Shipitali ni kusolola yitanga yipema ha kukunguluka cha mambonge? Jila yimwe ya kusolwela ngwetu twakulemesa usongwelo wa Zambi, yili kutayiza yiyulo. Muze mutupwa ni uhashi wa kukwata yimwe yiyulo yilemu, kanda tujikijila ha mana jetu, alioze, tufupenu usongwelo wa Yehova ni wa mu ululikiso wenyi. Ngwe chize mwana akufupa hanga amufunge kuli yisemi jenyi ha mashimbu a kangonga, ni yetu twakufupa ufunge wa Yehova mu ululikiso wenyi muze yipikalo ya hano hashi yakutupinjisa.
Kuhengwola Yikuma Yilemu ya mu Mbimbiliya
it-1-T 253 ¶5
Chikungulwila
Ulemu wa Kukunguluka. Ulemu wa kuyuka ha kulia cha ku ufulielo chize Yehova akutwaha ha kukunguluka, kanaushindakenya ha chiwanyino cha Chizomboka chize apwile ni kulinga. Mutu yoze unapeme nyi keshi mu wenyi, alioze malituna kufunga Chizomboka, te katamba kumushiha. (Kwa 9:9-14) Muze mwanangana Hezekia asanyikine atu a mu Yunda ni a mu Izalele hanga aye mu Yerusaleme ni kulinga chiwanyino cha Chizomboka, kambile ngwenyi: “Enu A-Izalele hilukenu kuli Yehova . . . kanda nukwata pami haliapwila ngwe tulamba twenu; liechenu kuli Yehova. Njilenu mu zuwo lienyi lisandu lize hasela ku usandu wa mutolo, nukalingile Yehova Zambi yenu, hanga utenu wenyi usasu ukanukatuke. . . . Mumu Yehova Zambi yenu mukwa vumbi ni keke. Kechi kutewulula meso jenyi kuli yenu nyi munuhiluka kuli iye.” (2Sg 30:6-9) Mutu yoze te wakulituna kuyako, kapwile ni kusolola ngwo kehuka Zambi. Chipwe ngwe Akwa-Kristu keshi kulinga yiwanyino, ngwe chiwanyino cha Chizomboka, nihindu Paulu kaatowezele hanga apwe ni kuya mashimbu eswe ku kukukunguluka chize atu ja Zambi akupwa nacho, ha kwamba ngwenyi: “Tulitalenu umwe ni mukwo ni mukwo ni kulikasumuna ku zango ni yitanga yipema. Kanda twehuka kulikungulula hamuwika, ngwe ndako ya amwe, alioze nukalishinjile, ni kuhiana chikolo shimbu munumona lie tangwa linakundama.”—Hep 10:24, 25.
15-21 MARÇO
YIKUMA YILEMU YA MU LIJI LIA ZAMBI | KWALULA 11-12
“Mumu Liaka Twatamba Kwehuka Ndako ya Kulinyenyeta?”
w01-T 15/6 17 ¶20
Kanda Tupwa Akwa-Kwivwa Wika Ni Kuvulama
20 Akwa-Kristu anji keshi kufwa mu muheto wa kulinga utanji. Alioze, twatamba kukeya tuhone kupwa ni yitanga yize muyihasa kutupiangula hanga tupwe ni ndako ya kulinyenyeta mashimbu eswe, ni kutukinda kupwa ni utayizo wa Zambi. Paulu kanatutoweza ngwenyi: “Chipwe kanda tweseka Kristu ngwe amwe a kuli [A-Izalele] esekele, mba aonwene kuli tupela. Chipwe kanda nulinyenyeta ngwe amwe a kuli ayo alinyenyetene, mba ajimukine kuli chenyeki.” (1Ko 10:9, 10) A-Izalele kalinyenyetene hali Mose ni Arone ni hali Zambi, nawa yalinyenyeta hakutwala ku manaa waze aahele kupalikila mu chikomokeso. (Kwa 16:41; 21:5) Shina Yehova kanakapihilila wika ha utanji wo chakuhona kupilila ni kulinyenyeta cho? Mbimbiliya yinasolola ngwo atu waze alinyenyetene kaashile kuli tupela. (Kwa 21:6) Ha mashimbu amwe kunyima, kanongesene yihulia 14,700 waze alinyenyetene. (Kwa 16:49) Kashika, kanda tweseka uhomboloji wa Yehova ha kuhona vumbi kulia cha ku ufulielo chize akutwaha.
w06-T 15/7 15 ¶7
‘Ehuka Kulinyenyeta’
7 Kwamba pundu ndako ya A-Izalele yalumukine chinji! Kuuputukilo muze aatuswile mu Engitu ni kwalamwina mu Kalunga-lwiji Muchila, ayo yasakwilila chinji Yehova ha kumwimbila miaso. (Kut 15:1-21) Alioze, muze apwile mu kapinda mu puya ni kwivwa woma wa A-Kanana, usakwililo wa atu ja Zambi yiwalumuka yinyengo. Shimbu asakwilile Zambi hakwatusula mu Engitu, ayo yamulakiza ha yuma yize anyongene ngwe keshi nayo. Kashika, kulinyenyeta chapwile ni kusolola ngwo keshi kulemesa yuma yize Yehova aahele. Kashika Yehova ambile ngwenyi: “Ndo mwiji muka mungulihumikiza ni chikungulwila chino chipi?”—Kwa 14:27; 21:5.
it-1-T 100 ¶3
Kulitachika
Kulinyenyeta. Kulinyenyeta chakuhongesa chinji. Muze A-Izalele atuhukile mu Engitu, ha kupalika cha mashimbu akehe, yaputuka kulinyenyeta hali Yehova ni kuhanjika yuma yipi hali Mose ni Arone, atu waze Yehova atongwele hanga aasongwele. (Kut 16:2, 7) Hakupalika cha mashimbu, kulinyenyeta cho yichihongesa Mose, yeta kuli Zambi hanga amushihe. (Kwa 11:13-15) Kulinyenyeta muchihasa kuneha ponde ya kufwa kuli waze akulinyenyeta. Yehova kamwene yuma yize akwa-kulinyenyeta ambile kuli Mose ngwe kulimika ni chiyulo chenyi. (Kwa 14:26-30) Atu anji kafwile hamukunda wa kulinyenyeta.
Kuhengwola Yikuma Yilemu ya mu Mbimbiliya
it-2-T 748
Manaa
Ulumbunwiso. Manaa kapwile ngwe “mbuto ya koentru yitoma,” “kupanjika chayo” hanji kuyema, chapwile ngwe ndeliume, chimwe kulia chize chapwile chitoma, chalifwa ni pérola. Kuyema chayo chapwile “ngwe likemba lia kuchinga ni wuchi” hanji ngwe “tumbolo twa kulinga ni maji.” Hanyima lia kuyitwa mu chinu hanji kuyicheka ha mawe, kapwile ni kuyiteleka hanji kulinga nayo mbolo.—Kut 16:23, 31; Kwa 11:7, 8.
22-28 MARÇO
YIKUMA YILEMU YA MU LIJI LIA ZAMBI | KWALULA 13-14
“Ufulielo Wakutukwasa Tupwe ni Hamu”
w06-T 1/10 16-17 ¶5-6
Ayo Yahamuka Mumu Kapwile ni Ufulielo ni Woma wa Zambi
5 Ngendeshi aali Yoshua ni Kalemba, kazangile chinji kunjila mu chifuchi cha chilakenyo. Ayo yamba ngwo, A-Kanana “kanapu kulia chetu; chize malikwasa nacho hichaachina. Yehova hwali hamwe ni yetu. Kanda nwavwila woma.” (Kwa 14:9) Shina Yoshua ni Kalemba kahepukile ha kupwa ni nyonga lialita? Ka! Ayo hamwe ni vungu lieswe kamwene chize Yehova akumbile A-Engitu ni tu zambi two, kupalikila ha kumi lia yilungo. Nawa kamwene chize Yehova ashihile Falau ni tujita twenyi mu Kalunga-lwiji Muchila. (Sam 136:15) Kwamba pundu, ngendeshi kumi hamwe ni atu waze evwile woma, te katambile kuvwila woma akwa-kole jo. Hachino, Yehova yamba ngwenyi, “Ndo mwiji muka wano atu mapwa nikungunyehuna? Ndo mwiji muka keshi kungufuliela, chipwe o hanamono yilayi yeswe nalingile hakachi ko?”—Kwa 14:11.
6 Yehova kasolwele pundu chishina cha mulonga, ndako yipi yize atu apwile nayo te yakusolola ngwo keshi ufulielo. Kashika, ufulielo ni hamu yakwenda hamuwika, postolo Yoano yasoneka hakutwala ku jita ya ku afulielo yize chikungulwila cha akwa-Kristu apwile ni kwasa, ngwenyi: “Kukumba chize hichinakumbu hashi, we ufulielo wetu.” (1Yo 5:4) Musono, ufulielo uze uli ngwe wa Yoshua ni Kalemba, wakusoloka mu mulimo wa kwambujola sango lipema lia Wanangana wa Zambi, uze analingi hashi heswe kuli unji wa Yela ja Yehova 6 milhões, akweze ni tushinakaji, waze ali ni tachi ni waze ayiza. Kukushi mukwa-kole niumwe yoze mahasa kukwika tujita wano akwa-ndundo ni hamu.—Ro 8:31.
Kuhengwola Yikuma Yilemu ya mu Mbimbiliya
it-1-T 644
Chifuchi Chize Zambi Ahanyine Kuli A-Izalele
CHIFUCHI chize Zambi ahanyine kuli A-Izalele chapwile chipema chinji. Muze Mose atumine ngendeshi aye ni kwendesa Chifuchi cha Chilakenyo hanga amone mihuko yize yilimo, ayo yafuna ni makuyu, romana ni chichakata chimuwika cha uva yize malunga wano aali ambachile ku muhitu! Chipwe ngwe ayo kakokolokele mumu lia woma ni kuhona cha ufulielo, nihindu yamba ngwo, chifuchi chacho “kunokela yamwa ni wuchi.”—Kwa 13:23, 27.
29 MARÇO–4 ABRIL
YIKUMA YILEMU YA MU LIJI LIA ZAMBI | KWALULA 15-16
“Ehuka Kulizata ni Kulijikijila”
w11-T 15/9 27 ¶12
Shina Yehova Kanakunyingika?
12 Muze vungu lia Izalele te anayi ku Chifuchi cha Chilakenyo, Kora yanyonga ngwe hali kapalia ha yuma yize Zambi alulieka. Hachino, miata a chikungulwila 250 yalichinga hamwe nenyi hanga eseke kwalumuna yuma. Kora ni akwo waze apwile no kanyingikine ngwo usepa wo ni Yehova wapwile ulemu. Ayo yamba kuli Mose ni Arone ngwo: “Hikwahwa ni yenu! Mumu akwa chikungulwila eswe asandu, mutu mweswe, Yehova hwali hakachi ko.” (Kwa 16:1-3) Kwamba pundu, ayo kapwile ni kulizata ni kulijikijila chinji! Mose yaalweza ngwenyi: “Yehova makasolola yoze mapwa niwenyi.” (Tanga Kwalula 16:5.) Ha tangwa lize liahachileko ha chingoloshi, Kora ni atu eswe waze apwile sali lienyi ni kulimika ni Mose yafwa.—Kwalula 16:31-35.
w11-T 15/9 27 ¶11
Shina Yehova Kanakunyingika?
11 Mose ni Kora kali yilweza yize yinasolola pundu kalisa yoze uli ha kusolola vumbi ha ululikiso wa Yehova ni yiyulo yenyi. Yitanga yo yakwachile ha chize Yehova te maamona. Kora te Ka-Levi, nawa kapwile ni yiteli yinji. Che kwamba, iye kota kamwene chize Yehova atuswile vungu lia Izalele mu Kalunga-lwiji Muchila, kakwashile upatwilo wa Zambi hali A-Izalele yihulia ku Mulundu wa Sinai, nawa kapwile ni kukwasa mulimo wa kumbata mushete wa usendo. (Kut 32:26-29; Kwa 3:30, 31) Chinasoloka nawa ngwe kashishikile kuli Yehova ha miaka yinji, kashika atu anji mu chilombo cha Izalele apwile ni kumuvumbika.
Kuhengwola Yikuma Yilemu ya mu Mbimbiliya
w98-T 1/9 20 ¶1-2
Sako Yuma Yahiana Ulemu ha Chihela Chitangu ku Mwono we!
Chikuma chino chapwile chilemu chinji kuli Yehova. Kashika Mbimbiliya yinambe ngwo, “Yehova yamba kuli Mose ngwenyi, Mwe mutu numushihe lume.” (Kwa 15:35) Mumu liaka Yehova evwile kupiha ha yize lunga wacho alingile?
Atu kapwile wika ni matangwa asambano hanga ache kunyi, ni kululieka yuma yeswe yize te mafupiwa, ngwe kulia, mazalo ni mbalaka. Tangwa lia mu chishimbiali kalisele hanga awayile wika Yehova. Chipwe ngwe kuchakapwile chipi kucha kunyi, nihindu chapwile chipi kuchilinga ha tangwa lia kuwayila Yehova. Chipwe ngwe Akwa-Kristu musono keshi mwishi lia Shimbi yize ahanyine kuli Mose, nihindu chikuma chino muchihasa kutulongesa hakutwala ku chize twatamba kusa yuma ya ku ufulielo ha chihela chitangu ku mwono wetu.—Fwp 1:10.
5-11 ABRIL
YIKUMA YILEMU YA MU LIJI LIA ZAMBI | KWALULA 17-19
“Chihinga che . . . Yami”
w11-T 15/9 13 ¶9
Shina Unatayiza hanga Yehova Apwe Chihinga Che?
9 Iwuluka ngwe A-Levi kakatambwile chihinga cha chifuchi. Amu apwile ni kusa uwayilo wa linanga ha chihela chitangu, te katamba kujikijila muli Yehova ngwo maha yeswe yize mafupiwa. Iye kaalwezele ngwenyi: “Chihanda che—yami.” (Kwa 18:20) Chipwe ngwe kutushi kulingila Yehova mu tembele ngwe chize asasendote ni A-Levi apwile ni kulinga, nihindu mutuhasa kwimbulula kulihana cho, ni kufuliela ngwetu, Yehova matwaha yeswe yize mutufupiwa. Amu songo linakundama, tunafupiwa chinji kufuliela ngwetu Zambi matufunga.—Uso 13:17.
w11-T 15/9 7 ¶4
Yehova Kali Chihinga Chami
4 Chiteli chino yika te chinalumbunuka kuli A-Levi? Shimbu te atambule chihinga cha chifuchi, Yehova yaalweza ngwenyi, iye kali chihinga cho ha kwaha chiteli chilemu. Chihinga chacho chapwile “usasendote wa Yehova.” (Yos 18:7) Maliji waze ali ha Kwalula 18:20, kanasolola ngwo ayo kakapwile yiswale ku musunya. (Tanga Kwalula 18:19, 21, 24) A-Levi kapwile ni kutambula “yihanda yeswe ya ku kumi mu Izalele, yikapwe chihinga, mukwononona ha uvumbiko o akuvumbika.” Ayo te matambula yihanda ya kumi ha yuma yeswe yize A-Izalele apwile ni kulima ni ya yimuna muze te akwoka. A-Levi no te kakuhana yihanda ya kumi ha yize apwile ni kutambula ‘yuma yipema yahiana’ hanga akwase usasendote. (Kwa 18:25-29) Kapwile ni kuhana nawa kuli asasendote “milambu yeswe ya kuzundula ya ku yuma yisandu” yize A-Izalele apwile ni kutwala kuli Zambi ku chihela kuze apwile ni kumuwayila. Kashika asasendote te katamba kupwa ni shindakenyo ngwo, Yehova mahasa kwaha yize mafupiwa.
Kuhengwola Yikuma Yilemu ya mu Mbimbiliya
g02-T 8/6 14 ¶2
Mungwa—Chuma chilemu
Mungwa newo uli chilayi cha chuma chikolo chize kuchishi kupihia ni kawashi. Kashika mu Mbimbiliya usendo uze te wakutwama chinji apwile ni kuuvuluka ngwo, “usendo wa mungwa,” kanji-kanji muze yizavu yaali yapwile ni kulia hamwika kulia cha mungwa kapwile ni kusolola ngwo halinga usendo wa mungwa. (Kwa 18:19) Kulita ni Shimbi yize ahanyine kuli Mose, mungwa kapwile ni kuusa ha yitapo yize te akuhana ha chilumbilo hanga asolole ngwo, kuyishi kupola.
12-18 ABRIL
YIKUMA YILEMU YA MU LIJI LIA ZAMBI | KWALULA 20-21
“Nunga ni Kulikehesa Chipwe Muze Malimika ni Yena”
Pwako Mukwa-Kulikehesa Hanga Uvwise Yehova Kuwaha
19 Nyi twalikehesa, mutwehuka kulinga uhenge. Nyonga nawa ha chilweza cha Mose. Iye kanungine ni kulikehesa ha miaka yinji ni kuvwisa Yehova kuwaha. Hakupalika cha miaka 40 mu puya, Mose yahona kulikehesa. Ndumbwenyi yoze kota walamwinyine mwono wenyi mu Engitu yafwa, chocho yamufunda ku Kandeshe. Chikwo nawa, A-Izalele yaputuka kulimika ni Mose ngwo te keshi kwafunga kanawa. Ha chisuhwo chino, o “yalitachika ni Mose,” mumu lia kuhona meya. Chipwe ngwe, Yehova kalingile yikomokeso yinji kupalikila muli Mose, nawa Mose kasongwelele A-Izalele ni zango lieswe, nihindu o yalinyenyeta. Ayo kakalinyenyetele wika hamukunda wa meya, alioze ni hali Mose, ngwe iye mwe te uli ni chitela.—Kwa. 20:1-5, 9-11.
Pwako Mukwa-Kulikehesa Hanga Uvwise Yehova Kuwaha
20 Hamukunda wa uli, Mose yatokesa umbovu wenyi. Shimbu ahanjike ku liwe ngwe chize Yehova amulwezele, iye yakalumukina atu ni kulifumanyisa mwene. Chikwo nawa, yalamba ku liwe yisuho yaali chocho yikutuhuka meya anji. Iye kalingile shili yinene, mumu lia kulizata ni kwivwa uli. (Samu 106:32, 33) Mose kakanjilile mu Chifuchi cha Chilakenyo, mumu lia kuhona kulikehesa.—Kwa. 20:12.
21 Ha chilweza chino, twawanaho malongeso alemu. Chitangu, twatamba kusa tachi hanga tupwe akwa-kulikehesa. Nyi mutwecha kupwa akwa-kulikehesa mutuhasa kulizata ni kuputuka kuhanjika yuma yize kuyalitele. Chamuchiali, kusakalala muchihasa kutukokolola, kashika twatamba kusa tachi hanga tupwe akwa-kulikehesa chipwe muze tuli mu kapinda.
w09-T 1/9 19 ¶5
Ngaji Yoze Wakukalila Yuma Yipema
Chitangu, Zambi kakatumine Mose hanga ahanjike ni atu, chipwe kwalweza ngwo kali yihulia. Chamuchiali, Mose ni Arone kakachichimiekene Zambi. Iye yamba ngwenyi: ‘Kunwanguselele ku usandu.’ (Versu 12) Muze Mose ambile ngwenyi, “tunutuhwishile meya,” yasolola ngwe iye ni Arone e te matuhwisa meya jacho a chikomokeso, hi Zambi. Chamuchitatu, upatwilo uze Zambi aahele, walitele ni upatwilo ukwo wa Zambi. Iye kakechele hanga chisemuko cha A-Izalele waze apwile yihulia anjile mu Kanana, kashika achilingile nawa hali Mose ni Arone. (Kwa 14:22, 23) Chamuchiwana, Mose ni Arone e apwile ni kusongwela A-Izalele. Nyi mutu mapwa ni yiteli yinji, Yehova kakushimbwila nawa yuma yinji hali iye.—Lu 12:48.
Kuhengwola Yikuma Yilemu ya mu Mbimbiliya
w14-T 15/6 26 ¶12
Shina Wakumona Ulelu wa Atu Ngwe Chize Yehova Akuumona?
12 Yehova kanyingikine ngwenyi, Arone kakapwile mutu mupi. Chinasoloka ngwe Arone kalingile upi wacho kulita ni yize te anapalika hanji ha kumushinjila kuli akwo. Alioze muze anyingikine uhenge wenyi, iye yalikonyeka kawashiwashi ni kutayiza upwatwilo wa Yehova. (Kut 32:26; Kwa 12:11; 20:23-27) Chipwe muze kwapalikila miaka yinji, nihindu Arone ni munyachi wenyi yaya lufuma ngwo kali atu waze akuvwila woma Yehova.—Sam 115:10-12; 135:19, 20.
19-25 ABRIL
YIKUMA YILEMU YA MU LIJI LIA ZAMBI | KWALULA 22-24
“Kukushi Nichimwe Chuma Chize Muchikwika Yiwape ya Yehova”
bt 53-T ¶5
Kwambujola “Sango Lipema Lia Yesu”
5 Musono, ngwe ku sekulu yitangu, yihungumiona kuyishi kuhasa kukwika mulimo wa kwambujo. Ha yisuho yeswe yize akutwala akwa-Kristu ku yihela yeka hanji mu mazuwo a ususu, chakwakwasa wika hanga atwale sango lipema lia Wanangana ku yihela yacho. Chakutalilaho, ha mashimbu a Jita Yinene Yamuchiali ya Hashi Heswe, Yela ja Yehova kahashile kwambujola kuli atu anji mu chilombo cha nazistas. Umwe ka-Yunda yoze wanyingikine Yela ja Yehova mu chimwe chilombo yamba ngwenyi: “Yitanga yipema yize funge waze Yela ja Yehova apwile nayo yangukwashile kupwa ni shindakenyo ngwami ufulielo wo unakatuka ha Yisoneko, ni yami yingupwa chela cha Yehova.”
it-2-T 717
Uzaluke
Uzaluke wa Kulimika ni Wata wa Yehova. Profeta Mbalau kazangile kushinga A-Izalele hanga amwehe mbongo kuli Mbalake, mwanangana wa A-Moape, alioze Yehova yamukinda ahone kuchilinga. Postolo Petulu yasoneka hali Mbalau ngwenyi, “chimbulu kamama wahanjikile ni liji lia mutu, wakanjishile uzaluke wa mwe profeta wa mahuza.” Muze Postolo Petulu ahanjikile hakutwala ku uzaluke wa Mbalau, kavulukile liji lia Ngregu pa·ra·fro·ní·a, lize linalumbunuka “kupwa ni mahesuhesu.”—2Pe 2:15, 16; Kwa 22:26-31.
Kuhengwola Yikuma Yilemu ya mu Mbimbiliya
w04-T 1/8 27 ¶2
Yikuma Yilemu ya Mukanda wa Kwalula
22:20-22—Mumu liaka Yehova atenukinyine Mbalau? Yehova kalwezele profeta Mbalau ahone kushinga A-Izalele. (Kwa 22:12) Alioze, Mbalau yaya ni malunga ja Mbalake hanga ashinge A-Izalele. Mbalau kazangile kuvwisa kuwaha mwanangana wa A-Moape hanga amufwete. (2Pe 2:15, 16; Yu 11) Chipwe muze Zambi ashinjilile Mbalau awahise A-Izalele, nihindu iye yafupa kuvwisa mwanangana wa A-Moape kuwaha ha kumulweza hanga atume mapwo waze akuwayila Mbale apiangule malunga A-Izalele. (Kwa 31:15, 16) Yehova katenukinyine Mbalau mumu lia kuzo yenyi.
26 ABRIL–2 MAIO
YIKUMA YILEMU YA MU LIJI LIA ZAMBI | KWALULA 25-26
“Shina Mutu Umuwika Mahasa Kulisa ni Akwo?”
“Chinenu Utanji!”
MUKWA-KULOWA yishi, kakuya ku chitende kuze malowela yishi waze anafupu. Iye kakusakula nguna jize jalita, ni kukonga kazambu kenyi mu meya. Iye kakushimbwila ni uhomboloji weswe, muze mevwa yishi kanasumu ku nguna, iye machiza kawashi-washi kazambu mu meya hamwe ni yishi.
2 Chizechene nawa, atu mahasa kwakwata ngwe yishi. Chakutalilaho, muze A-Izalele asele chilombo cho ku Chana cha A-Moape, te kali hakamwihi ni Chifuchi cha Chilakenyo. Mwanangana wa A-Moape yalakenya kuhana mbongo kuli lunga avuluka ngwo Mbalau, hanga te ashinge Izalele. Mbalau, kawanyine muheto upema wa kukwachilamo A-Izalele hanga alinehene shingo. Iye kasakwile kanawa nguna yenyi. Yatuma akweze a mapwo A-Moape hanga aye ni kupiangula malunga A-Izalele.—Kwalula 22:1-7; 31:15, 16; Usolwelo 2:14.
“Chinenu Utanji!”
4 Mumu liaka A-Izalele afwile mu muheto wa Mbalau? Mumu ayo kanyongene wika ha usolo wo upi, ni kuvulama yuma yeswe yize Yehova aalingilile. A-Izalele te kali ni yitela yinji ya kushishika kuli Zambi. Iye kaatuswile mu undungo ku Engitu, yaalisa mu puya, yaafunga mu jila ndo ni muze ahetele hakamwihi ni Chifuchi cha Chilakenyo. (A-Hepreu 3:12) Chipwe chocho, ayo yafwa mu muheto wa utanji. Paulu kasonekene ngwenyi: “Kanda tulinga utanji ngwe ayo alingile, mba alimbukile.”—1 A-Korindu 10:8.
Kuhengwola Yikuma Yilemu ya mu Mbimbiliya
it-3-T 694 ¶8-9
Njiza
Muze apwile nikuteta chifuchi, chinasoloka ngwe kapwile ni kutala ha yikuma yaali: Kapwile ni kukaula yize chela chasolola ni kutohwa cha mu munyachi. Kuta uchela te chakukwasa kunyingika kuze hita munyachi muutambwila chihela cha chihinga, nawa te chakwasa kusolola chihela chize matwama, ku uto hanji ku sango, ku chivumbuko hanji ku chitokelo, mu chana hanji ku milundu. Chikuma chino cha kuta uchela, chapwile nikukatuka kuli Yehova, che te chakukwika minyachi ya A-Izalele yihone kulivwila ukwa hanji kole.—Yis 16:33.
Muze chela chapwile ni kusolola chihela kuze te matwala umwe munyachi, te kakutesa utohwe wa chihela chacho kulita ni chikuma chamuchiali: kutohwa cha mu munyachi. “Nukahinge chifuchi nikulita ni chela, nikulita ni akwa minyachi yenu, kuli atu anji hikuhana chifuchi chinene, kuli akehe hikuhana chifuchi chikehe. Kweswako chela muchimwinyikina mutu, chocho chikapwe nichenyi.” (Kwa 33:54) Chipwe ngwe kapwile ni kuta uchela wa kuze hita munyachi muutwama, nihindu kapwile ni kwalumunako yimwe hakutwala ku utohwe wa chihinga. Kashika, muze amwene ngwo chihela cha Yunda chapwile chinene, yachiteta ni kuhana chihanda ku munyachi wa Simeone.—Yos 19:9.