Kusolola Zango ni Keke ha Kuhanjika

1 A-Tesalonika 2:7, 8

CHIKUMA CHILEMU: Solola kuli waze unahanjika no ngwe waazanga chinji nawa unafupu kwaakwasa.

YIZE WATAMBA KULINGA:

• Nyonga hali waze anakupanjika. Lulieka mbunge ye hakuliwulula yena mwene yipikalo yize akumona waze anakupanjika. Hanji ucheseka kunyonga ha chize ayo akwivwa.

• Sakula kanawa maliji je. Sako tachi hanga uvwise kuwaha waze anakupanjika, waalembejeke ni kwaatakamisa. Kanda uhanjieka maliji waze meevwisa kupiha ku mbunge, hanji kusaula waze kafulielele muli Zambi ni kusaula yize ayo akufuliela.

• Solola zango lie. Liji lie ni chize muzachisa mujimba we muyisolola zango uli nalio hali waze anakupanjika. Nyonga ha chize unasoloka ku meso; pwako ni kusehejela.