Yitangiwa Yakukolesa Ufulielo Wetu ha Mana ja Yehova

Shina mashimbu eswe Yehova kananyingika yize tunafupiwa? Ewa, kananyingika! Amu tunachinyingika, mutusolola mana ha kukaula usongwelo wenyi. (Yis 16:3, 9) Alioze, ushishiko wetu ha usongwelo wenyi muuhasa kupwa mu cheseko nyi usongwelo wacho muulisa ni manyonga jetu. Kashika mutuhasa kukolesa ufulielo wetu ha mana ja Yehova ha kupukuna ha yitangiwa yenyi.—Yis 30:24, 25; Ro 1:20.

SOLOLA CHINEMA, SHINA UMWE WAYITANGILE? KUCHI TUTUTU AKWEHUKA KULIPINJISA HA KWENDA? MBA NUKUMBULULE YIHULA YINO:

• Milimo yika tututu anji akulinga hita tangwa?

• Kuchi tututu akwehuka kulipinjisa ha kwenda?

• Yuma yika tututu akulinga yize muyihasa kuyukisa atu nyi mayembulula?

SOLOLA CHINEMA, SHINA UMWE WAYITANGILE? KUHUMUKA CHA PUKA MAMANGAVA MBA NUKUMBULULE YIHULA YINO:

• Ukalu uka atu akupwa nawo ha kwendesa ndeke jikehe-jikehe?

• Kuchi puka akuhumuka chakuhona kwahungumuna ku fuji ya tachi?

• Kuchi atu mahasa kuyuka ha mana ja puka?

Shina mana a Yehova ha yitangiwa yize yakusoloka kuze watwama?