Yuma Yitatu Yize Muyitukwasa Kujikijila Muli Yehova

Ndawichi kakumbile Ngoliate mumu kafulielele muli Yehova. (1Sa 17:45) Yehova kanazange kusolola tachi jenyi hali tuvumbi twenyi eswe. (2Sg 16:9) Kuchi mutuhasa kujikijila ha ukwaso wa Yehova chakuhona kujikijila ha mana jetu ni utotombo wetu? Tutalenu yuma yitatu yize twatamba kulinga:

• Lemba mashimbu eswe. Kanda ulemba wika muze hiwalinga shili hanga wite ukonekeno, alioze lemba nawa hanga wite tachi muze unapalika mu yeseko. (Mat 6:12, 13) Kanda ulemba wika hakutwala ku yiwape ya Yehova ha yiyulo yize hiunakwate, alioze lemba nawa hanga wite usongwelo ni mana muze kanda uchikwata chiyulo.—Tia 1:5

• Pwako ni katalilo wa Kutanga ni kulilongesa Mbimbiliya. Tanga Mbimbiliya matangwa eswe. (Sam 1:2) Pukuna ha yilweza ya mu Mbimbiliya, nawa kaula yize unalilongesa. (Tia 1:23-25) Kanda ujikijila ha mana je, alioze lilulieke shimbu kanda uchiya ni kwambujola. Muyuka chinji nyi walianga kululieka malongeso a kukunguluka

• Zeyela ululikiso wa Yehova. Nyingika usongwelo waha wa mu ululikiso, nawa ukaule ni kawashi. (Kwa 9:17) Panjika makulwana a mu chikungulwila muze anakwehe chiyulo ni usongwelo.—Hep 13:17

SOLOLA CHINEMA, KANDA WIVWA WOMA WA YIHUNGUMIONA, MBA NUKUMBULULE YIHULA YINO:

• Woma wa yika mandumbu ni mapangi evwile?

• Yika yaakwashile kukumba woma?