Shina Ukwete Mungelo Yoze Wakukufunga?

Mbimbiliya kuyishi kulongesa ngwo hita mutu kakwete mungelo yoze wakumufunga. Kwamba pundu, Yesu kambile ngwenyi: “Kanyamenu kanda nulelesa umwe wa wano akepe [Tumbaji a Kristu]: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.” (Mateu 18:10) Hano Yesu kakambile ngwenyi, hita mutu kakwete mungelo wenyi yoze wakumufunga, alioze te kanasolola wika ngwenyi, angelo no kakuzanga hita kambaji kenyi. Kashika, akwa-Kristu amwenemwene keshi kulinga yuma chamulingila hanji kulisa mu ponde ni kunyonga ngwo, angelo ja Zambi maafunga.

Shina chino chinalumbunuka ngwo angelo keshi kukwasa atu? Ka. (Samu 91:11) Amwe kakutayiza ngwo Zambi kakwaatumina angelo hanga aakwase ni kwaasongwela. Kinitu yoze twatongola ku uputukilo wa chikuma chino che evwile. Kutuchi kukalila nyonga liacho, alioze chino muchihasa kulingiwa. Yela ja Yehova kakumona pundu ukwaso wa angelo mu mulimo wo wakwambujola. Alioze, angelo kashi kumoneka, kashika kutwanyingikine chize Zambi akwaazachisa hanga akwase hita mutu. Chipwe chocho, kutuchi kuhasa kuhamika ha ukwaso wa Mukwa-Ndundo-Jeswe.—A-Kolosu 3:15; Tiangu 1:17, 18.