Zambi Kanalakenya Ngwenyi Hashi Kuhechi Kunonga

Wano kali maliji ambile kuli atu waze akutala ha kwalumuka cha mwiku ni tungonde. Nyi wakufuliela hali Sakatanga yoze watangile atu, maliji wano a akwa-ciencia mahasa kukwiwulula yuma yinji ya kululieka hashi yize Zambi aseleho.

Chipwe chocho, amu atu anapihisa chinji hashi, hachino, hashi kuhechi kuhasa kulilulieka hene. Mumu liaka twatamba kufuliela ngwetu, Zambi makalulieka hashi?

Tala yisoneko yize yakutwaha shindakenyo ngwo hashi kechi kanongesaho, nawa muhakapema chinji kulutwe.

• Zambi mwe watangile hashi. “Ha uputukilo Zambi watangile malilu ni hashi.”—Uputukilo 1:1.

• Hashi hambala ha Zambi. “Hashia hambala ha Yehova ni yuma yeswe yiliho.”—Samu 24:1

• Zambi katangile hashi hatwame ku miaka yeswe. “Wasele fundamentu ya hashi hanga kuyichi kanyika ndo ku miaka ya mutulo.”—Samu 104:5

• Zambi kanalakenya ngwenyi hashi muhanunga ni yitangiwa ya mwono. “Zambi yoze wawumbile hashi, . . . katangileho hahululu, watangileho hanga atu akatwameho.”—Izaia 45:18

• Zambi kanalakenya ngwenyi atu makatwama hashi ku miaka yeswe. “Akwa ululi kumakazuka chifuchi; kumakatwamamo ku miaka ya mutolo.”—Samu 37:29

Zambi katangile hashi hanga atu awahilile ni mwono chakuhona kupihisaho. Mbimbiliya yakwamba ngwo, ha tangwa lize Zambi hanatese, makonwona waze eswe akupihisa hashi.—Usolwelo 11:18

Mbimbiliya yinalakenya ngwo, hanyima lia yino, Zambi makalulieka hashi ni kupwisaho paraisu yipema ni “kufukula kwoko lie ni kuyukisa usona wa waze eswe atwama ni mwono.”—Samu 145:16