Shina Hinalilulieka?
Shina Hinalilulieka Hanga Ngwambujole ni Chikungulwila?
Muhasa kupwa mukwa-kwambujola wa mu chikungulwila yoze kanda achipapachisa nyi . . .
Wakulilongesa Mbimbiliya, kulemba ni kukunguluka mashimbu eswe.
Wakuzanga umwenemwene, wakuufuliela ni mbunge ye yeswe ni kuhanjika ni akwenu hakutwala ku Mbimbiliya.
Wakuzanga Yehova ni kusakula masepa waze no akumuzanga.
Walihandununa ni uwayilo wa mahuza hanji chimwe chizavu cha akwa-mafwefwe.
Watwama kulita ni shimbi ja Yehova ni kuzanga kupwa Chela chenyi.
Nyi mumona ngwe hiwajama hanga uputuke kwambujola ni chikungulwila, longeshi we wa Mbimbiliya mahasa kuhanjika ni makulwana a mu chikungulwila hanga o amone nyi muchilita kupwa mukwa-kwambujola
Shina Hinalilulieka Hanga Angupapachise?
Muhasa kulilulieka hanga akupapachise nyi . . .
Wapwa mukwa-kwambujola yoze kanda achipapachisa.
Wakwambujola mashimbu eswe kulita ni uhashi we.
Wakukwasa ni kukaula malongeso ni usongwelo wa ‘ndungo wamwenemwene, wakanyama.’—Mateu 24:45-47.
Walihana kuli Yehova mu yilemba ni kuzanga kumulingila ku miaka yeswe.
Nyi mumona ngwe hiwajama hanga akupapachise, longeshi we wa Mbimbiliya mahasa kuhanjika ni makulwana a mu chikungulwila aliwane ni yena hanga amone nyi hiwajama lume ni kupwa Chela cha Yehova.