Yika Mbimbiliya Yakulongesa?

Shina hano hashi muhapwa ululi wamwenemwene?

Yika muhasa kwamba?

• Ewa

• Ka

• Kota

Yize Mbimbiliya yakulongesa

“Ngunanyingika ngwami, Yehova kumakahakwila mukwa luyinda. Kumakahanjikila chize chinalite ni mukwa kuhona.” (Samu 140:12) Wanangana wa Zambi muukaneha ululi wamwenemwene hano hashi.

Yika nawa mutuhasa kulilongesa mu Mbimbiliya?

• Zambi kakumona uhenge uze uli hano hashi, nawa kanalakenya kuuhwisa.—Chilumbununyi 5:8.

• Ululi wa Zambi muukaneha sambukila ni mwono upema hano hashi.—Izaia 32:16-18.

Shina Zambi kakulemesa vungu limwe kuhiana likwo?

Atu amwe kakutayiza ngwo Zambi kakuwahisa hanji kushinga limwe vungu lia atu, akwo kakutayiza ngwo Zambi kakuzanga atu eswe. Yika wanyonga?

Yize Mbimbiliya yakulongesa

“Zambi keshi katonde. Alioze mu mavungu eswe yoze wakumuvwila woma, wakulinga ululi, kakupemena kuli iye.” (Yilinga 10:34, 35) Kumeso ja Zambi atu eswe kali amuwika.

Yika nawa mutuhasa kulilongesa mu Mbimbiliya?

• Mbimbiliya yili ni “sango jipema” “kuli mavungu eswe, ni ku minyachi yeswe, ni ku malimi eswe, ni kuli atu eswe.”—Usolwelo 14:6.