وانە‌ی: ٣
ئایا هە‌واڵی خۆش بە‌راستی لە‌لایە‌ن خوداوە‌یە؟
١. نووسە‌ری پەرتووکی پیرۆز کێیە؟
ئە‌و هە‌واڵە خۆشە کە مرۆڤ دە‌توانێ بۆ هە‌میشە لە‌سە‌ر زە‌وی بژی لە پەرتووکی پیرۆزدا نووسراوە (زە‌بوور ٣٧:٢٩). پەرتووکی پیرۆز لە ٦٦ پەرتووکی بچووک پێکهاتووە. خودا بۆ نووسینی ئە‌و پە‌رتووکانە ٤٠ کەسی باوە‌ڕداری بە‌کارهێنا. پێنج پەرتووکی سە‌رە‌تا ٣٥٠٠ ساڵ لە‌مە‌وبە‌ر بە‌دە‌ستی موسا نووسراون. دوا پە‌رتووکیش ١٩٠٠ ساڵ پێش ئێستا بە‌دە‌ستی یۆحە‌ننای نێردراو نووسرا. نووسە‌رانی پەرتووکی پیرۆز بیروبۆچوونی کێ دە‌ردە‌بڕن؟ خودا لە‌ڕێگای ڕۆحی پیرۆزە‌وە لە‌گە‌ڵ ئە‌و نووسە‌رانە پە‌یوە‌ندی بە‌ست (٢ سامۆئێل ٢٣:٢). ئە‌وان بیروبۆچوونی خودایان نووسی نە‌ک هی خۆیان. کە‌واتە خودا نووسە‌ری پەرتووکی پیرۆزە.—٢ تیمۆساوس ٣:١٦؛ ٢ پە‌ترۆس ١:٢٠، ٢١ بخوێنە‌وە.
٢. چۆن دە‌توانین دڵنیابین لە‌وە‌ی کە پەرتووکی پیرۆز ڕاستە؟
ئێمە دە‌زانین پەرتووکی پیرۆز لە‌لایە‌ن خوداوە هاتووە چونکە بە دە‌قاودە‌قی پێشبینی لە داهاتوو دە‌کا. هیچ مرۆڤێک ناتوانێ ئە‌و کارە بکا (یە‌شوع ٢٣:١٤ ). تە‌نها خودای هە‌رە‌بە‌توانا دە‌توانێ بە دە‌قاودە‌قی داهاتووی مرۆڤ پێشبینی بکا.—ئیشایا ٤٢:٩؛ ٤٦:١٠ بخوێنە‌وە.
ئێمە چاوە‌ڕوانی ئە‌وە‌ین کە پەرتووکی خودا دە‌بێ بێهاوتابێ، بە‌ڵێ بێهاوتایە. بە‌ملیارە‌ها دانە لە پەرتووکی پیرۆز بە‌سە‌دان زمان بڵاوکراونە‌تە‌وە. سە‌رە‌ڕای ئە‌وە‌ی کە پە‌رتووکێکی کۆنە، لە‌گە‌ڵ زانستدا گونجاوە. هە‌روە‌ها، ٤٠ نووسە‌رە‌کانی ئە‌و پە‌رتووکە لە‌گە‌ل یە‌کتر ناکۆک نیین.a لە‌گە‌ڵ ئە‌مە‌شدا پەرتووکی پیرۆز زۆر بە‌ڕوونی مۆری خۆشە‌ویستی بێگە‌ردی کە‌سایە‌تی خودای پێوە‌یە‌و تا ئیستاش لە‌توانایدایە ژیانی خە‌ڵکی بە‌رە‌و باشی بگۆڕێ. ئەم ڕاستیانە، وایانکردووە ملیۆنە‌ها کە‌س دڵنیابن لە‌وە‌ی کە پەرتووکی پیرۆز وشە‌ی خودایە.—١ سالۆنیکی ٢:١٣ بخوێنە‌وە.
ڤیدیۆ: ئێمە چۆن دە‌توانین دڵنیا بین کە پەرتووکی پیرۆز ڕاستە؟
٣. پەرتووکی پیرۆز باس لە‌چی دە‌کا؟
ناوە‌ڕۆکی پەرتووکی پیرۆز هە‌واڵێکی خۆش دە‌گرێتە خۆی کە خودا مە‌بە‌ستێکی خۆشە‌ویستانە‌ی بۆ تە‌واوی مرۆڤایە‌تی هە‌یە. نووسراوە‌کان ڕوونیدە‌کە‌نە‌وە کە چۆن مرۆڤ لە‌سە‌رە‌تای مێژوودا مافی ژیانی لە بە‌هە‌شتی سە‌ر زە‌وی لە‌دە‌ستدا و چۆن لە‌کۆتاییدا ئە‌و بە‌هە‌شتە بە‌دە‌ست دێتە‌وە.—ئاشکراکردن ٢١:٤، ٥ بخوێنە‌وە.
وشە‌ی خودا هە‌روە‌ها یاساو بنە‌ماو ئامۆژگاری تێدایە. هە‌روە‌ها پەرتووکی پیرۆز مێژووی هە‌ڵسوکە‌وتی خودای لە‌گە‌ڵ مرۆڤ تۆمارکردوە کە کە‌سایە‌تی خودا دە‌ردە‌خا. کە‌واتە پەرتووکی پیرۆز دە‌توانێ یارمە‌تیت بدا تا خودا بناسیت. بۆت شیدە‌کاتە‌وە چۆن تۆ دە‌توانی ببی بە‌دۆستی خودا.—زە‌بوور ١٩:٧، ١١؛ یاقوب ٢:٢٣؛ ٤:٨ بخوێنە‌وە.
٤. چۆن دە‌توانی لە پەرتووکی پیرۆز تێبگە‌ی؟
ئەم بڵاوکراوە‌یە یارمە‌تیت دە‌دا لە پەرتووکی پیرۆز تێبگە‌ی بە بە‌کارهێنانی هە‌مان شێواز کە عیسای مە‌سیح بە‌کاریهێنا. ئە‌و یە‌ک لە‌دوای یە‌ک ئاماژە‌ی بۆ ئایە‌تە‌کانی پەرتووکی پیرۆز دە‌کرد و واتای نووسراوە‌کە‌ی شی دە‌کردە‌وە.—لۆقا ٢٤:٢٧، ٤٥ بخوێنە‌وە.
کە‌م شت هە‌ن بە ئە‌ندازە‌ی هە‌واڵی خۆشی خودا سە‌رنجڕاکێش بن. کە‌چی، هە‌ندێک کە‌س هیچ بایە‌خێکی پێ نادە‌ن، کە‌سانێکش هە‌ن تە‌نانە‌ت ڕقیان لێیە‌تی. دڵ سارد مە‌بە. هیوای تۆ بۆ چێژوە‌رگرتن لە ژیانی هە‌میشە‌یی پابە‌ندە بە‌وە‌ی کە تۆ خودا بناسی.—یۆحە‌ننا ١٧:٣ بخوێنە‌وە.
a بڕوانە بڵاوکراوە‌ی پە‌رتووکێک بۆ هە‌موو خە‌ڵکی (بە ئینگلیزی).