وانە‌ی: ٦
چ هیوایە‌ک بۆ مردووە‌کان هە‌یە؟
١. هە‌واڵی خۆش سە‌بارە‌ت بە‌مردووان چییە؟
کاتێ عیسا گە‌یشتە بیتانیا کە نزیکی ئۆرشە‌لیمە، لە‌عازری هاوڕێی چوار ڕۆژ بوو مردبوو. عیسا لە‌گە‌ڵ مە‌رسا و مریە‌می خوشکی پیاوە مردووە‌کە چوون بۆ ئە‌و شوێنە‌ی کە لێیان ناشتبوو. هە‌ر خێرا خە‌ڵکیکی زۆر کۆبوونە‌وە. ئایا دە‌توانی وێنای بکە‌ی کە مە‌رسا و مریە‌م چە‌ند شادومان بوون کاتێ عیسا لە‌عازری بۆ ژیان گە‌ڕاندە‌وە؟—یۆحە‌ننا ١١:٢١-٢٤، ٣٨-٤٤ بخوێنە‌وە.
مە‌رسا بە هە‌واڵی خۆش سە‌بارە‌ت بە مردووە‌کان ئاشنا بوو. ئە‌و دە‌یزانی کە یە‌هوە خە‌ڵکی دووبارە بۆ سە‌ر زە‌وی زیندوو دە‌کاتە‌وە.—ئە‌یوب ١٤:١٤، ١٥ بخوێنە‌وە.
٢. بارودۆخی مردن چییە؟
خودا بە ئادە‌می فە‌رموو «لە‌بە‌ر ئە‌وە‌ی تۆ لە‌خۆڵیت و بۆ خۆڵیش دە‌گە‌ڕێیتە‌وە»—پە‌یدابوون ٣:١٩.
مرۆڤ لە خۆڵ درورست بووە (پە‌یدابوون ٢:٧؛ ٣:١٩). ئێمە ڕۆحێک نین تا لە لە‌شێکی گۆشتیدا بژین. ئێمە ئافە‌ریدە‌یە‌کی فیزیکین، هیچ بە‌شێک لە ئێمە لە کاتی مردندا بە زیندووی نامێنێتە‌وە. کاتێ دە‌مرین مێشکیشمان دە‌مرێ، ئیتر هە‌موو بیرو هۆشمان لە‌ناودە‌چێ. کە‌واتە، لە‌عازر هیچی نە‌ووت سە‌بارە‌ت بە ئە‌زموونی مردنە‌کە‌ی، چونکە مردووان ئاگایان لە هیچ نییە.—زە‌بوور ١٤٦:٤؛ ژیرمە‌ندی ٩:٥، ٦، ١٠ بخوێنە‌وە.
ئایا خودا خە‌ڵک لە دوای مردن بە ئاگر ئازار دە‌دات؟ کاتێک پەرتووکی پیرۆز دە‌فە‌رمووێ مردووە‌کان ئاگایان لە هیچ نییە، کە‌واتە زۆر روونە کە ئاگری دۆزە‌خ بیروباوە‌ڕیکی پوچە‌ڵە، هە‌روە‌ها بوختانە بە خوا. تە‌واوی بیروبۆچوونی ئازاردانی خە‌ڵک بە ئاگر لە‌لایە‌ن خوداوە ناپە‌سە‌ندە.—یە‌رمیا ٧:٣١ بخوێنە‌وە.
٣. ئایا مردووە‌کان دە‌توانن قسە لە‌گە‌ل ئێمە بکە‌ن؟
مردووە‌کان قسە‌ناکە‌ن و نابیستن (زە‌بوور ١١٥:١٧). بە‌ڵام فریشتە‌ی بە‌دکار هە‌ن کە هە‌ندێ جار لە‌گە‌ڵ خە‌ڵکی قسە‌دە‌کە‌ن و وە‌ک کە‌سێک کە مردووە خۆیان دە‌نوێنن (٢ پە‌ترۆس ٢:٤). یە‌هوە قە‌دە‌غە‌ی کردووە هە‌وڵ بدە‌ین لە‌گە‌ل مردووان پە‌یوە‌ندی ببە‌ستین.—دواوتاری موسا ١٨:١٠، ١١ بخوێنە‌وە.
٤. ئە‌وانە‌ی زیندوو دە‌کرێنە‌وە کێن؟
ملیۆنە‌ها کە‌س لە مردووان بۆ ژیانی سە‌ر زە‌وی دە‌گە‌ڕێنە‌وە. تە‌نانە‌ت ئە‌وانە‌ی کە خوداشیان نە‌ناسیوە و کاری خراپیان کردووە زیندوو دە‌کرێنە‌وە.—لۆقا ٢٣:٤٣؛ کردار ٢٤:١٥ بخوێنە‌وە.
ئە‌وانە‌ی کە زیندوو دە‌کرێنە‌وە هە‌لومە‌رجیان بۆ دە‌ڕە‌خسێ ڕاستی دە‌ربارە‌ی خودا فێربن و باوە‌ڕ بە‌عیسا بکە‌ن، ئە‌مە‌ش لە ڕێگای گوێڕایە‌ڵی بوون بە‌دە‌ستدێنن (ئاشکراکردن ٢٠:١١-١٣). ئە‌وانە‌ش کە زیندوو دە‌کرێنە‌وە و کاری باش دە‌کە‌ن و هە‌لومە‌رجی ئە‌وە‌یان بۆ دە‌ڕە‌خسێ چێژ لە ژیانی هە‌میشە‌یی سە‌ر زە‌وی وە‌ربگرن.—یۆحە‌ننا ٥:٢٨، ٢٩ بخوێنە‌وە.
٥. زیندووکردنە‌وە چیمان سە‌بارە‌ت بە یە‌هوە فێردە‌کا؟
خودا هیوای بە‌مردووە‌کان دا بە ناردنی ڕۆڵە‌کە‌ی تاکو لە‌پێناوی ئێمە‌دا بمرێ. بۆیە زیندووکردنە‌وە خۆشە‌ویستی یە‌هوە و چاکیە‌تی ناشایان فێری ئێمە دە‌کا. کاتێ مردووە‌کان زیندوو دە‌کرێنە‌وە، تۆ دە‌تە‌وێ کێ دووبارە ببینییە‌وە؟—یۆحە‌ننا ٣:١٦؛ ڕۆما ٦:٢٣ بخوێنە‌وە.