وانە‌ی ٢٣
لە ئاو هە‌ڵکێشان— ئامانجێکی بە‌نرخە بۆ ئێوە!
عیسا وتی لە ئاو هە‌ڵکێشان بۆ مە‌سیحییە‌کان پێویستە. (مە‌تا ٢٨:١٩، ٢٠ بخوێنە‌وە.) بە‌ڵام لە ئاو هە‌ڵکێشان مانای چییە؟ بۆ بە‌دیهێنانی ئە‌م ئامانجە، پێویستە چی بکە‌یت؟
١. چۆن لە ئاو هە‌ڵکێشان ئە‌نجام دە‌درێت؟
وشە‌ی لە ئاو هە‌ڵکێشان لە یۆنانیدا بە واتای «چوونە ژێر ئاو و هاتنە دە‌رێ» دە‌بێت. کاتێک عیسا لە ڕووباری ئوردون لە ئاو هە‌ڵکێشرا، چووە ناو ئاوە‌کە و پاشان ‹لە ئاوە‌کە هاتە دە‌رێ.› (مە‌رقۆس ١:٩، ١٠) ئە‌مڕۆ مە‌سیحییە ڕاستە‌قینە‌کان، وە‌ک عیسا، کاتێک لە ئاو هە‌ڵدە‌کێشرێن بە تە‌واوی لە ئاودا نوقم دە‌بن.
٢. لە ئاو هە‌ڵکێشان چی نیشان دە‌دات؟
لە ئاو هە‌ڵکێشان ئە‌وە نیشان دە‌دات کە کە‌سێک ژیانی خۆی بو یە‌هوە تە‌رخان کردووە. بە‌ڵام چۆن دە‌توانین خۆمان بۆ یە‌هوە تە‌رخان بکە‌ین؟ کە‌سێک پێش لە ئاو هە‌ڵکێشانە‌کە‌ی لە دوعایە‌کی تایبە‌تدا بە یە‌هوە بە‌ڵێن دە‌دات کە بۆ هە‌میشە خزمە‌تی بکات. لە ڕاستیدا، ئە‌و بە یە‌هوە بە‌ڵێنی داوە کە تە‌نها ئە‌و دە‌پە‌رستێت و ئە‌نجامدانی خواستی یە‌هوە گرنگترین شت لە ژیانیدا بێت. ئە‌و بڕیار دە‌دات کە «ئە‌ولە‌ویە‌ت بە ئارە‌زووە‌کانی خۆی لە ژیاندا نە‌دات . . . و هە‌میشە لە عیسا پە‌یڕە‌وی بکات» و بە‌گوێرە‌ی فێرکاریە‌کانی بژی. (مە‌تا ١٦:٢٤) هە‌روە‌ها بە خۆبە‌خشی و لە ئاو هە‌ڵکێشان، دە‌توانێت پە‌یوە‌ندییە‌کی نزیک لە‌گە‌ڵ یە‌هوە و باوە‌ڕدارانی هە‌بێت.
٣. چۆن دە‌توانین بگە‌ینە قۆناغی لە ئاو هە‌ڵکێشان؟
پێش ئە‌وە‌ی لە ئاو هە‌ڵبکێشرێین، پێویستە زیاتر یە‌هوە بناسین و باوە‌ڕمان بە ئە‌و بە‌هێزتر بکە‌ین. (عیبرانییە‌کان ١١:٦ بخوێنە‌وە.) هە‌رچە‌ندە زیاتر بیناسین، باوە‌ڕمان زیاتر دە‌بێت و زۆرتر یە‌هوە‌مان خۆشدە‌وێت. لە ئە‌نجامدا دە‌تانە‌وێت دە‌ربارە‌ی ئە‌و مزگێنی بدە‌ن و بە‌گوێرە‌ی ستانداردە‌کانی بژین. (٢ تیمۆساوس ٤:٢؛ ١ یۆحە‌نا ٥:٣) ئە‌گە‌ر هە‌ڵسوکە‌وتی کە‌سێک بە تە‌واوی بۆ یە‌هوە قبوڵکراو بێت، ئە‌وا گە‌یشتۆتە قۆناغێک کە بتوانێت ژیانی خۆی بۆ یە‌هوە تە‌رخان بکات و لە ئاو هە‌ڵبکێشرێت.—کۆلۆسی ١:٩، ١٠.a
زیاتر بزانە
لە‌م وانە‌یە‌دا دە‌بینین لە ئاو هە‌ڵکێشانی عیسا چۆن بوو و لە‌وە چی فێر دە‌بین. هە‌روە‌ها دە‌بینین چۆن دە‌توانین بگە‌ینە قۆناغی لە ئاو هە‌ڵکێشان.
٤. لە ئاو هە‌ڵکێشانی عیسا چۆن بوو و ئێمە چی لێ فێر دە‌بین؟
مە‌تا ٣:١٣-١٧ بخوێنە‌وە و بڕوانە چۆن عیسا لە ئاو هە‌ڵکێشرا. دواتر لێکۆڵینە‌وە‌ی ئە‌م پرسیارانە‌ی خوارە‌وە بکە‌ن:
ئایا کاتێک عیسا لە ئاو هە‌ڵکێشرا، منداڵ بوو؟
لە ئاو هە‌ڵکێشانە‌کە‌ی چۆن بوو؟ ئایا تە‌نها هە‌ندێک ئاو بە‌سە‌ر سە‌ریدا پرژاندرا؟
یە‌کسە‌ر دوای لە ئاو هە‌ڵکێشانە‌کە‌ی، عیسا دە‌ستی کرد بە ئە‌نجامدانی ئە‌وە‌ی خودا پێی دابوو. لۆقا ٣:٢١-٢٣ و یۆحە‌نا ٦:٣٨ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
عیسا دوای ئە‌وە‌ی کە لە ئاو هە‌ڵکێشرا بە‌چ شتێک لە ژیانی ئە‌ولە‌ویە‌تی دا؟
٥. لە ئاو هە‌ڵکێشان ئامانجێکە کە دە‌توانن بە‌دە‌ستی بهێنن
لە‌وانە‌یە زە‌حمە‌ت بێت بیر لە‌وە بکە‌نە‌وە کە ڕۆژێک خۆتان بۆ خودا تە‌رخان بکە‌ن و لە ئاو هە‌ڵبکێشرێن. بە‌ڵام دە‌توانن بە قۆناغێک بگە‌ن کە بە دڵنیاییە‌کی تە‌واو بڕیارێکی گرنگ بدە‌ن. لە‌م ڤیدیۆیە‌دا دە‌توانن ببینن که چۆن هە‌ندێک کە‌س ئە‌م کارە‌یان کردووه. ڤیدیۆکە بکە‌وە.
یۆحە‌نا ١٧:٣ و یاقوب ١:٥ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
چ شتێک یارمە‌تی کە‌سێک دە‌دات بۆ گە‌یشتن بە قۆناغی لە ئاو هە‌ڵکێشان؟
ا. بۆ ئە‌وە‌ی خۆمان بۆ یە‌هوە تە‌رخان بکە‌ین، پێویستە لە دوعادا بە‌ڵێنی پێ بدە‌ین کە بۆ هە‌میشە خزمە‌تی دە‌کە‌ین.
ب. بە لە ئاو هە‌ڵکێشان، بە کە‌سانی تر نیشان دە‌دە‌ین کە ئێمە خۆمان بۆ خزمە‌ت کردن بە یە‌هوە تە‌رخان کردووە
٦. بە لە ئاو هە‌ڵکێشران، ئێمە دە‌بینە ئە‌ندامێکی خێزانی یە‌هوە
ئێمە بە لە ئاو هە‌ڵکێشران دە‌بینە ئە‌ندامی خێزانێکی یە‌کگرتوو و جیهانی. ئێمە هە‌موومان لە هە‌ر ڕە‌گە‌زێک یان کە‌لتوورێک کە بین، باوە‌ڕی هاوبە‌شمان هە‌یە و بە پێی ستانداردێکی ئە‌خلاقی دە‌ژین. زە‌بوورە‌کان ٢٥:١٤ و ١ پە‌ترۆس ٢:١٧ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
چۆن لە ئاو هە‌ڵکێشان کاریگە‌ری لە‌سە‌ر پە‌یوە‌ندی شە‌خس لە‌گە‌ڵ یە‌هوە و باوە‌ڕدارانی هە‌یە؟
هە‌ندێک کە‌س دە‌ڵێن: «هێشتا ئامادە نیم لە ئاو هە‌ڵبکێشرێم.»
ئە‌گە‌ر تۆش ئە‌م هە‌ستە‌ت هە‌یە، پێتوایە شایە‌نی ئە‌وە بێت هە‌وڵ بدە‌یت بۆ گە‌ییشتن بە‌م ئامانجە؟
لە کۆتاییدا
عیسا فێرکاری کرد کە لە ئاو هە‌ڵکێشان بۆ مە‌سیحییە‌کان پێویستە. بۆ بە‌دیهێنانی ئە‌م ئامانجە، پێویستە کە‌سێک باوە‌ڕی خۆی بە یە‌هوە بە‌هێز بکات، بە‌گوێرە‌ی ستانداردە‌کانی خودا بژی و خۆی بۆ یە‌هوە تە‌رخان بکات.
پێداچوونە‌وە
بۆچی لە ئاو هە‌ڵکێشان گرنگە و چۆن ئە‌نجام دە‌درێت؟
خۆبە‌خشین و لە ئاو هە‌ڵکێشان نیشانە‌ی چییە؟
چ هە‌نگاوێک بۆ گە‌یشتن بە قۆناغی لە ئاو هە‌ڵکێشان پێویستە دابنێن؟
لێکۆلینە‌وە‌ی زیاتر
لە‌م گۆڤارە‌دا، مانای لە ئاو هە‌ڵکێشان بە تە‌واوی ڕوونکراوە‌تە‌وە.
چ تایبە‌تمە‌ندییە‌ک یارمە‌تی مرۆڤ دە‌دات بگاتە قۆناغی لە ئاو هە‌ڵکێشان؟
«خۆشە‌ویستی و سوپاسگوزاری هاندە‌رێکە بۆ لە ئاو هە‌ڵکێشان» (تاوە‌ری چاودێری، مارس ٢٠٢٠)
بڕوانە چۆن بڕیاری کە‌سێک بۆ لە ئاو هە‌ڵکێشان زیاتر لە هە‌ست بوو؟
«ئە‌وان دە‌یانویست ڕاستی پە‌رتووکی پیرۆز بۆ خۆم بسە‌لمێنم» (تاوە‌ری چاودێری، فە‌وریە ١، ٢٠١٣)
بۆچی لە ئاو هە‌ڵکێشان ئامانجێکی بە‌نرخە و چۆن دە‌توانن خۆتانی بۆ ئامادە بکە‌ن؟