وانە‌ی ٥٤
«کۆیلە‌ی دڵسۆز و ژیر» کێیە و ڕۆڵی چییە؟
عیسا سە‌ری کۆمە‌ڵی مە‌سیحییە. (ئە‌فە‌سۆس ٥:٢٣) ئە‌مڕۆ، عیسا لە ئاسمانە‌وە شوێنکە‌وتووانی کە لە‌سە‌ر زە‌وی دە‌ژین، لە ڕێگە‌ی کۆیلە‌ی دڵسۆز و ژیر ڕێنمایی دە‌کات. (مە‌تا ٢٤:٤٥ بخوێنە‌وە.) عیسا خۆی ئەم کۆیلە‌ی دڵسۆز و ژیری دە‌ستنیشان کرد و دە‌سە‌ڵاتی پێبە‌خشین. لە‌گە‌ڵ ئە‌وە‌شدا، ئە‌و کۆیلە‌یە دە‌بێت هە‌میشە گوێڕایە‌ڵی عیسا بێت و خزمە‌ت بە براکانی ئە‌و بکات. لە‌م وانە‌یە‌دا دە‌بینین ئەم کۆیلە‌یە کێیە و چۆن گرنگی بە پێداویستییە‌کانمان دە‌دات.
١. «کۆیلە‌ی دڵسۆز و ژیر» کێیە؟
یە‌هوە هە‌میشە پیاوێک یان کۆمە‌ڵێکی بچووک لە پیاوانی بۆ ڕێنمایی گە‌لە‌کە‌ی بە‌کارهێناوە. (مە‌لاخی ٢:٧؛ عیبرانییە‌کان ١:١) دوای مردنی عیسا، نێردراوە‌کانی و پیرانی کۆمە‌ڵ لە ئۆرشە‌لیم ڕابە‌رایە‌تی مە‌سیحییە‌کانیان دە‌کرد. (کردار ١٥:٢) بە‌گوێرە‌ی ئە‌و سە‌ردە‌مە، ئە‌مڕۆیش گروپێکی بچووک لە پیرانی کۆبوونە‌وە وە‌ک دە‌ستە‌ی بە‌ڕێوە‌بە‌ری شاهیدانی یە‌هوە، خۆراکی ڕۆحی بۆ ئێمە دابین دە‌کە‌ن و سە‌رپە‌رشتی کاری مزگێنیدان بە‌ڕێوە دە‌بە‌ن. ئەم دە‌ستە‌ی بە‌ڕێوە‌بە‌رە ئە‌و کۆیلە‌ی دڵسۆز و ژیرە کە عیسا دە‌ستنیشانی کرد. (مە‌تا ٢٤:٤٥ بە‌شی یە‌کە‌م) هە‌موو ئە‌ندامانی دە‌ستە‌ی بە‌ڕێوە‌بە‌ر بە ڕۆحی پیرۆز دە‌ستنیشان کراون و هیوادارن پاش مردنیان شانبە‌شانی عیسا لە ئاسمان فە‌رمانڕە‌وایە‌تی بکە‌ن.
٢. مانای ئە‌و خۆراکی ڕۆحییە چییە کە کۆیلە‌ی دڵسۆز و ژیر ئامادە‌ی دە‌کات؟
عیسا وتی کە کۆیلە دڵسۆزە‌کە‌ی «لە کاتی خۆیدا بە هاوباوە‌ڕە‌کانی خواردن دە‌دات.» (مە‌تا ٢٤:٤٥ بە‌شی دووە‌م) ئێمە پێویستمان بە خۆراکی باش و بە‌سوود هە‌یە بۆ ئە‌وە‌ی تە‌ندروستیمان بپارێزین. بە هە‌مان شێوە، بۆ ئە‌وە‌ی بۆ یە‌هوە بە وە‌فاداری بمێنینە‌وە و ئە‌و کارە کە عیسا پێی سپاردوین، ئە‌نجام بدە‌ین، پێویستمان بە خۆراکی ڕۆحی هە‌یە. مە‌بە‌ست لە خۆراکی ڕۆحی ڕێنماییە‌کانی وشە‌ی خوداییە کە بە شێوە‌ی جۆراوجۆر پێمان دە‌درێت. (١ تیمۆساوس ٤:٦) ئێمە ئە‌و خۆراکە ڕۆحییە لە ڕێگە‌ی کۆبوونە‌وە‌کان، کۆنگرە‌کان، بڵاوکراوە‌کان و ڤیدیۆکانە‌وە وە‌ردە‌گرین. خۆراکی ڕۆحی یارمە‌تیمان دە‌دات بۆ ئە‌وە‌ی باشتر لە شێوازی بیرکردنە‌وە و خواستی خودا تێبگە‌ین، بە‌م شێوە‌یە پە‌یوە‌ندیمان لە‌گە‌ڵ خودا قووڵتر دە‌بێتە‌وە.
زیاتر بزانە
لە‌م وانە‌یە‌دا فێر دە‌بین کە بۆچی بە «کۆیلە‌ی دڵسۆز و ژیر» واتە دە‌ستە‌ی بە‌ڕێوە‌بە‌ر پێویستمانە.
دە‌ستە‌ی بە‌ڕێوە‌بە‌ر خۆراکی ڕۆحی و ڕێنمایی و یارمە‌تی کرداری بۆ شاهیدانی یە‌هوە لە سە‌رانسە‌ری جیهان دابین دە‌کات
٣. گە‌لی یە‌هوە دە‌بێت ڕێکخراو بن
دە‌ستە‌ی بە‌ڕێوە‌بە‌ر لە ژێر ڕێنمایی عیسا، چالاکیە‌کانی شاهیدانی یە‌هوە ڕێکدە‌خات. ڕێکخستنێکی هاوشێوە لە نێو مە‌سیحییە سە‌رە‌تاییە‌کانی سە‌دە‌ی یە‌کە‌می زایینیدا هە‌بوو. ڤیدیۆکە بکە‌وە.
١ کۆرنسۆس ١٤:٣٣ و ٤٠ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
ئەم ئایە‌تانە چۆن نیشانی دە‌دە‌ن کە یە‌هوە دە‌یە‌وێت گە‌لە‌کە‌ی ڕێک بخرێت؟
٤. کۆیلە‌ی دڵسۆز و ژیر کاری مزگێنیدانمان ڕێکدە‌خات
لە سە‌دە‌ی یە‌کە‌می زایینیدا، مزگێنیدان گرنگترین کاری مە‌سیحییە‌کان بوو. کردار ٨:١٤ و ٢٥ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
کێ لە سە‌دە‌ی یە‌کە‌می زایینی سە‌رپە‌رشتی کاری مزگێنیدانی دە‌کرد؟
کاردانە‌وە‌ی پە‌ترۆس و یۆحە‌نا بە‌رامبە‌ر بە ڕێنماییە‌کانی نێردراوە‌کانی تر چۆن بوو؟
هە‌تا ئە‌مڕۆش خزمە‌تی مزگێنیدان گرنگترین کارە کە لە‌لایە‌ن دە‌ستە‌ی بە‌ڕیوە‌بە‌ر ڕێکدە‌خرێت. ڤیدیۆکە بکە‌وە.
عیسا لە‌سە‌ر گرنگی کاری مزگێنیدان جە‌ختی دە‌کرد. مە‌رقۆس ١٣:١٠ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
بۆچی کاری مزگێنیدان بۆ دە‌ستە‌ی بە‌ڕیوە‌بە‌ر زۆر گرنگە؟
بۆچی بۆ ڕێکخستنی ئەم کارە جیهانییە پێویستمان بە دە‌ستە‌ی بە‌ڕێوە‌بە‌ر هە‌یە؟
٥. کۆیلە‌ی دڵسۆز و ژیر ڕێنماییمان دە‌کات
دە‌ستە‌ی بە‌ڕێوە‌بە‌ر، شاهیدانی یە‌هوە لە سە‌رانسە‌ری جیهاندا ڕێنمایی دە‌کات. بنە‌مای ڕینماییە‌کانیان لە‌سە‌ر چییە؟ با بزانین دە‌ستە‌ی بە‌ڕێوە‌بە‌ر لە سە‌دە‌ی یە‌کە‌می زایینیدا چۆن ئەم کارە‌ی کردووە. کردار ١٥:١، ٢ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
هە‌ندێک لە مە‌سیحییە‌کانی سە‌دە‌ی یە‌کە‌م چ ناکۆکییە‌کیان هە‌بوو؟
پۆڵس و بە‌رناباس و ئە‌وانی تر بۆ چارە‌سە‌رکردنی ئەم کێشە‌یە چوونە لای کێ؟
کردار ١٥:١٢-١٨ و ٢٣-٢٩ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
چۆن دە‌ستە‌ی بە‌ڕێوە‌بە‌ر لە سە‌دە‌ی یە‌کە‌مدا پێش بڕیاردان، بە‌داوای ڕێنمایی خودا دە‌گە‌ڕا؟—ئاماژە بە ئایاتە‌کانی ١٢، ١٥ و ٢٨.
کردار ١٥:٣٠ و ٣١ و ١٦:٤، ٥ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
کاردانە‌وە‌ی مە‌سیحییە‌کانی سە‌دە‌ی یە‌کە‌می زایینی، بە‌رامبە‌ر بە ڕێنماییە‌کانی دە‌ستە‌ی بە‌ڕێوە‌بە‌ر چۆن بوو؟
چۆن یە‌هوە بە‌هۆی گوێڕایە‌ڵییان بە‌رە‌کە‌تی پێبە‌خشین؟
٢ تیمۆساوس ٣:١٦ و یاقوب ١:٥ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
ئە‌مڕۆ دە‌ستە‌ی بە‌ڕێوە‌بە‌ر لە‌کاتی بڕیاردانی لە کۆی ڕێنمایی پێویست وە‌ردە‌گرێت؟
هە‌ندێک کە‌س دە‌ڵێن: «پێویست ناکات گوێ لە دە‌ستە‌ی بە‌ڕێوە‌بە‌ر بگرین، چونکە ئێمە شوێن مرۆڤ ناکە‌وین.»
چ شتێک بە تۆی سە‌لماندووە کە عیسا سە‌رۆکایە‌تی دە‌ستە‌ی بە‌ڕێوە‌بە‌ر دە‌کات؟
لە کۆتاییدا
دە‌ستە‌ی بە‌ڕێوە‌بە‌ر هە‌مان «کۆیلە‌ی دڵسۆز و ژیرە» کە لە‌لایە‌ن عیسا دە‌ستنیشان کراوە. بە‌رپرسیارێتیان ئە‌وە‌یە کە مە‌سیحییە‌کان لە سە‌رانسە‌ری جیهان ڕێنمایی و خۆراکی ڕۆحییان بۆ دابین بکە‌ن.
پێداچوونە‌وە
کێ «کۆیلە‌ی دڵسۆز و ژیری» دە‌ستنیشان کرد؟
دە‌ستە‌ی بە‌ڕێوە‌بە‌ر چۆن گرنگی بە پێداویستییە‌کانی ئێمە دە‌دات؟
ئایا باوە‌ڕت وایە کە دە‌ستە‌ی بە‌ڕێوە‌بە‌ر هە‌مان «کۆیلە‌ی دڵسۆز و ژیرە»؟
لێکۆڵینە‌وە‌ی زیاتر
بزانن چۆن دە‌ستە‌ی بە‌ڕێوە‌بە‌ر کارە‌کانی ڕێکدە‌خات؟
«دە‌ستە‌ی بە‌ڕێوە‌بە‌ری شاهیدانی یە‌هوە چییە؟» (گۆڤاری ماڵپە‌ڕ)
چۆن دە‌ستە‌ی بە‌ڕێوە‌بە‌ر هە‌وڵ دە‌دات خۆراکی ڕۆحی تە‌ندروست واتە ڕێنمایی دروست و ورد بە ئێمە بدات؟
ئە‌ندامانی دە‌ستە‌ی بە‌ڕێوە‌بە‌ر سە‌بارە‌ت بە‌و کارە‌ی کە عیسا پێی سپاردوون، چی دە‌ڵێن؟
کۆبوونە‌وە‌کان و کۆنگرە‌کانمان چۆن نیشانی دە‌دە‌ن کە یە‌هوە دە‌ستە‌ی بە‌ڕێوە‌بە‌ر ڕێنمایی دە‌کات؟