-
پاشایە‌تی خودا چییە؟هە‌تاهە‌تایە چێژ لە ژیان وە‌ربگرە!—کۆرسی پە‌رتووکی پیرۆز
-
-
وانە‌ی ٣١
پاشایە‌تی خودا چییە؟
بابە‌تی سە‌رە‌کی پە‌رتووکی پیرۆز بریتییە لە پاشایە‌تی خودا. یە‌هوە لە ڕێگە‌ی ئە‌و پاشایە‌تییە، ئامانجی خۆی کە لە سە‌رە‌تاوە بۆ زە‌وی هە‌بوو، بە‌دیدێنێت. پاشایە‌تی خودا چییە؟ چۆن بزانین ئێستا حوکمڕانی دە‌کات؟ ئە‌و پاشایە تا ئێستا چی کردووە و لە داهاتوودا چی دە‌کات؟ لە‌م وانە‌یە‌دا و دوو وانە‌ی داهاتوو وە‌ڵامی ئە‌م پرسیارانە دە‌دە‌ینە‌وە.
١. پاشایە‌تی خودا چییە و پاشاکە‌ی کێیە؟
پاشایە‌تی خودا حکومە‌تێکە کە یە‌هوە دایمە‌زراندوە. پاشاکە‌ی عیسای مە‌سیحە و لە ئاسمانە‌وە حوکمڕانی دە‌کات. (مە‌تا ٤:١٧؛ یۆحە‌نا ١٨:٣٦) پە‌رتووکی پیرۆز دە‌ڵێت کە عیسا: «هە‌تاهە‌تایە حوکمڕانی دە‌کات.» (لۆقا ١:٣٢، ٣٣) لە داهاتوودا عیسا وە‌ک فە‌رمانڕە‌وای پاشایە‌تی خودا، حوکمڕانی هە‌موو خە‌ڵکی سە‌ر زە‌وی دە‌کات.
٢. چ کە‌سانێک لە‌گە‌ڵ عیسا حوکمڕانی دە‌کە‌ن؟
عیسا بە تە‌نها لە ئاسماندا حوکمڕانی ناکات، بە‌ڵکو کە‌سانی تر لە تە‌نیشت ئە‌وە‌وە کە «لە هە‌موو هۆز، زمان، گە‌ل و نە‌تە‌وە‌یە‌ک . . . وە‌ک پاشا فە‌رمانڕە‌وایە‌تی زە‌وی دە‌کە‌ن.» (ئاشکراکردن ٥:٩، ١٠) چە‌ند کە‌س لە‌گە‌ڵ عیسا حوکمڕانی دە‌کە‌ن؟ لە‌و کاتە‌وە‌ی عیسا گە‌یشتە سە‌ر زە‌وی، ملیۆنان کە‌س بە‌دوای عیسا کە‌وتن، بە‌ڵام تە‌نها ١٤٤٬٠٠٠ کە‌س دە‌چنە ئاسمان بۆ ئە‌وە‌ی لە‌گە‌ڵیدا حوکمڕانی بکە‌ن. (ئاشکراکردن ١٤:١-٤ بخوێنە‌وە.) باقی شوێنکە‌وتوانی عیسا لە‌سە‌ر زە‌وی دە‌مێننە‌وە و دە‌بنە هاوڵاتی پاشایە‌تی خودا.—زە‌بوورە‌کان ٣٧:٢٩.
٣. بۆچی پاشایە‌تی خودا لە حکومە‌تە‌کانی جیهان باشترە؟
تە‌نانە‌ت ئە‌گە‌ر فە‌رمانڕە‌واکانی ئە‌م جیهانە هە‌موو هە‌وڵی خۆیان بدە‌ن بۆ ئە‌نجامدانی شتی باش، هە‌میشە سە‌رکە‌وتوو نابن. دوای ماوە‌یە‌ک، ئە‌وان لە لایە‌ن فە‌رمانڕە‌واکانی دیکە‌وە جێگیر دە‌کرێن کە لە بە‌رژە‌وە‌ندی هاوڵاتیە‌کانیان ڕە‌فتار ناکە‌ن. بە‌ڵام فە‌رمانڕە‌وای پاشایە‌تی خودا واتە عیسا، هە‌تاهە‌تایە حوکمڕانی دە‌کات و کە‌س جێگە‌ی ناگرێتە‌وە. پە‌رتووکی پیرۆز دە‌ڵێت: «خودای ئاسمان پاشایە‌تییە‌ک دادە‌مە‌زرێنێت کە هە‌رگیز لە‌ناوناچێت.» (دانیال ٢:٤٤) عیسا وە‌ک فە‌رمانڕە‌وای هە‌موو زە‌وی، لە نێوان خە‌ڵک جیاوازی دانانێت. ئە‌و میهرە‌بان و دڵسۆز و دادپە‌روە‌رە و فێری خە‌ڵک دە‌کات کە بە دادپە‌روە‌ری و میهرە‌بانی لە‌گە‌ڵ یە‌کتردا ڕە‌فتار بکە‌ن.—ئیشایا ١١:٩ بخوێنە‌وە.
زیاتر بزانە
لە‌م وانە‌یە‌دا دە‌بینین کە بۆچی پاشایە‌تی خودا لە هە‌موو حکومە‌تە‌کانی جیهان باشترە.
٤. حکومە‌تێکی بە‌هێز حوکمڕانی هە‌موو خە‌ڵکی سە‌ر زە‌وی دە‌کات
هێز و دە‌سە‌ڵاتی عیسای مە‌سیح لە دە‌سە‌ڵاتی هە‌ر فە‌رمانڕە‌وایە‌کی تر بە درێژایی مێژوو زۆرترە. مە‌تا ٢٨:١٨ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
بۆچی هێز و دە‌سە‌ڵاتی عیسا لە هە‌موو فە‌رمانڕە‌وایە‌کی دیکە‌ی جیهان بە‌هێزترە؟
حکومە‌تە‌کانی ئە‌م جیهانە بە بە‌ردە‌وامی دە‌گۆڕدرێن و خاکێکی سنوورداریان هە‌یە. ئە‌ی پاشایە‌تی خودا چۆنە؟ دانیال ٧:١٤ بخوێنە‌وە و دواتر لێکۆڵینە‌وە‌ی ئە‌م پرسیارانە‌ی خوارە‌وە بکە‌ن:
بۆچی جێگە‌ی دڵخۆشییە کە «پاشایە‌تی خودا هە‌رگیز لە‌ناو ناچێت؟»
بۆچی دڵخۆشکە‌رە کە پاشایە‌تی خودا فە‌رمانڕە‌وایە‌تی هە‌موو خە‌ڵکی زە‌وی دە‌کات؟
٥. پێویستە حکومە‌تە‌کانی ئە‌م جیهانە بگۆڕدرێن
بۆچی پێویستە پاشایە‌تی خودا جێگە‌ی حکومە‌تە‌کانی ئە‌م جیهانە بگرێتە‌وە؟ ڤیدیۆکە بکە‌وە و دواتر لێکۆڵینە‌وە‌ی ئە‌م پرسیارە‌ی خوارە‌وە بکە‌ن.
ئە‌نجامە‌کانی حوکمڕانی مرۆڤ چی بوون؟
ژیرمە‌ندی ٨:٩ بخوێنە‌وە و دواتر لێکۆڵینە‌وە‌ی ئە‌م پرسیارانە‌ی خوارە‌وە بکە‌ن:
پێتوایە پێویستە پاشایە‌تی خودا جێگە‌ی حکومە‌تە‌کانی ئە‌م جیهانە بگرێتە‌وە؟ بۆچی وا بیردە‌کە‌یتە‌وە؟
٦. فە‌رمانڕە‌واکانی پاشایە‌تی خودا لێمان تێدە‌گە‌ن
پاشامان عیسای مە‌سیح بۆ ماوە‌یە‌ک لە‌سە‌ر زە‌وی بە شێوە‌ی مرۆڤ ژیاوە، بۆیە دە‌توانێت لە لاوازییە‌کانمان تێبگات و «هاوسۆزیمان لە‌گە‌ڵ بکات.» (عیبرانییە‌کان ٤:١٥) هە‌روە‌ها یە‌هوە ١٤٤٬٠٠٠ پیاو و ژنی وە‌فاداری هە‌ڵبژاردووە کە لە‌گە‌ڵ عیسادا لە نێوان خە‌ڵکی «لە هە‌موو هۆز، زمان، گە‌ل و نە‌تە‌وە‌یە‌ک» لە‌داهاتوودا فە‌رمانڕە‌وایە‌تی دە‌کە‌ن.—ئاشکراکردن ٥:٩.
ئایا بۆ تۆ دڵخۆشکە‌ر نییە کە عیسا و هە‌موو ئە‌وانە‌ی لە‌گە‌ڵیدا حوکمڕانی دە‌کە‌ن ژیانی سە‌ر زە‌ویان ئە‌زموون کردووە؟ بۆچی وا بیر دە‌کە‌یتە‌وە؟
یە‌هوە پیاوان و ژنانی لە ڕە‌گە‌ز و پێشینە‌ی جیاواز هە‌ڵبژاردووە بۆ ئە‌وە‌ی لە‌گە‌ڵ عیسادا حوکمڕانی بکە‌ن
٧. یاساکانی پاشایە‌تی خودا لە یاساکانی هە‌ر حکومە‌تێکی تر باشترە
حکومە‌تە‌کانی ئە‌م جیهانە یاسایان هە‌یە کە هاوڵاتیە‌کانیان دە‌توانن بە گوێڕایە‌ڵی ئە‌وان سوودی لێ وە‌ربگرن و پارێزراو بن. هە‌روە‌ها پاشایە‌تی خودا چە‌ند یاسایە‌کی هە‌یە کە هاوڵاتیە‌کانی دە‌بێت گوێڕایە‌ڵی بن. ١ کۆرنسۆس ٦:٩-١١ بخوێنە‌وە و دواتر لێکۆڵینە‌وە‌ی ئە‌م پرسیارانە‌ی خوارە‌وە بکە‌ن:
پێتوایە جیهان چۆن دە‌بێت ئە‌گە‌ر هە‌موو خە‌ڵک گوێڕایە‌ڵی یاساکانی خودا بن؟a
ئایا پێت وایە لۆژیکە کە یە‌هوە داوای لە هاوڵاتیە‌کانی پاشایە‌تی خۆی بکات کە گۆێڕایە‌ڵی یاساکانی بن؟
ئایا ئە‌وانە‌ی کە ئێستا گوێڕایە‌ڵی یاساکانی خودا نین، دە‌توانن ڕە‌فتارە‌کانیان بگۆڕن؟ چۆن ئە‌مە دە‌زانین؟—ئاماژە بە ئایە‌تی ١١.
یاساکانی حکومە‌تە‌کان تا ڕادە‌یە‌ک سوود بە هاوڵاتیە‌کانیان دە‌گە‌یە‌نن و دە‌یانپارێزن، بە‌ڵام یاساکانی پاشایە‌تی خودا زیاتر سوود بە هاوڵاتیە‌کانی دە‌گە‌یە‌نێت و دە‌یانپارێزێت
هە‌ندێک کە‌س دە‌ڵێن: «پاشایە‌تی خودا چییە؟»
چۆن وە‌ڵام دە‌دە‌یتە‌وە؟
لە کۆتاییدا
پاشایە‌تی خودا حکومە‌تێکی ڕاستە‌قینە‌یە لە ئاسمان کە لە داهاتوودا بە‌سە‌ر هە‌موو خە‌ڵکی زە‌وی حوکمڕانی دە‌کات.
پێداچوونە‌وە
حاکمە‌کانی پاشایە‌تی خودا کێن؟
بۆچی پاشایە‌تی خودا لە هە‌موو حکومە‌تە‌کانی جیهان باشترە؟
یە‌هوە چاوە‌ڕوانی چی لە هاوڵایە‌تیە‌کانی پاشایە‌تی خۆی دە‌کات؟
لێکۆڵینە‌وە‌ی زیاتر
لە‌م بابە‌تە‌دا دە‌بینن عیسا دە‌ربارە‌ی مە‌قە‌ڕی پاشایە‌تی خودا چی دە‌ڵێت.
بۆچی بۆ شاهیدانی یە‌هوە وە‌فاداری بۆ خودا گرنگترە لە وە‌فاداری بۆ مرۆڤ؟
پە‌رتووکی پیرۆز دە‌ربارە‌ی ئە‌و ۱٤٤٬٠٠٠ هە‌زار کە‌سە‌ی کە یە‌هوە هە‌ڵیبژاردووە بۆ ئە‌وە‌ی لە‌گە‌ڵ عیسا حوکمڕانی بکە‌ن، چی دە‌ڵێت؟
«چ کە‌سانێک دوای مردن دە‌چێنە ئاسمان؟» (گۆڤاری ماڵپە‌ڕ)
ئە‌و ژنە کە لە زیندان بوو، چۆن بە ئە‌م باوە‌ڕە گە‌یشت کە تە‌نها خودا دە‌توانێت دادپە‌روە‌ری لە هە‌موو جیهان بە جێ بهێنێت؟
«من لە هۆکاری نادادپە‌روە‌رییە‌کان تێگە‌یشتم» (گۆڤاری ماڵپە‌ڕ)
-
-
پاشایە‌تی خودا ئێستا حۆکمڕانی دە‌کات!هە‌تاهە‌تایە چێژ لە ژیان وە‌ربگرە!—کۆرسی پە‌رتووکی پیرۆز
-
-
وانە‌ی ٣٢
پاشایە‌تی خودا ئێستا حۆکمڕانی دە‌کات!
پاشایە‌تی خودا لە ساڵی ۱۹۱٤ لە ئاسماندا دە‌ستی بە حۆکمڕانی کرد. لە هە‌مان ساڵ سە‌ردە‌مێک بە ناوی «ڕۆژانی کۆتایی» دە‌ستی پێ کرد کە ئە‌و کاتە دە‌بێتە هۆی لە‌ناوچوونی حکومە‌تە‌کانی مرۆڤ. چۆن ئە‌مە دە‌زانین؟ بۆ وە‌ڵامدانە‌وە‌ی ئە‌م پرسیارە، لە‌م وانە‌یە‌دا، ئێمە باس لە‌وە دە‌کە‌ین کە چۆن پێشبینییە‌کانی پە‌رتووکی پیرۆز دە‌ربارە‌ی ساڵی ۱۹۱٤ هاتنە دی و بارودۆخی جیهان و هە‌ڵسوکە‌وتی خە‌ڵک لە‌و ساڵە‌وە چۆن بووە.
١. پە‌رتووکی پیرۆز چی پێشبینی کردووە؟
خودا لە ڕێگە‌ی نێردراوە‌کە‌یە‌وە بە ناوی دانیال، نیشانی دا کە پاشایە‌تییە‌کە‌ی دوای کۆتایی هاتنی ماوە‌یە‌ک کە پێی دە‌وترێت «حە‌وت کات» دە‌ست بە حۆکمڕانی دە‌کات. (دانیال ٤:١٦، ١٧) دوای چە‌ند سە‌دە‌یە‌ک، عیسا ئاماژە‌ی بە هە‌مان ماوە کرد و بە «کاتی دیاریکراو بۆ نە‌تە‌وە‌کان» ناوی برد. ئە‌و بە پە‌یڕە‌وانی ووت کە ئە‌و سە‌ردە‌مە هێشتا لە سە‌ردە‌می خۆیدا کۆتایی پێ نە‌هاتووە. (لۆقا ٢١:٢٤) لە‌م وانە‌یە‌دا دە‌بینین کە ئە‌و حە‌وت کات لە ساڵی ۱۹۱٤ کۆتایی هات.
٢. بارودۆخی جیهان و هە‌ڵسوکە‌وتی خە‌ڵک لە ساڵی ۱۹۱٤ە‌وە چۆن بووە؟
قوتابییە‌کانی عیسا لێیان پرسی: «نیشانە‌ی هاتنە‌وە‌ت و کۆتایی زە‌مان چییە؟» (مە‌تا ٢٤:٣) لە وە‌ڵامدا، عیسا پێشبینی ئە‌و ڕووداوانە‌ی کرد کە دوای دە‌ستپێکردنی حوکمڕانییە‌کە‌ی ڕوودە‌دات، وە‌ک جە‌نگ، قاتوقڕی و بوومە‌لە‌رزە. (مە‌تا ٢٤:٧ بخوێنە‌وە.) هە‌روە‌ها پە‌رتووکی پیرۆز پێشبینی ئە‌وە دە‌کات کە شێوازی بیرکردنە‌وە و هە‌ڵسوکە‌وتی خە‌ڵک «لە ڕۆژانی کۆتاییدا ژیان قورس دە‌کات.» (٢ تیمۆساوس ٣:١-٥) ئە‌م پێشبینییانە دە‌ربارە‌ی دۆخی جیهان و هە‌ڵسوکە‌وتی خە‌ڵک لە ساڵی ۱۹۱٤وە بە ڕوونی دە‌بینرێت.
٣. بۆچی جیهان لە‌گە‌ڵ دە‌ستپێکردنی دە‌سە‌ڵاتی عیسا خراپتر بوو؟
دوای ئە‌وە‌ی عیسا بوو بە فە‌رمانڕە‌وای پاشایە‌تی خودا، لە‌گە‌ڵ شە‌یتان و دێوە‌کانی لە ئاسماندا شە‌ڕی کرد و لە‌ناوی بردن. پە‌رتووکی پیرۆز دە‌ڵێت کە «شە‌یتان لە‌گە‌ڵ فریشتە‌کانی فڕێدرانە سە‌ر زە‌وی.» (ئاشکراکردن ١٢:٩، ١٠، ١٢) شە‌یتان زۆر تووڕیە چونکە دە‌زانێت کە لە ناو دە‌چێت. بۆیە ئازار و ناخۆشی بۆ مرۆڤە‌کان درووست کردووە. سە‌یر نییە کە بارودۆخی جیهان ئە‌وە‌ندە خراپە! بە‌ڵام پاشایە‌تی خودا هە‌موو ئە‌م کێشانە چارە‌سە‌ر دە‌کات.
زیاتر بزانە
لە‌م وانە‌یە‌دا دە‌بینین کە پاشایە‌تی خودا لە ساڵی ۱۹۱٤ دە‌ستی بە حۆکمڕانی کردووە و چۆن کاریگە‌ری لە‌سە‌ر ژیانمان دادە‌نێت.
٤. چۆن ژمێریارییە‌کانی کاتی پە‌رتووکی پیرۆز دە‌مانبات بۆ ساڵی ۱۹۱٤؟
خودا وایکرد نە‌بوخودنە‌سر پاشای بابل خە‌ونێک دە‌ربارە‌ی ڕووداوە‌کانی داهاتوو ببینێت. بە پشکنینی ئە‌و خە‌ونە و لێکدانە‌وە‌ی دانیال، بۆمان دە‌ردە‌کە‌وێت کە پێشبینییە‌کە پە‌یوە‌ندی بە هە‌ردوو پاشایە‌تی نە‌بوخودنە‌سر و پاشایە‌تی خوداوە هە‌یە.—دانیال ٤:١٧ بخوێنە‌وە.a
دانیال ٤:٢٠-٢٦ بخوێنە‌وە و پاشان بە بە‌کارهێنانی وێنە‌کان و خشتە‌کان وە‌ڵامی ئە‌م پرسیارانە‌ی خوارە‌وە بدە‌نە‌وە:
(ا) نە‌بوخودنە‌سر لە خە‌ودا چی بینی؟—ئاماژە بە ئایە‌تە‌کانی ٢٠ و ٢١.
(ب) چی بە‌سە‌ر دارە‌کە‌دا هات؟—ئاماژە بە ئایە‌تی ٢٣.
(پ) لە کۆتایی «حە‌وت کات» دا چی روودە‌دات؟—ئاماژە بە ئایە‌تی ٢٦.
ئە‌و دارە کە پاشای بابل لە خە‌ودا بینی چە پە‌یوە‌ندیکی بە پاشایە‌تی خوداوە هە‌یە؟
پێشبینی (دانیال ٤:٢٠-٣٦)
حوکمڕانی
(ا) دارێکی زۆر بە‌رز
وە‌ستانێک لە حوکمڕانی
(ب) «دارە‌کە ببڕن» و بهێڵن «حە‌وت کات» تێپە‌رێت.
دە‌ست پێ کردنی دووبارە‌ی حوکمڕانی
(پ) «پاشایە‌تی تۆ جارێکی تر بۆت دە‌گە‌ڕێتە‌وە.»
لە یە‌کە‌م بە‌دیهاتنی ئە‌م پێشبینیە . . .
(ت) ئە‌و دارە هێمای کێ بوو؟—ئاماژە بە ئایە‌تی ٢٢.
(ج) چۆن فە‌رمانڕە‌وایە‌تییە‌کە‌ی تێکشکا؟—دانیال ٤:٢٩-٣٣ بخوێنە‌وە.
(چ) لە کۆتایی ئە‌و «حە‌وت کاتە» دا چی بە‌سە‌ر پاشا نە‌بوخودنە‌سر هات؟ —دانیال ٤:٣٤-٣٦ بخوێنە‌وە.
یە‌کە‌م بە‌دیهێنان
حوکمڕانی
(ت) نە‌بوخودنە‌سر، پاشای بابل
وە‌ستانێک لە حوکمڕانی
(ج) نە‌بوخودنە‌سر لە دوای ساڵی ٦٠٦ پ.ز. عە‌قڵی لە‌دە‌ستدا و نە‌یتوانی بۆ ماوە‌ی ٧ ساڵ حوکمڕانی بکات.
دە‌ست پێ کردنی دووبارە‌ی حوکمڕانی
(چ) نە‌بوخودنە‌سر تە‌ندروستی چاک دە‌بێتە‌وە و دووبارە دە‌ست بە فە‌رمانڕە‌وای کرد
لە دووە‌م بە‌دیهاتنی ئە‌م پێشبینیە . . .
(ح) ئە‌و دارە هێمای چ کە‌سانێک بوو؟ —١ پوختە‌ی مێژوو ٢٩:٢٣ بخوێنە‌وە.
(خ) چۆن فە‌رمانڕە‌وایە‌تییە‌کە‌ی ئە‌وان تێکشکا؟ چۆن بزانین کاتێک کە عیسا لە‌سە‌ر زە‌وی بوو ئە‌م وە‌ستانە‌وە، هێشتا بە‌ردە‌وام بووە؟ —لۆقا ٢١:٢٤ بخوێنە‌وە.
(د) ئە‌م حوکمڕانییە کە‌ی و لە کوێ دووبارە دە‌ستی پێکرد؟
دووە‌م بە‌دیهێنان
حوکمڕانی
(ح) پاشاکانی ئیسرائیل کە نوێنە‌رایە‌تی فە‌رمانڕە‌وای خودا دە‌کە‌ن
وە‌ستانێک لە حوکمڕانی
(خ) وێرانکردنی ئۆرشە‌لیم، تێکشکانێکی بۆ ماوە‌ی ٢٥٢٠ ساڵ لە حوکمڕانی پاشاکانی ئیسرائیل کە نوێنە‌رایە‌تی خودا بوون، دروستکرد
دە‌ست پێ کردنی دووبارە‌ی حوکمڕانی
(د) عیسا لە پاشایە‌تی خودا وە‌ک پاشا لە ئاسمان دە‌ست بە فە‌رمانڕە‌واییە‌تی کرد
حە‌وت کات چە‌ند ساڵە؟
هە‌ندێک ئایە‌تە‌کانی پە‌رتووکی پیرۆز بۆ تێگە‌یشتن لە ئایە‌تە‌کانی تر یارمە‌تیدە‌رمان دە‌بن. بۆ نموونە لە کتێبی ئاشکراکردن هاتووە کە سێ کات و نیو یە‌کسانە بە ١٢٦٠ ڕۆژ. (ئاشکراکردن ١٢:٦، ١٤) حە‌وت کات کە دوو هێندە‌ی ئە‌وە، دە‌بێتە ٢٥٢٠ ڕۆژ. لە پە‌رتووکی پیرۆز هندێک جار ڕۆژێک بە واتای ساڵێک دێت. (حزقیێل ٤:٦) لە‌گە‌ڵ پێشبینییە‌کە‌ی دانیالیشدا—هە‌مان شتە، واتە ئە‌و حە‌وت کاتە یە‌کسانە بە ٢٥٢٠ ساڵ.
٥. لە ساڵی ١٩١٤ جیهان گۆڕاوە
عیسا پێشبینی کرد کە دوای دە‌ستپێکردنی حوکمڕانیە‌کی بارودۆخی جیهان چۆن دە‌بێت. لۆقا ٢١:٩-١١ بخوێنە‌وە و دواتر لێکۆڵینە‌وە‌ی ئە‌م پرسیارە‌ی خوارە‌وە بکە‌ن:
ئێوە کام یە‌ک لە‌و مە‌رجانە‌تان بینیوە یان بیستووە؟
پە‌رتووکی پیرۆز پێشبینی کردبوو کە مرۆڤە‌کان لە «ڕۆژانی کۆتایی» دا چ جۆرە بیرکردنە‌وە و ڕە‌فتارێکیان دە‌بێت. ٢ تیمۆساوس ٣:١-٥ بخوێنە‌وە و دواتر لێکۆڵینە‌وە‌ی ئە‌م پرسیارە‌ی خوارە‌وە بکە‌ن:
ئێوە ئە‌مڕۆ کام لە‌م ڕە‌فتارانە‌تان لە خە‌ڵکیدا بینیوە؟
٦. پاشایە‌تی خودا دە‌بێت هاندە‌رمان بێت
مە‌تا ٢٤:٣ و ١٤ بخوێنە‌وە و دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن:
چ چالاکیە‌کی گرنگ نیشان دە‌دات کە پاشایە‌تی خودا فە‌رمانڕە‌وایە‌تی دە‌کات؟
ئێوە چۆن دە‌توانن بە‌شداری ئە‌م چالاکییە بکە‌ن؟
ئێستا پاشایە‌تی خودا حوکمڕانی دە‌کات و ئە‌و ڕۆژە نزیکە کە بە‌تە‌واوی فە‌رمانڕە‌وایی هە‌موو مرۆڤە‌کان لە‌سە‌ر زە‌وی بکات. عیبرانییە‌کان ١٠:٢٤، ٢٥ بخوێنە‌وە و دواتر لێکۆڵینە‌وە‌ی ئە‌م پرسیارە‌ی خوارە‌وە بکە‌ن:
ئێمە دە‌بێت چی بکە‌ین کاتێک ‹دە‌بینین ئە‌و ڕۆژە نزیکتر› دە‌بێتە‌وە؟
ئە‌گە‌ر بزانن چ شتێک یارمە‌تی خە‌ڵک دە‌دات و ژیانیان ڕزگار دە‌کات، چی دە‌کە‌ن؟
هە‌ندێک کە‌س دە‌ڵێن: «بۆچی شاهیدانی یە‌هوە زۆر باسی ساڵی ١٩١٤ دە‌کە‌ن؟»
چۆن وە‌ڵام دە‌دە‌یتە‌وە؟
لە کۆتاییدا
پێشبینییە‌کانی پە‌رتووکی پیرۆز و ژمێریارییە‌کانی کاتی، بارودۆخی جیهان نیشان دە‌دات کە پاشایە‌تی خودا حوکمڕانی دە‌کات. ئێمە بە بە‌شداریکردن لە مزگێنیدان و ئامادە‌بوون لە کۆبوونە‌وە‌کاندا نیشان دە‌دە‌ین کە باوە‌ڕمان بە پاشایە‌تی خودا هە‌یە.
پێداچوونە‌وە
لە کۆتایی ئە‌و «حە‌وت کاتە» دا کە لە پێشبینییە‌کە‌ی دانیال باسی لێ کراوە، چی ڕوویدا؟
چی قە‌ناعە‌تت پێدە‌دات کە پاشایە‌تی خودا لە ساڵی ١٩١٤ دە‌ستی بە حوکمڕانی کردووە؟
چۆن دە‌توانێت نیشانی بدە‌ێت کە باوە‌ڕت هە‌یە، ئێستا پاشایە‌تی خودا حوکمڕانی دە‌کات؟
لێکۆڵینە‌وە‌ی زیاتر
مێژوونووسان و توێژە‌ران سە‌بارە‌ت بە گۆڕانکارییە‌کانی جیهان لە ساڵی ١٩١٤ چی دە‌ڵێن؟
لە مە‌تا ٢٤:١٤ بخوێنە‌وە کە پێشبینیە‌کە‌ی عیسا چۆن ژیانی پیاوێکی گۆڕی؟
«لە هە‌موو شتێک زیاتر بیسبۆڵم خۆشدە‌ویست!» (تاوە‌ری چاودێری ژمارە‌ی. ٣ی ٢٠١٧)
چۆن بزانین پێشبینی بە‌شی چوارە‌می کتێبی دانیال پە‌یوە‌ندی بە پاشایە‌تی خودا هە‌یە؟
«پاشایە‌تی خودا لە چ ساڵێک دە‌ستی بە حوکمڕانی کرد؟ (بە‌شی ١)» (گۆڤاری ماڵپە‌ڕ)
چۆن لە بە‌شی چوارمی کتێبی دانیال ئاماژە‌ی پێ دە‌کات کە «حە‌وت کات» لە ساڵی ١٩١٤ کۆتای هات؟
«پاشایە‌تی خودا لە چ ساڵێک دە‌ستی بە حوکمڕانی کرد؟ (بە‌شی ٢)» (گۆڤاری ماڵپە‌ڕ)
a دوو بابە‌ت لە کۆتایی ئە‌م وانە‌یە لە بە‌شی لێکۆڵینە‌وە‌ی زیاتر ببینن.
-
-
پاشایە‌تی خودا چی دە‌کات؟هە‌تاهە‌تایە چێژ لە ژیان وە‌ربگرە!—کۆرسی پە‌رتووکی پیرۆز
-
-
وانە‌ی ٣٣
پاشایە‌تی خودا چی دە‌کات؟
پاشایە‌تی خودا هە‌ر ئێستا فە‌رمانڕە‌وایە‌تی دە‌کات. بە‌م زووانە گۆڕانکاری گە‌ورە لە‌سە‌ر زە‌ویدا بە‌دی دە‌هێنێت. لە‌م وانە‌یە‌دا، بە‌رە‌کاتی ژیان لە ژێر پادشایە‌تی خودا دە‌بینین.
١. چۆن خودا ئاشتی و دادپە‌روە‌ری بۆ زە‌وی دە‌گە‌ڕێنێتە‌وە؟
فە‌رمانڕە‌وای پاشایە‌تی خودا واتە عیسا مە‌سیح، لە شە‌ڕێکدا بە ناوی هارمە‌گیدۆن مرۆڤە خراپە‌کان و حکومە‌تە‌کانی ئە‌م جیهانە لە‌ناو دە‌بات. (ئاشکراکردن ١٦:١٤، ١٦) لە‌و کاتە‌دا، ئە‌م بە‌ڵێنە‌ی خوارە‌وە‌ی پە‌رتووکی پیرۆز بە تە‌واوی جێبە‌جێ دە‌بێت کە دە‌ڵێت: «پاش ماوە‌یە‌کی کە‌م بە‌دکار نامێنێت، دە‌ڕوانیتە شوێنە‌کە‌ی، لە‌وێ نە‌ماوە.» (زە‌بوورە‌کان ٣٧:١٠) عیسا مە‌سیح کە فە‌رمانڕە‌وای پاشایە‌تی خودایە، ئاشتی و دادپە‌روە‌ری لە‌سە‌ر زە‌وی دادە‌مە‌زرێنێت.—ئیشایا ١١:٤ بخوێنە‌وە.
٢. ژیان چۆن دە‌بێت کاتێک ویستی خودا لە‌سە‌ر زە‌وی ئە‌نجام دە‌درێت؟
لە ژێر سایە‌ی پاشایە‌تی خودا «ڕاستودروستان دە‌بن بە میراتگری خاکە‌کە و هە‌تاهە‌تایە لە‌سە‌ری نیشتە‌جێ دە‌بن.» (زە‌بوورە‌کان ٣٧:٢٩) بیهێنە بە‌رچاوت لە جیهانێکدا دە‌ژین کە هە‌مووان دادپە‌روە‌رن و یە‌هوە و یە‌کتریان خۆشدە‌وێت! کە‌س نە‌خۆش ناکە‌وێت و هە‌مووان بۆ هە‌تاهە‌تایە دە‌ژین.
٣. پاشایە‌تی خودا دوای لە‌ناوچوونی خراپە‌کاران چی دە‌کات؟
دوای لە‌ناوچوونی خراپە‌کاران، عیسا وە‌ک پاشا بۆ ماوە‌ی ١٠٠٠ ساڵ حوکمڕانی دە‌کات. لە‌و ماوە‌یە‌دا عیسا و ١٤٤٠٠٠ هاوفە‌رمانڕە‌واکانی، یارمە‌تی خە‌ڵک دە‌دە‌ن کە کامڵ بن و چیتر لە کۆیلە‌ی گوناهدا نە‌مێنن. لە کۆتایی ئە‌و ماوە‌یە‌دا زە‌وی دە‌گۆڕێت بە بە‌هە‌شتێکی جوان و پڕ لە خە‌ڵکی دڵخۆش، کە بە گوێڕایە‌ڵی لە یاساکانی یە‌هوە سوودمە‌ند دە‌بن. پاشان دوای ئە‌و ١٠٠٠ ساڵە، عیسا حوکمڕانی دە‌گە‌ڕێنێتە‌وە بۆ باوکی یە‌هوە و «ناوی یە‌هوە بە شێوە‌یە‌کی بێ وێنە پاک و پیرۆز دە‌بێت.» (مە‌تا ٦:٩، ١٠) یە‌هوە دە‌یسە‌لمێنێت کە فە‌رمانڕە‌وایە‌کی باشە و گرنگی بە فە‌رمانبە‌رانی دە‌دات. پاشان یە‌هوە شە‌یتان و دێوە‌کانی و هە‌رکە‌سێکی دیکە کە دژ بە پاشایە‌تی خودا بێت، لە‌ناو دە‌بات. (ئاشکراکردن ٢٠:٧-١٠) ئە‌و بارودۆخە تە‌واوە‌ی کە لە‌لایە‌ن پاشایە‌تی خودا دێتە‌دی، دە‌مێنێتە‌وە و لە ئە‌نجامدا مرۆڤە‌کان بۆ هە‌تاهە‌تایە لە ژیان چێژ وە‌ردە‌گرن.
زیاتر بزانە
لە‌م وانە‌یە‌دا فێر دە‌بین کە خودا پێشبینییە‌کانی پە‌رتووکی پیرۆز لە ڕێگە‌ی پاشایە‌تییە‌کە‌یە‌وە جێبە‌جێ دە‌کات و دە‌بینین بۆچی دە‌توانین لە‌وە دڵنیا بین.
٤. پادشایە‌تی خودا حکومە‌تە‌کانی ئە‌م جیهانە لە‌ناو دە‌بات
«مرۆڤ بە‌سە‌ر هاومرۆڤە‌کە‌یدا بە زیانی ئە‌و حۆکمڕانی دە‌کات.» (ژیرمە‌ندی ٨:٩) یە‌هوە هە‌موو ئە‌و نادادپە‌روە‌رییانە لە ڕێگە‌ی پاشایە‌تییە‌کە‌یە‌وە چاک دە‌کاتە‌وە.
دانیال ٢:٤٤ و ٢ سالۆنیکی ١:٦-٨ بخوێنە‌وە و دواتر لێکۆڵینە‌وە‌ی ئە‌م پرسیارانە‌ی خوارە‌وە بکە‌ن:
یە‌هوە و عیسای کوڕی چی لە‌گە‌ڵ حکومە‌تە‌کانی ئە‌م جیهانە و شوێنکە‌وتووانی ئە‌وان دە‌کە‌ن؟
بە پێی زانیارییە‌کانت دە‌ربارە‌ی یە‌هوە و عیسا، چۆن دە‌توانیت دڵنیا بی کە کارە‌کانیان دادپە‌روە‌رانە‌یە؟
٥. عیسا پاشایە‌کی نموونە‌یە
عیسا وە‌ک فە‌رمانڕە‌وای پاشایە‌تی خودا، زۆر شت دە‌کات بۆ بە‌رژە‌وە‌ندی هاوڵاتانی ئە‌م پاشایە‌تیە. بە بینینی ئە‌م ڤیدیۆیە دە‌بینن عیسا نە‌ک تە‌نها دە‌یە‌وێت یارمە‌تی خە‌ڵک بدات، بە‌ڵکو توانای ئە‌وە‌ی هە‌یە کە ئە‌و کارە بکات، چونکە خودا ئە‌م دە‌سە‌ڵاتە‌ی پێداوە.
کاتێک عیسا لە‌سە‌ر زە‌وی بو، نیشانی دا کە پاشایە‌تی خودا لە داهاتوودا چی دە‌کات. بە‌تایبە‌تی چاوە‌ڕێی کام نیعمە‌تانە‌ی کە لێرە‌دا باسکراوە؟ بۆ پشکنینی ئە‌م نیعمە‌تانە ئایە‌تە‌کانی خوار بخوێننە‌وە.
کاتێک عیسا لە‌سە‌ر زە‌وی بوو . . .
عیسا لە داهاتوودا لە ئاسمانە‌وە . . .
بە‌سە‌ر هێزێکانی سروشتدا زاڵ بوو. —مە‌رقۆس ٤:٣٦-٤١.
چارە‌سە‌ری کێشە ژینگە‌ییە‌کان دە‌کات.—ئیشایا ٣٥:١، ٢.
بە شێوە‌یە‌کی سە‌رسوڕهێنە‌ر بە هە‌زاران کە‌س خۆراکی دا.—مە‌تا ١٤:١٧-٢١.
کۆتایی به برسێتی له سە‌رانسە‌ر جیهاندا دە‌هێنێت.—زە‌بوورە‌کان ٧٢:١٦.
نە‌خۆشی زۆر کە‌سی، چاک کرد. —لۆقا ١٨:٣٥-٤٣.
وا دە‌کات کە هە‌موو مرۆڤە‌کان تە‌ندروستیە‌کی تە‌واویان هە‌بێت.—ئیشایا ٣٣:٢٤.
مردووە‌کانی زیندوو کردە‌وە.—لۆقا ٨:٤٩-٥٥.
مردن بۆ هە‌میشە لە‌ناو دە‌بات. —ئاشکراکردن ٢١:٣، ٤.
٦. لە‌ژێر سایە‌ی پاشایە‌تی خودا، داهاتوویە‌کی تایبە‌تمان دە‌بێت
پاشایە‌تی خودا ئە‌و مە‌بە‌ستە جێبە‌جێ دە‌کات کە خودا لە سە‌رە‌تاوە بۆ مرۆڤایە‌تی هە‌بووە. مرۆڤ دە‌توانێت بۆ هە‌تاهە‌تایە لە بە‌هشتی سە‌ر زە‌وی بژیت. بە بینینی ئە‌م ڤیدیۆیە دە‌بینین کە چۆن یە‌هوە لە ڕێگای عیسای کوڕی مە‌بە‌ستە‌کە‌ی بە‌دی دە‌هێنێت.
زە‌بوورە‌کان ١٤٥:١٦ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
زانینی ئە‌وە‌ی کە یە‌هوە لە داهاتوودا «ئارە‌زوی هە‌موو زیندوویوک بە‌دی دێنێت» چۆن کاریگە‌ریت لە‌سە‌ر دە‌کات؟
هە‌ندێک کە‌س دە‌ڵێن: «ئە‌گە‌ر هە‌موو مرۆڤە‌کان یە‌کگرتوو بن، دە‌توانن کێشە‌کانی جیهان چارە‌سە‌ر بکە‌ن.»
ئە‌و کێشانە کە پاشایە‌تی خودا چارە‌سە‌ری دە‌کات، چین کە حکومە‌تە‌کانی ئە‌م جیهانە ناتوانن چارە‌سە‌ری بکە‌ن؟
لە کۆتاییدا
خودا لە ڕێگە‌ی پاشایە‌تییە‌کە‌یە‌وە مە‌بە‌ستە‌کە‌ی بە‌دی دە‌هێنێت. ئە‌م پاشایە‌تییە هە‌مووی زە‌وی دە‌کات بە بە‌هە‌شت، مرۆڤە ڕاستودروستە‌کان کە یە‌هوە دە‌پە‌رستن بۆ هە‌تاهە‌تایە لە بە‌هە‌شتدا دە‌ژین.
پێداچوونە‌وە
چۆن پاشایە‌تی خودا دە‌یسە‌لمێنێت کە ناوی یە‌هوە پیرۆزە؟
چۆن بزانین کە پاشایە‌تی خودا پێشبینییە‌کانی پە‌رتووکی پیرۆز جێبە‌جێ دە‌کات؟
تۆ بە شێوە‌یە‌کی شە‌خسی حە‌ز دە‌کە‌یت کام لە نیعمە‌تە‌کانی پاشایە‌تی خودا وە‌ربگریت؟
لێکۆڵینە‌وە‌ی زیاتر
لە‌م بابە‌تە‌دا دە‌توانن بزانن شە‌ڕی هارمە‌گیدۆن چییه.
لە‌و ماوە‌یە کە عیسا ناوی نابوو «تە‌نگانە‌ی گە‌ورە» چی ڕوودە‌دات؟ —مە‌تا ٢٤:٢١
ببینین چۆن خێزانە‌کان دە‌توانن بیر لە نیعمە‌تە‌کانی پاشایە‌تی لە داهاتوودا بکە‌نە‌وە؟
لە‌م بابە‌تە‌دا دە‌توانن ببینن کە چۆن ئاژاوە‌گێرێکی سیاسی بە ناوی ڕائودڵ وە‌ڵامی پرسیارە‌کانی دۆزیوە‌تە‌وە.
-