وانە‌ی ٥٨
بۆ یە‌هوە وە‌فادار بمێننە‌وە
مە‌سیحییە ڕاستە‌قینە‌کان هە‌موو هە‌وڵێکی خۆیان دە‌دە‌ن بۆ ئە‌وە‌ی هیچ کە‌س یان شتێک زیان بە پە‌یوە‌ندیان لە‌گە‌ڵ یە‌هوە نە‌گە‌یە‌نێت. بێگومان ئێوە‌ش هە‌مان هە‌ستان هە‌یە. دڵنیا بن کە وە‌فاداریتان بۆ یە‌هوە زۆر بە‌نرخە. (١ پوختە‌ی مێژوو ٢٨:٩ بخوێنە‌وە.) لە‌م وانە‌یە‌دا دە‌بینین کە لە چ بارودۆخێکدا ڕە‌نگە وە‌فاداریمان بۆ یە‌هوە تاقی بکرێتە‌وە و چۆن دە‌توانین لە‌و بارودۆخانە‌دا وە‌فادار بۆ یە‌هوە بمێنینە‌وە.
١. چۆن کە‌سانی تر وە‌فاداریمان بۆ یە‌هوە تاقی دە‌کە‌نە‌وە؟
هە‌ندێک کە‌س دە‌یانە‌وێت لە خزمە‌تکردن بۆ یە‌هوە ڕێگە‌مان لێ بگرن. بۆ نموونە ئە‌وانە‌ی کە کۆبوونە‌وە‌کە‌یان بە‌جێهێشتووە، درۆ سە‌بارە‌ت بە ڕێکخراوە‌ی یە‌هوە دە‌ڵێن، بۆ ئە‌وە‌ی باوە‌ڕمان لە‌ناو ببە‌ن. هە‌روە‌ها هە‌ندێک لە سە‌رکردە ئاینییە‌کان زانیاری هە‌ڵە دە‌ربارە‌ی شاهیدانی یە‌هوە بڵاو دە‌کە‌نە‌وە تاکو ئە‌و کە‌سانە‌ی کە بە تە‌واوی ئاگادار نین و ڕاستیە‌کان نازانن، کۆمە‌ڵ بە‌جێبهێڵن. بۆ ئێمە موناقە‌شە‌کردن لە‌گە‌ڵ ئە‌و جۆرە کە‌سانە کە دژایە‌تی شاهیدانی یە‌هوە دە‌کە‌ن، زۆر مە‌ترسیدارە. هە‌روە‌ها خوێندنە‌وە‌ی کتێبە‌کانیان و بابە‌تە‌کانی ئینتە‌رنێتی یان سە‌یرکردنی بە‌رنامە‌کانیان ئێمە دە‌خاتە مە‌ترسییە‌وە. سە‌بارە‌ت بە‌و کە‌سانە‌ی کە هە‌وڵ دە‌دە‌ن، شاهیدانی یە‌هوە لە خزمە‌تکردنی وە‌فادارانە بۆ یە‌هوە دوور بکە‌نە‌وە، عیسا گوتی: «وازیان لێ بهێنن، ئە‌وانە کوێرن و ڕێنمایی کوێرە‌کان دە‌کە‌ن. ئە‌گە‌ر کوێر ڕێنمایی کوێر بکات، هە‌ردووکیان دە‌کە‌ونە چاڵە‌وە.»—مە‌تا ١٥:١٤.
٢. چۆن دە‌توانین لە ڕێگە‌ی بڕیارە‌کانمانە‌وە وە‌فاداری خۆمان بۆ یە‌هوە نیشان بدە‌ین؟
خۆشە‌ویستیمان بۆ یە‌هوە هانمان دە‌دات کە بە‌تە‌واوی لە ئایینە درۆینە‌کان دوور بکە‌وینە‌وە. بۆیە نە کاری ئێمە، نە ئە‌و ڕێکخراوانە‌ی کە ئە‌ندامین و نە هە‌ر چالاکی یان شتیکی تر، نابێت هیچ پە‌یوە‌ندییە‌کی بە ئایینە درۆینە‌کانە‌وە هە‌بێت. یە‌هوە ئاگاداری کردووین کە: «ئە‌ی گە‌لی من، لە بابلی گە‌ورە دە‌ربچن.»—ئاشکراکردن ١٨:٢، ٤.
زیاتر بزانە
لە‌م وانە‌یە‌دا فێردە‌بن کە چۆن دە‌توانن سە‌رە‌ڕای دژایە‌تی و کاریگە‌ری ڕە‌شبینانە‌ی کە‌سانی تر، بۆ یە‌هوە وە‌فادار بمێننە‌وە. هە‌روە‌ها دە‌بینن کە چۆن دە‌توانن لە بابلی گە‌ورە دە‌ربچن و وە‌فاداری خۆتان بۆ یە‌هوە نیشان بدە‌ن.
٣. لە مامۆستا درۆینە‌کان خۆتان دوور ڕابگرن
ئە‌گە‌ر سە‌بارە‌ت بە ڕێکخراوی شاهیدانی یە‌هوە شتی ڕە‌شبینانە ببیستین، دە‌بێت چی بکە‌ین؟ پە‌ندە‌کانی سلێمان ١٤:١٥ بخوێنە‌وە و دواتر لێکۆڵینە‌وە‌ی ئەم پرسیارە‌ی خوارە‌وە بکە‌ن:
بۆچی دە‌بێت وریا بین کە زۆر بە‌زوویی هە‌موو شتێک باوە‌ڕ نە‌کە‌ین؟
٢ یۆحە‌نا ٩-١١ بخوێنە‌وە و دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن:
چۆن لە‌گە‌ڵ مورتە‌د دە‌بێت ڕە‌فتار بکە‌ین؟
تە‌نانە‌ت ئە‌گە‌ر ڕاستە‌وخۆ پە‌یوە‌ندیمان لە‌گە‌ڵ مورتە‌د نە‌بێت، بۆ ئە‌وە‌ی لە ژێر کاریگە‌ری فێرکارییە‌کانیان نە‌بین، پێویستە خۆمان لە چی بپارێزین؟
پێت وایە ئە‌گە‌ر گوێ لە‌و شتە ڕە‌شبینانە بگرین کە دە‌ربارە‌ی یە‌هوە و ڕێکخراوە‌کە‌ی دە‌گوترێ، هە‌ستێ یە‌هوە چۆن دە‌بێت؟
٤. کاتێک برا یان خوشکێک گوناە دە‌کات، بۆ یە‌هوە وە‌فادار بمێننە‌وە
چی بکە‌ین ئە‌گە‌ر زانیمان ئە‌ندامێکی کۆمە‌ڵ گوناهێکی گە‌ورە‌ی کردووە؟ لێڤییە‌کان ٥:١ بخوێنە‌وە. بنە‌مای پشت ئەم یاسایە کە خودا بە ئیسرائیلییە‌کانی کۆنی داوە، لە‌بە‌رچاو بگرن.
بە‌پێی ئەم ئایە‌تە، ئە‌گە‌ر بزانین ئە‌ندامێکی کۆمە‌ڵ گوناهێکی گە‌ورە‌ی ئە‌نجامداوە، دە‌بێ ئە‌وە‌ی دە‌یزانین بە پیرانی کۆمە‌ڵ بڵێین. بە‌ڵام پێش ئەوە، پێویستە بە خۆشە‌ویستیە‌وە، قسە لە‌گە‌ڵ کەسی گوناهبار بکە‌ین و هانی بدە‌ین لە‌گە‌ڵ پیرانی کۆمە‌ڵ قسە بکات و دان بە گوناهە‌کە‌یدا بنێت. ئە‌گە‌ر ئە‌و کارە نە‌کات، وە‌فاداریمان بۆ یە‌هوە هانمان دە‌دات کە پیرانی کۆمە‌ڵ لە‌م بابە‌تە ئاگادار بکە‌ینە‌وە. ئە‌مە چۆن ئەوە نیشان دە‌دات کە ئێمە . . .
یە‌هوە خودامان خۆشدە‌وێت و بۆ ئە‌و وە‌فاداریم؟
گوناهبارمان خۆشدە‌وێت و باشترینمان بۆ ئە‌و دە‌وێت؟
ئە‌ندامانی کۆمە‌ڵمان خۆشدە‌وێت؟
ئە‌گە‌ر هاوباوە‌ڕێک گوناهی کردبێت، یارمە‌تی بدە
٥. لە ئایینی درۆینە یان هە‌مان بابلی گە‌ورە خۆتان دوور ڕابگرن
لۆقا ٤:٨ و ئاشکراکردن ١٨:٤، ٥ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
ئایا هێشتا ناوی من لە لیستی ئە‌ندامانی ئایینێکی درۆ دایە؟
ئایا من ئە‌ندامی ڕێکخراوێک یان دامە‌زراوە‌یە‌کم کە پە‌یوە‌ندی بە ئایینێکی درۆینە‌وە، هە‌یە؟
ئایا کارە‌کە‌م بە هیچ شێوە‌یە‌ک پشتگیری یان یارمە‌تی بە‌رە‌وپێشبردنی ئایینی درۆینە‌وە دە‌کات؟
ئایا هیچ بوارێکی تر لە ئایینە درۆینە‌کان، لە ژیانمدا هە‌یە کە پێویستە خۆمی لێ جیا بکە‌مە‌وە؟
ئە‌گە‌ر وە‌ڵامی بە‌ڵێ تە‌نانە‌ت بۆ یە‌کێک لە‌م پرسیارانە بدە‌مە‌وە، دە‌بێت چ گۆڕانکارییە‌ک لە ژیانمدا بکە‌م؟
هە‌وڵبدە‌ن لە هە‌موو ئەم بابە‌تانە‌دا، بڕیارێک بدە‌ن کە بتوانن ویژدانێکی پاک بە‌جێبهێڵن و بە‌م شێوە‌یە نیشان بدە‌ن کە بۆ یە‌هوە وە‌فادارن.
ئە‌گە‌ر داوات لێبکرێت بۆ پشتگیری کردنی ئایینە درۆینە‌کان بە‌خشین بکە‌یت، چی دە‌کە‌یت؟
هە‌ندێک کە‌س دە‌ڵێن: «بۆ ئە‌وە‌ی بە‌رگری لە ڕاستی بکە‌م، پێویستە بزانم مورتە‌دە‌کان دە‌ربارە‌ی شاهیدانی یە‌هوە چی دە‌ڵێن.»
ئایا ئەم بیرکردنە‌وە ژیرانە‌یە؟ بۆچی وا بیر دە‌کە‌یتە‌وە؟
لە کۆتاییدا
بۆ ئە‌وە‌ی بۆ یە‌هوە وە‌فادار بین، پێویستە پە‌یوە‌ندی نە‌گرین لە‌گە‌ڵ ئە‌و کە‌سانە‌ی کە هە‌وڵ دە‌دە‌ن ئێمە لە خزمە‌تکردنی وە‌فادارانە بۆ یە‌هوە دوور بکە‌نە‌وە.
پێداچوونە‌وە
بۆچی نابێت گوێ لە مورتە‌دە‌کان بگرین؟
چی بکە‌ین ئە‌گە‌ر زانیمان برایە‌ک یان خوشکێک گوناهێکی گە‌ورە‌ی ئە‌نجامداوە؟
چۆن دە‌توانین گوێڕایە‌ڵی فە‌رمانە‌کانی یە‌هوە بین و خۆمان لە ئایینە درۆینە‌کان بە‌دوور بگرین؟
لێکۆڵینە‌وە‌ی زیاتر
کاتێک کە‌سانی تر سە‌بارە‌ت بە شاهیدانی یە‌هوە درۆ بڵاو دە‌کە‌نە‌وە، دە‌بێ کاردانە‌وە‌مان چۆن بێت؟
«ئایا زانیاری دروست و متمانە پێکراوتان هە‌یە؟» (تاوە‌ری چاودێری، ئە‌گوست ٢٠١٨)
چۆن دە‌توانن بزانن کام ڕێکخراوە یان چالاکی پشتگیری لە ئایینە درۆینە‌کان دە‌کە‌ن؟
«لە ڕۆژانی کۆتاییدا چالاک بن» (تاوە‌ری چاودێری، ئە‌کتۆبە‌ر ٢٠١٩، بە‌شە‌کانی ١٦-١٨)
هە‌ندێک بۆ لاواز کردنی باوە‌ڕی شاهیدانی یە‌هوە چ دژە‌بە‌رایە‌تێکیان کردووە؟
چۆن قە‌شە شینتۆ شینجی ساتۆ توانی بە تە‌واوی لە ئایینە درۆینە‌کان ڕزگاری بێت؟
«پەرتووکی پیرۆز ژیانی مرۆڤ دە‌گۆڕێت» (تاوە‌ری چاودێری، ١ی جولای، ٢٠١١)