Mateo
7 Ʉtaa wiɗiiruuɗe, ara aɓa ɓuuɗu wiɗiirã́ba, jomaurã ẽbẽraraba asebadau kĩra, jãarãba kʉ̃risia nuree ichia ũri nii wiɗibudau jomau beɗeaɗe. 9 Naka ʉtaa wiɗíbaɗa: “‘Dai Akõre ʉtʉ bajãaɗe ɓuu, bichi trʉ̃ ʉ̃rʉbena miadaa jaraɗai idaraabirã́ba. 10 Neebis bichi Kobierno. Bichia kʉ̃ria ɓuu ara jãka ʉtʉ bajãaɗebena kĩra, nama iujãaɗe asebiba. 11 Dai chiko koɗayu iɗibena deaba; 12 perdonaba daiba debe niɗau biɗa, dachia perdonasiɗau kĩra chi daimaa debe nureerã. 13 Dai miadaa ɓuuɗe ɓaebirã́ba, mauɗe chi Jʉbawẽe niiɗebena karibaba. 14 “Machirãba perdonaduubʉrã waabenarã miadaa ɓee asepeɗaaɗa baɗa, machi Akõre bajãaɗe ɓuu biɗa perdonakuayua machi. 19 “Nama iujãaɗe chi nejarra ãrĩã jʉrʉbadau ida ɓuisturu, chi polilla óxido baarauba joma koi ɓuu, mauɗe chi orroabadaurãba deeɗaa neeɗapeɗa orroaɗai ɓuu. 20 Bari, jãu kãyabãra waa ne bia ʉtʉ bajãa baita jʉrʉ́sturu, ariara chi polilla ni oxidoba koɗakaa mauɗe chi orroabadaurãba neeɗapeɗa orroaɗakaa. 21 Bichi corazonɗeburu kuitaa ɓuu kãare baraa kʉ̃ria nii. 24 ”Machi bari trajaɗaabai patron ome niɗau kakua, aɓa niidu aude kʉ̃riapeɗa, aɓabena kʉ̃riai baɗabara. Machi poyaa Dachi Akõre baita trajaɗapeɗa ara mau dauchia chi Nejarra unuɗai baita ãrĩã trajaɗaabayua. 25 “Mauɗéburu jaraburua: machi nuree kakua preocupabarii nurearábaɗa, chi kãare doɗayu o koɗayuɗebena, maebʉrã machi kakua biɗa kaare jʉ̃ɗayu. Mauɗeebiɗa, ¿dachi niidu aude vale niiwẽe chikoɗeebara mauɗe dachi kakua paru kãyabãra? 26 Kawa ochiábaɗa chi ibana bajãaɗebenarã. Ni uuɗapeɗa junaɗakau ni guardaɗakau chi junapeɗaaɗa guardabadauɗe, maka ɓumina chi Akõre bajãaɗebenaba chiko kobiabaria. ¿Makarã, machi vale nureewẽa achirã aude? 27 ¿Kai machiɗebena ãrĩa kʉ̃risia nureeɗeeba, machi nureerã aude chokae nibai ɓua? 28 Maubapeɗa, ¿kãarea ãrĩã kʉ̃risiabadaama paru kakua? Kawábaɗa saka waribarii chi neponorã druaɗebena. Kãarea trajaɗapeɗa mauɗe kapiruɗakaa; 29 mauɗe mʉa jara ɓua Salomón jãara kĩraka aseebasiiɗe jãka biʼia jʉ̃basaa. 30 Makarã, Dachi Akõreba jãka jʉ̃bibariiɗe, chi druaɗe tono koɓeera iɗi nama kuɓuubʉrã nu tʉbʉɗaa jirataburuubʉrã, ¿machirã paru jʉ̃biabayuwẽe, ẽbẽrarã chi fe ɓiɗĩikaburu u nureerã? 31 Makarã kʉ̃risia nurearã́baɗa mauɗe jaraɗaabayua: “¿Kãare koɗapeɗa?’, maebʉrã ‘¿Kãare doɗaiba?’, maebʉrã ‘¿Kãare jʉ̃ɗaiba?’. 32 Mau ẽbẽrarã puuru choromaɗebenarãba ãrĩã jʉrʉ baraa ɓuu. Machi Akõre ʉtare ɓuuba kuitaa ɓuu machia ne joma nesta panuu. 33 Dachi Akõre Kobiernodu naa jʉrʉ kopaneeɗapeɗa mauɗe ichia jaradeɗeka ɓuu ase kopanésturu, maabea joma adauɗayua. 34 Kĩrukaraa nurearã́baɗa chi norema neeburuuɗe siɗa, mau chi norema neeburuu ara machi kĩrukaraai baita biɗa. Ara basma chi problema noremaacha kuɓuuɗebena.