Lucas
15 Makarã, chi nejarra wiɗika nibabarii chi impuestoɗebena mauɗe chi pecadorna joma ara ãbua duanabachia ichi ũriɗayua. 2 Chi fariseorã mauɗe chi ley ɓʉbadaurã ãchi chiya chõpea beɗeabachiɗaa: “Jari nii mukĩra chi pecadorna baara nibapeɗa maarã baara kobarii”. 3 Maabea ichia nau jaraɗa baɗaa: 4 “Machirã 100 oeja bara nureeɗebena aɓa perdeburuubʉrã, ¿chi 99 chi duanuumaare bʉipeɗa chi perde ɓuu jʉrʉɗe wãyue? 5 Unuburuuɗe, kĩrajʉʉ ãrĩã ichi opeeɗeɗe ʉ̃rʉ jira adauyua. 6 Ichi deeɗaa neeburuuɗe, ichi amikorã mauɗe ichi aɗu nureerã iupeɗa jarayua: ‘¡Kĩrajʉ́sturu mʉ baare, mʉa unusii mʉ oeja aɓa perdeɗa baɗaɗeeba!ʼ. 7 Mʉa jarayua, ara jãka jãu kĩraka bajãaɗe aude kĩrajʉʉ ãrĩã duanaɗayua chi pekao ase nii arrepentisii kakua chi 99 jipa nureerã arrepentiɗayu nesitaɗawẽerãɗeebiɗa.