Juan
19 Pilatoba makarã jarasia chi Jesús odoeɗapeɗa sĩɗayua. 2 Chi soldaorãba ʉriba corona kasiɗaa maabea boroɗe kuɓusiɗaa, maabea paru mopãarãa ɓuu kuɓusiɗaa. 3 Ichimaa neesiɗaa naka aɗapeɗa: “¡Nibaba rey judiorãɗe!”. Maubapeɗa, kĩadarrmaa sĩ panasia. 4 Pilato waya wãsia maabea ẽbẽrarãmaa wiɗisia: “¡Ũrísturu! Mʉa nama awara uneeburua machia kawaɗaya mʉa unuwẽe ichi chi kãare aseɗa baɗa kakua jidauɗayua”. 5 Makarã Jesús wãsia chi corona ʉriba asepeɗaaɗa ome mauɗe chi paru mopãarãa ɓuu baare. Maabea Pilatoba naka asia: “¡Ochiásturu! ¡Chi mukĩra!”. 6 Mauɗe, chi sacerdoterã choromarãba mauɗe chi oficialnaba unusiɗauɗe naka ɓiasiɗau: “¡Chi bakuruɗe merapetásturu! ¡Chi bakuruɗe merapetásturu!”. Pilatoba naka asia: “Odoésturu maabea machiaburu beábaɗa, mʉa unuwẽe bẽrã ichi culpa bara ɓuu”. 7 Chi judiorãba panausiɗaa: “Dairã ley bara duanua, chi jãu leyba biuyu a ɓua, ichia waarãmaa ijãabiasii bẽrã ichi Dachi Akõre warr nii”. 16 Mau kaaɗe, chi Jesús deasia chi bakurumaa ʉtʉ merape jiranuɗayua. Maabea ãchiaburu ochiasiɗaa ichidu. 17 Chi ichiaburu chi bakuru odoemaa ɓuu aria jũi jiranuɗai baita, odoesiɗaa chi aria ɓooyu trʉ̃ Calavera abadauɗaa, hebreoɗe mau trʉ̃ Gólgota abadau. 18 Aria chi bakurumaa merapetasiɗaa mukĩrarã ome niɗau jʉ̃kaa, aɓaaɓaa jʉ̃kaa mauɗe Jesús kẽsauɗe.