Hechos
15 Maabea chi nuree mukĩrarã neesiɗaa Judeaɗebena maabea jaradeɗeka kopaneesiɗaa ãbarãmaa: “Machirã kakua tõokuaɗawẽebʉrã ara jari tõobadau kĩraka Moisés leyba jara ɓuu kĩra, makarã machi poyaa salvaɗawẽa”. 2 Maamina Pablo Bernabé ome kʉ̃risiaabasiɗau ãchi kʉ̃risiabadau kĩra, ara jãuɗebena ãrĩã beɗeapeɗaaɗakare, naa bi’ia perparasiɗaa Pablo, Bernabé mauɗe waabenarã siɗa wãuriɗayua chi apostolerã duanuurãmaa mauɗe chi dawaraurã Jerusalenɗebenarãmaa ara mauɗebena beɗeaɗe. 23 Náturu basia ɓʉɗapeɗa ãchirã baara urubʉepeɗaaɗa: “Chi apostolerã chi dawaraurã omeba, ãchi ãbarãɗebena, chi ãbarã Antioquiaɗebena, Siria mauɗe Cilicia judioɗebenarãwẽe baita: ¡Dauchia panaɗai! 24 Daiba ũribadau chi nureerã daiɗiɗebena, wãuripeɗaaɗa baɗa machirãmaa jaraɗe, mau ãi kʉ̃risiabiɗayua dai bʉepeɗaaɗa baɗawẽe. 25 Mauɗeeba dai jomarãuba kʉ̃risiasiɗau jʉrʉɗayua mukĩrarãɗebena bʉeɗayua Bernabé Pablo baara, 26 ãchirã chi nureapeɗaaɗa baɗa bʉesiɗau Jesucristo trʉ̃ɗe. 27 Mauɗeeba, bʉesiɗau Judas Silas baara ara machia ũriɗayua cha nau jarabʉesiɗau ara ãchi beɗeaɗe. 28 Chi Dachi Akõre Jaurimaa mauɗe dairãmaa biɗa bi’ia ɓuuɗeeba ãrĩã chaarea ɓuu asebiɗaamaaba ara náturu: 29 kobiɗaabayua chi animarã beapeɗaaɗa baɗa chi idolorãmaa deaɗayua, oa siɗa koɗaabayu, animarã õstabʉetakapeɗaaɗa koɗaabayu mauɗe chi kachirua asebarii kakua ome. Ida ɓuibudaubʉrã joma naarã, makarã bi’ia nureaɗayua. ¡Bi’ia duanɗaika!”. 30 Ãchi wãuripeɗaaɗakare, naarã mukĩrarã wãsiɗaa Antioquiaɗaa. Aria jomaurã ome unuɗapeɗa mauɗe karta deasiɗau. 31 Leasiɗauɗe, kĩrajatua ãrĩã sentisiɗau jãka beɗea bia ɓuuuba.