Hechos
14 Chi apostolerã Jerusalenɗebenarãba ũrisiɗauɗe chi ẽbẽrarãba Samariaɗe duanasiiɗe ũri kʉ̃riasiɗau chi Dachi Akõre beɗea, bʉisiɗau Pedro Juan baara. 25 Biʼia jaradeakuaɗakare mauɗe jaraɗedekasiiɗe Jeowa beɗea, wãurisiɗaa Jerusalenɗaa waya mauɗe jaradeɗekaɗe wãurisiɗau beɗea kĩrawãrea ɓee puururã ãrĩã samaritanorãmaa. 26 Maamina chi angel Jeowaɗe Felipemaa neepeɗa naka asia: “Wãs chi o Jerusalenɗeeba Gazaɗaa wã ɓuuɗe”. (Jãu iujãaɗe sirua siɗa unuwẽa). 27 Ara mau ɗauchia Felipe piradrupeɗa wãsia. Makarã ichi oɗe kãriiɗe mukĩra Etiopiaɗebena ome unusia, jãu mukĩra reina Candace Etiopiaɗebena baita traja nibasia, ichira chi boro jãmabena bẽrã. Ichia chi nejarra reinaɗe joma ochia uru ɓoosia, mau wãsii Jerusalenɗaa Dachi Akõre kʉ̃riapeɗa ũriñua, 28 maamina waya neemaa ɓoosia, ichi carroɗe beɗea jĩwa lea kãribasia chi profeta Isaiasba ɓʉɗa baɗa. 29 Chi Dachi Akõre Jauriba naka asia Felipemaa: “Wãs mambea jãu carromaa ochiais”. 30 Felipe pirasia aria maabea ũrisii chi beɗea jĩwa leamaa ɓoosii chi profeta Isaiasba ɓʉɗa baɗa. Maabea wiɗisia: “¿Biawãra bichia kuitaa ɓuẽ chi leamaa ɓuu?”. 31 Ichia panausia: “¿Mʉa saka kawaiba mʉʉmaa junebenaba jaradeawẽebʉrã?”. Mauɗeeba ichia chi Felipemaa chi carroɗe ʉtʉ wãpeɗa ichi jʉ̃kaa aku ɓeeyua wiɗisia. 36 “¡Ochiase! Nama bania nuɓuu. ¿Mʉ bautisai ɓuka?”. 38 Felipe mauɗe mukĩra puuru Etiopíaɗebena doɗe eɗa wãpeɗaaɗa. Mambea Felipeba ichi bautisasii.