1 Corintios

21 Chi copa Jeowaɗebena ara mauɗe chi copa demonioɗebena siɗa do nureaɗaabayua. Mauɗe “mesa Jeowaɗeɗe” ara mauɗe mesa demonioɗe siɗa ko nureaɗaabayua. 23 Joma aseɗai ɓua, maamina joma biʼiawẽe asei baita. Bariara joma asei ɓumina, ne joma jipa nibabi bai. 24 Ẽbẽraba mistu bi’ia asei baitaburu jʉrʉrã́baɗa, bari junebenaɗe siɗa jʉrʉyua. 31 Jãuɗeeba, machi komaa duanuu, domaa duanuu maebʉrã barikia ase duanuu, joma ase nureábaɗa Dachi Akõre kʉ̃riapeɗa ũriyua. 32 Kachiruaɗe ɓaebiiduu kĩra aserã́baɗa judiorã, griegorã mauɗe congregación Dachi Akõreɗe siɗa, 33 ara jãka mʉa kʉ̃ria ɓoosii waarãmaa bi’ia kʉ̃risiabiɗayu, mʉa jʉrʉwẽe bẽrã mʉ bi’ia ɓeei baitaburu, bari ẽbẽrarã ãrĩã bi’ia duanaɗayua jʉrʉ ɓuu, ãchi joma karebakuayua.