1 Timoteo

3 Cha nau beɗea chi wãrabenaa: chi mukĩraba ãrĩã bereka ɓuubʉrã superintendente bayua, mau ariɗe ɓuu. 2 Mauɗéburu, superintendenteɗebena kachirua jaraabayua, chi wẽra aɓa nii baitabena mauɗe chi bi’ia kawa nibai baita; bi’ia jipa nibabaraai, bi’ia ɓuekabaríturu nibayua mauɗe bi’ia ãrĩã adau nibayu ichi deeɗa, mauɗe bi’ia ãrĩã kawa nibayu kawabiayua. 3 Itua dobarii nibaabapeɗa oa kachirua nibaabayu, bari bi’ia ãrĩã kʉ̃risiabarii nibayu. Kĩruyua nibaabayu chi nejarra kakua biɗa nibaabayu. 4 Chi mukĩra bi’ia ãrĩã́turu ua ɓuu ichi deɗabena mauɗe chi warrarã biɗa ũribadaurã ichi ome 5 (chi mukĩraba bi’ia ãrĩã jaradeɗekabarii niiwẽebʉrã ichi deɗabenarã ome, ¿saka ochia uayua chi congregación Dachi Akõreɗebenarã?). 6 Chi mukĩra ara ʉ̃rãburu trʉ̃ jarapeɗaaɗa nibaabayu, juakaya ãrĩã nibaabayu chi castigo chi Diabloba irsibisii kĩraka ichia biɗa irsibiibayua. 7 Mauɗe ẽbẽra awarabena biɗa bi’ia kʉ̃risiaɗayu ichiɗebena, ichi nebʉra bara nii nibaabayu mauɗe Diablo enebeɗe ɓaemaaba. 8 Ara jãka, chi siervo ministerialna kʉ̃risia bi’ia nibayu; waabenarã ʉ̃rʉbena atua beɗeaka ɓuu nibayu itua siɗa ãrĩãdu nibaabayu mauɗe chi nejarra bara kʉ̃ria nibaabayu kachirua ɓee ase niiɗeeba, 9 chi Jeowaba kawabiɗa baɗaɗeburu fe chaarea ãrĩã nibayu kʉ̃risia jayoaswẽe ome. 10 Naa ochiabiɗayu capaz nii kawayua; makaburu, kachirua jaraɗaabayua ãchiɗebena, bi’ia trajaɗai baita. 11 Chi wẽrara siɗa araɓau kʉ̃risia bi’ia nureaɗayu setaa jaraɗawẽa. Bi’ia aseɗapeɗa mauɗe jipa nureaɗayu jomaurãɗe. 12 Chi siervo ministerialna kima wẽra aɓaburu nii baita nureaɗayua mauɗe chi warrarãmaa bi’ia ãrĩã jaradeaɗapeɗa joma deɗabenarã biɗa. 13 Chi mukĩrarã bi’ia ãchi trajo asebadau junebenarãba bi’ia jaraɗayua ãchiɗebena mauɗe biꞌia jaraɗayua chi feɗebena chi Cristo Jesusɗe kuɓuu. 15 chi puuru Diosɗe chi eeburu kĩraka kuɓua