2 Timoteo
3 Maamina bichia kuitaabaraai último diarãɗe, tiemporã chaarea ɓee neebudaa mauɗe chi saka choroai unuubai 2 Ẽbẽrarã ãchi du aɓaburu kʉ̃ria duanaɗaiɗeeba; chi nejarradu ãrĩã kʉ̃riaɗai, ãchi juakaya nureaɗai, aɓabena atua jaranureaɗai, Dachi Akõre ʉ̃rʉbena atua jaranureaɗai, akõrerã beɗea ũriɗaabai, ara kiruma aɗaabai, kĩra jipawẽa nureaɗai, 3 deeɗabena kʉ̃riaɗaabai, waabenarãba jaraaduu ũriɗaabai, setaa jaranureaɗai, barikia ãdanureaɗai, chi kĩrubi ãrĩã nureaɗai, chi kosa biarã bustaɗaabai, 4 traisionanureaɗapeɗa ãchia aseɗa kʉ̃rianureeɗeburu aseɗai, juakaya ãrĩã nureaɗai, Dachi Akõre kʉ̃riaɗawẽa ãchia kʉ̃riapanuudu aseɗai, 5 Dachi Akõre kʉ̃rianureeka unubiɗai, maamina setaaburu aseduanaɗai. Jãarã ome meraarãaba. 13 Maka ɓumina chi ne kachirua asebadaurã audeburu miadaa wãɗayua, ãchia setaa jara duanuu mauɗe ãchi siɗa setaaba kũrua panuu. 14 Bichia chi ariɗe ɓuu kawaɗabaɗa ida ɓurãaba mauɗe bichimaa waabenarãba jaradeapeɗaaɗa siɗa, 16 Chi Ɓʉ kuɓuu Dachi Akõreburu ɓʉbiɗaa, bi’ia ɓua jaradeɗekai baita, dachi kĩra jipa nibabii baita chi kachirua ase kuɓuuɗebena mauɗe chi bia ãrĩã ɓuu jaradeai baita, 17 nauba chi Dachi Akõre ẽbẽraba bi’ia jaradeayua, mauɗe chi jipa ɓuu aseyua.